中村藤吉香港店 (已結業)

以京都宇治抹茶百年老店的名字來港的中村藤吉，由首家在The One的香港分店至遷至美麗華的新店，依舊不乏捧場者排隊支持。亦由於排隊的誇張程度，其實來到這天才第一次於堂食品嚐他們的抹茶。店前搶眼的麻質暖簾，予人充滿歷史的古舊與氣派之感；在旁的一側則售賣著些小吃與茶包，想多些選擇的話去The Mira地下的中村店會來得滿足一點。走進店內，一般的日式暖木系裝潢夠晒光猛，只是商場翻新關係影響了窗外光景，有點失色。抹茶蕎麥麵定食(冷) $118以為我家那位約了朋友來吃抹茶甜品，卻原來午餐才是主因？她選了附有米飯與小甜品的抹茶蕎麥麵定食，看上去簡簡單單卻感精緻。據餐目裡說，抹茶蕎麥麵是於蕎麥加上細綠茶粉作成，入口質感爽幼，抹茶味卻是欠奉。而蕎麥麵吃得到麥粒咬口的特質也截然失去，味道一般。反而米飯上的抹茶調味粉卻是驚喜所在，入口咸香之中帶茶香，與飽滿的日本米同吃，美味得會想添吃！小甜品是抹茶啫喱配紅豆與白玉丸子，啫喱滑溜溜之餘，丸子的煙韌也不錯吃。京之精選 $98至於我嘛，還是堅持吃甜品的想法，便選了看似精美的京之精選。可惜，抹茶與焙茶蛋糕與抹茶蕎麥麵一樣未感茶香，雖然吃起來質素也夠軟身，但茶味才該

自從The One 間中村藤吉搬遷之後，一直都好掛住佢既冷蕎麥麵。知道佢係美麗華重新開返，我又點可以錯過呢本身以為又要等成個鐘先食得，點知等左唔夠5分鐘就入得！！平日過左lunch time 去會少啲人，唔想等又想食既就記住啦細妹同我一樣，都對中村既食物情有獨鍾。每次黎到，我地都一定會叫－抹茶蕎麥麵定食(冷)($118)雖然有啲貴，但係我係其他地方食唔返同一個味道除左冷蕎麥麵，仲有飯同一個細甜品（入面有丸子、紅豆蓉同抹茶啫喱）。如果自己食哂一個都幾飽。至於甜品方面，太多款好難揀，樣樣都好吸引，好想試。本身想試佢每日限定既蕨餅，但未入黎之前已經話賣哂最後，我地叫左期間限定丸十士多啤梨芭菲 ($108)除左抺茶之外，士多啤梨都係我既至愛佢既獨特之處係以士多啤梨x櫻花蓉取代抺茶，比另外兩款芭菲更清新。士多啤梨蓉酸酸甜甜得黎帶點冰涼。我覺得呢個仲好味過抹茶個個！！另外，仲叫左個養身葛切($88)根據佢menu所講，葛切係由葛粉製作而成，暖身又暖胃。食落煙煙韌韌，碗入面仲有兩粒冰，越食越冰涼再配搭埋自家製抹茶黑糖漿，一個字，正