Lagom Kaffe (已結業)

Lagom Kaffe 喺牛頭角同埋觀塘各有一間分店，牛頭角呢間空間感大，有落地玻璃可以望到街景，光線充足，有沙發卡位同埋普通位，坐得好舒服😌而且裝修主要用木系風格，裝修簡約🙈閒日晏就兩三點嚟到，都要等一陣，好多人排隊😗。🍝台北燉牛肉意粉呢個燉牛肉係簿片上，唔會「太鞋」，上面有芝士粉，意粉軟硬度啱啱好，意粉醬係類似肉醬，但係佢同一般西餐廳肉醬意粉味道唔同，係麻辣嘅中式肉醬，好入味，麻辣意粉有幾夾🧡。🍝鹹蛋黃蒜香軟殼蟹意粉上枱時已經聞到好香嘅蒜味，同埋鹹香蛋黃味，望落去鹹蛋黃唔多，但係食落去鹹蛋黃味都好濃郁，軟殼蟹好吸睛，脆口，但略嫌細隻😚。🍟炸薯條薯條炸到條條都好香脆，雖然感覺好熱氣，但係都忍唔住一條又一條😌。☕️手沖咖啡揀咗巴西呢隻咖啡豆，無苦澀味，醇香順口🧡。🍓莓莓乳酪燕麥奶搖熱辣辣天氣，飲落去呢個酸酸甜甜嘅莓shake 好fresh😎

牛頭角一個工廠區，有一間又大又舒適，彩光度極高嘅cafe，之前已經見有好多人去打卡😍All day breakfast 🍳 📍賣相 ⭐️ ⭐️ ⭐️ ⭐️📍味道 ⭐️ ⭐️ ⭐️ ⭐️💬一向都覺得all day breakfast 其實點煮都唔會難食，但呢一個breakfast 出奇地好味😋，腸仔是辣辣的，蘑菇炒得香，塗麵包的醬也很好吃，最加分嘅係，伴碟嘅沙律菜每一塊都沾滿醬汁👍🏼我最怕吃乾乾的沙律菜手沖咖啡☕️📍賣相 ⭐️ ⭐️ ⭐️ 📍味道 ⭐️ ⭐️ ⭐️ 💬 咖啡味唔算濃，但咖啡味好香咖啡唔太酸，帶點甘香🥰雖然地點並不是在中環或海旁的地方，出奇地景觀都好靚，另有一番風味，似置身在日本🇯🇵，加上餐廳闊落，每一個位置都有電位，相信帶電腦來工作再慢活一個下午非常舒適😎

旺角嘅「桔梗」，最初開檔嘅時候都打算去睇睇，但拖吓拖吓就無咗回事，依家經常都好多人排，更打消咗念頭。最近，有咖啡友話佢有家姊妹店「樂感」（Lagom Kaffe）晌牛頭角開咗，足足8,700呎大，又自設炒豆房及烘焙餅房，今日行完山就順勢過嚟嘆吓下午茶。 雖然餐廳所處嘅商廈相對比較隔涉，但估唔到都有咁多人等位，的確，晌密集嘅市區中搵個舒服嘅地方唔容易，而呢度地方大，空間感強，兩面落地大玻璃窗，加上放置咗唔少植物，以及一室木系餐枱椅，裝修簡約，卻予人感覺開揚闊落，非常舒服，所以，嚟到一定要預多啲時間，慢活享受吓。 除咗空間十足之外，餐廳環境亦有唔少值得留意嘅地方，如長長嘅咖啡製作枱，睇到咖啡師沖泡每一杯咖啡。 而入門口位置，吸引眼球嘅喺炒豆機，大大座放晌玻璃房內，可惜喺睇唔到其操作，唔知咩時間會開動部機，真喺想見識吓，未親身見過嘛。 此外，上文都提過有自家烘焙，麵包產品唔喺來貨，所以，近門口櫃枱面亦擺放咗店家嘅出品，堂食又得，睇啱買返屋企慢慢享用又得。 當然，唔少得其他咖啡嘅相關產品作零售啦。講到食物方面，唔喺得輕食，亦有唔少飽肚嘢嘅，但款式就唔會太多。全日早餐啦、三文治啦、意大利粉啦、沙