火星料理 (已結業)

同一般韓國餐廳一樣食韓國菜，例牌有好多款唔同嘅泡菜做前菜，依間餐廳就選用左泡菜，蘿蔔，菠菜同埋黑豆做前菜。招牌炆牛肋骨配飯$85（老闆娘話呢一道菜好受食客歡迎，於事就點左）炆牛肋骨係韓國餐廳一道常見嘅菜。唔好睇佢黑孖孖咁，牛肋骨炆得好入味而且軟硬適中，咬落唔癡牙，但又保持到牛肉既口感，比起入口即化，我更喜歡依種實在嘅口感。依一款牛肋骨同出面其他韓國餐廳嘅牛肋骨有少少分別，其他韓國餐廳嘅牛肋骨汁醬嘅顏色比較清淡，而依款味道比較濃同埋偏甜，感覺有少少似沙茶醬既味道。牛肋骨既汁記得唔好浪費！要黎撈飯最岩！好足料既辣汁八爪魚炒雜菜拌麵 $80拌麵上面已經被八爪魚🐙 重重覆蓋，八爪魚粒煙煙韌韌，加上爽口既幼拉麵，口感十足。韓國人都好鍾意係食物到家辣，而呢一款拌面嘅味道酸酸辣辣好開胃，辣度岩岩好👍🏻Lunch set 仲送一粒雪米糍 做甜品😋好驚喜，無諗過食lunch都有甜品送👍🏻重點係依家唔餐廳唔收＋1服務費啱晒喺附近返工嘅打工仔過嚟食個高質素嘅韓國午餐

首先前菜已經好有驚喜，四道前菜各有特色，特別深刻既係菠菜同蕃薯，絕對係美味一餐既good start!!招牌炆牛肋骨配飯 (Marks: 9/10)牛肋骨同白蘿蔔配鼓油汁成件事係perfect match，讚一讚個汁好甜好正令到牛肉同蘿蔔都好入味，牛肉煮得剛剛好唔會韌，意料之外咁好食火星人常餐 - 辛辣麵 (Marks: 7.5/10)因為唔食得辣所以叫左少辣，辣度調較得唔錯，正常辛辣麵水準不過有少少淡，好彩有濃味既泡菜汁豬肉做配搭，為呢道菜加分!

黎自火星既韓國餐廳，媽媽之前見到就有興趣想一次，所以就約左番工日一家人進餐。一上到樓已見到鮮明既招牌，可以好易就搵到餐廳既位置。一入到黎就有好多款的前菜可以試下，每款都好有特色，不似其他餐廳只提供兩三款。商量完之後我地就決定點幾個菜色試試。白切豬手水冷面($75) -第一次食豬手水冷面，感覺好新鮮，同韓國的水冷面一樣有加冰令水冷面更加冰凍，厚切的豬手加上酸酸冰冰的湯，適合怕辣而且怕熱的朋友，沙湯底令到豬手沒有油膩既感覺，配搭新鮮又好味。招牌炆牛肋骨配飯($85) - 牛肉非常軟熟，羅白同紅羅白都非常入味，一食就知炆左好幾個小時，配上白飯，非常好味。誠意之選。烤照燒汁大蝦($130) -蝦肉新鮮又大隻，大蝦一早已經醃好燒汁令食果時更入味，蝦烤完後香味濃郁，肉質鮮嫩有陣性，配埋旁邊既菇就一流。價格雖然較貴，但食完後覺得是值得一試的。最後食完附送既甜品我地就再次回到地球上了