旅窩 (已結業)

招牌豆乳鹽酥雞配涼拌泰式米粉 呢個真係好食😭呢個真係好驚艷到我味蕾🥹❤️‍🔥我會話個雞超級無敵好食🥹講真可以暫時封佢為我係香港食過最好食嘅鹽酥雞🥰佢真係做到外脆內嫩 外皮脆得嚟唔係個種好油膩好熱氣嘅面粉感覺 佢係一粒粒好似花生碎嘅炸粒 好好食啊個口感😭😭😭❤️‍🔥入面啲肉好滑嫩 舊舊都有雞髀肉嘅質感 而且好入味💕再邪惡啲係 佢嘅肉有啲啲肥 所以一啖咬落去好juicy!!!😆配埋特製大澳蝦醬 神奇地match 味道更上一層樓🥹另外泰式米粉又係好食 口感好爽 加埋酸甜汁 哇 開胃到直程可以食兩碗🥹🤣兩樣野都好大份又大舊！啲雞係食到我最後好唔捨得咁快食哂😚😉欣賞佢可以做到台式、港式加泰式(鹽酥雞、大澳蝦醬、酸辣米粉)嘅fusion咁有創意得嚟又出色！🤓.招牌豆乳鹽酥雞便當+古早味台灣腸 同伴點的 想一次過試齊所有野嘅朋友嗌呢個就冇錯了🤣有齊雞、半熟蛋、韓國粉絲、飯、椰菜、牛蒡！有肉得嚟同時都有菜 好似係比較健康嘅選擇啊😆同伴同我都覺得個雞冇得輸🤓🤩超級香口又唔會油膩 好jengggg🤩古早味台灣腸又係瘋癲地好食🥹肥瘦適中既juicy又有咬口 食完又有好感動嘅感覺🥲🥹💕

 掛住旅行可以黎呢間旅窩🥰小店格局但係佈置好有心思，二樓仲有打卡位。菜式主要係台灣菜，但係都有啲特別啲既fusion菜～味道黎講係唔錯😋特別推薦佢地既鹽酥雞。 1⃣️招牌豆乳鹽酥雞乾拌麵（$82）招牌鹽酥雞有五大件，豆乳調味唔會好突出，反而係微微食得出多一層鹹香～炸得香脆，特別鍾意佢地跟配既特製大澳蝦醬，味道鮮香唔會太鹹，點鹽酥雞食一流🥰另外乾拌麵幾香，麻辣味道唔會太辣但係好惹味🤤  2⃣️招牌豆乳鹽酥雞配涼拌泰式米粉（$82）鹽酥雞真係好好食😍大份香脆～另外呢款配上泰式米粉，夠曬特別，台灣菜同泰國菜既結合🤩可以自己澆上另上既泰式酸辣汁，食落酸酸甜甜好清爽～仲有青瓜絲、椒絲、炸蒜等等，夏天食好啱！  

收工約朋友食飯，即興入左呢間位於中環既小店，店內到處都放滿旅行相關既書籍、裝飾、紀念品，仲有道牆貼滿明信片，展示了不少店主周遊列國既戰利品。而木系既裝潢令人感覺好warm，好舒服。香蔥滷牛𦟌乾拌麵(原味)牛𦟌好軟腍入味，乾拌麵個汁調得好好。招牌豆乳鹽酥雞配涼拌泰式米粉鹽酥雞整得非常出色，外層香口爽脆，入面既雞肉肉質好滑，帶少少肉汁。最鐘意個蝦醬，令成個雞既味道更突出。米粉幾爽口，淋上醬汁酸甜開胃，非常出色。熱情果夕陽梳打上面放左個熱情果，將果籽加入梳打，酸酸地好fresh。濟洲島柚子香蜜梳打食到柚子果肉，甜度剛剛好。