咪走雞 (已結業)

在很多商場都唔開既關係，幸好去葵興工作完，附近商場可以食個下午茶，揀左咪走雞，是日人流不多， 環境地方闊落十分乾淨，仲有不少卡位， 阿女食飽捐窿捐罅都唔做，個View唔錯 望到睇個政府合署。（辣）招牌咪走雞白飯 - 送來的時候醬汁沸騰， 要待一陣先至食到，醬汁有點點辣味，好濃好稠，雞肉非常鮮甜，肉質超級嫩滑，白飯撈汁已經夠晒味。花膠鮑魚汁雞粒炒飯 - 花膠好滋潤，仲有好多片，好厚肉，好軟身 ，烹調浸煮應該花不少時間，都不用$70連飲品或例湯， 好抵食。雞肉切粒，炒飯粒粒分明，乾身，每粒都有鮑魚汁，唔見有白飯粒。是日例湯，湯料有紅蘿蔔，大大舊瘦肉，覺得太過咸， 越飲越口渴。

因為食慣了附近工廠下的一堆飯店，所以轉一轉口味及地點來到KCC。午飯時間KCC內餐廳都會有不少食客，看見這間主打雞餐廳被它吸引，一於入去試試。分別與同事一行2人都點了兩份不同的餐。花膠雞湯米粉同事選這碗米粉主要原因是被花膠所吸引，我都稍為一嚐。米粉用料確實幾多，有花膠、雲耳、紅棗等等。從湯底飲到入面加了花彫酒同糯米酒，入口甘香。而主角雞件同米粉都吸收了湯入面精華。招牌咪走雞飯當然我就選了這款招牌菜，雞肉去骨對懶人十分方便。上枱時候砵仔內湯汁依然滾著，熱辣辣。主角雞肉入口非常嫰滑，肉質非常好，而且份量都幾多。另外雞汁香口入味，用來配飯食一流。另外因為同事的套餐還可以選多一樣小食，我地就選了黃金花枝餅。花枝餅兩邊都輕輕煎起，不會過火，而油份都不算多。自商場建好後，確實多了不同食肆，這間有別於連續集團式店質素確實值得一讚。