家後

營業中

休息中

呢間真係餃子界世一🏆年幾前我已經開始食😆估唔到呢個hidden gem好快就比大家發現左👊🏻依家成日要排好耐先有得食😭🔖洋蔥豬肉煎餃🧅$42 8隻🏆 (10.0/10.0) 呢個係我既最愛🤩餃子大大隻又飽滿🥟煎到金黃色脆卜卜💛加埋超甜既洋蔥同埋豬肉真係無得輸🤩又甜又好味👍🏻十級推薦❤️連平時唔鍾意食洋蔥既小編都完全淪陷左🔖日式飯糰🍙跟餐加$16 (9.0/10.0)好耐無翻鄉下🇯🇵呢個飯糰係完全有家的感覺🏠飯糰材料只係簡單既肉碎同牛蒡😋但係味道好好👍🏻牛蒡超級香肉碎甜甜地加埋軟硬度適中既珍珠米 係呢間餃子舖最令人驚喜既野食💯🔖巴斯克芝士蛋糕🍰$28-33 (9.0/10.0)估唔到食餃子竟然可以滿足埋食甜品既願望🥰有大熱既巴斯克蛋糕🥚呢個蛋糕係估唔到咁好味😝又軟又滑 芝士味濃🧀️原味有淡淡既檸檬香🍋唔會膩😚而我最鍾意既抹茶味就好香濃 茶香味同芝士味完美balance🍵#️⃣💡Hashtag Tips: 如果想試巴斯克蛋糕同飯糰記得要早少少去‼️小編試過星期六日五點零去到已經全部賣曬🥺另外鍾意食辣既你🌶️記得唔好錯過佢哋既辣菜餔🥕好惹味______________________________📌環

呢間餃子店人氣好高，今日下午茶時間黎到，都要等一陣先入座。🔸雲耳椰菜豬肉煎餃(💰$42/8隻)(8.5/10)佢仲有湯餃，不過我覺得煎餃比較吸引。的確無令我失望！煎餃隻隻一樣大細，煎到金黃色！皮脆餡多，熱辣辣，仲有肉汁滴出嚟。雲耳椰菜好爽口👍🏻🔸日式住家飯糰(💰$16)(8/10)的確係住家嘅味道！有牛蒡絲同少少肉碎。好似仲有啲菜脯。🔸日式手作芝士蛋糕(💰$28)(8.5/10)呢個價錢，做到呢個質素係唔錯嘅。蛋糕面唔會好濃。好軟滑，好香芝士味，仲有少少流心嘅口感👍🏻仲有開心果味下次可以一試！呢度真係有家的感覺，小店經營。最出色都係餃子🥟可以再來！😋Overall評分: 8.5/10

之前聽朋友講過依間小店嘅食物好高質，CP值好高。今日去開深水埗，終於可以試下喇！我地今日坐喺較入嘅走廊位，自成一角靜靜地都坐得幾舒服。由於我地想試多d唔同嘅野，所以餃子分別叫左湯餃雙拼同煎餃雙拼，咁樣我地就可唔可以試到四款餡料嘅餃子喇。湯餃我地叫左雲耳椰菜豬肉餃拼菠菜豬肉餃。（$36+$2雙拼）湯底係赤小豆粉葛湯，好有屋企老火湯嘅風味！餃子皮厚薄剛好，餡料都非常足料！煎餃我地就叫左香菇粟米豬肉餃拼白菜豬肉餃。（$40+$2雙拼）餃子煎到金黃色，賣相非常吸引，食落好香口！我地都好鐘意依個香菇粟米豬肉餃，粟米好甜，同香菇豬肉好夾！餃子加$15 可以配套餐，我地兩個都揀左飯糰同凍檸茶。飯糰係用日本米，仲有啲牛蒡絲，好好味！另外仲叫左碟油菜（$20），酥脆炸肉丸（$25）。肉丸食落去似係豬肉溝左d洋蔥打碎，面頭有d麵包糠嘅質感。連平時對肉丸麻麻地嘅草子都覺得食個肉丸好食！最尾叫左個咖啡芝士蛋糕（$25），蛋糕咖啡味好香，芝士蛋糕質地順滑！必點！食埋個甜品真係超級滿足！好彩我地黎得早，走嘅時候門口有好多人等緊位！

深水埗不嬲出名美食多選擇多，大家都知既有茶餐廳既蛋牛治、豬膶麵、米芝蓮車仔麵、肉骨茶等，隨左美食，深水埗都係一個Cafe林立既區，呢家由大南街到基隆街、汝州街都會聞到咖啡香，著名美食同Cafe就係大家黎深水埗既原因，不過大家有無諗過黎深水涉係食餃子同日式甜品呢?店主係2019年選址基隆街，開左呢間一家人小本經營既小店「家後」，店鋪無打卡既門面與裝潢，亦都無賣深水埗應有既精品咖啡，而是主打餃子同芝士蛋糕，係你無睇錯，呢兩樣野食係完全風馬牛不相及。店主本身唔係做開食肆，家庭一直係做布行生意，因為近幾年行業走下坡，就同父親商量轉業，商議後決定開一間餃子店。因為店主媽媽識得包餃子，款式也唔似一般餐廳複雜，店鋪菜式食物專一啲會容易經營啲，於是就膽粗粗開張左餐廳。點解一間餃子店會有甜品賣?因為店主既日本人太太鍾意做甜品，太太問過店主後，店主試過後覺得可以就開始係店鋪賣甜品。餐廳完全係家庭式經營，爸爸包餃子、媽媽主廚務、兒子掌樓面、新抱整蛋糕，每人一瓣、各司其職，比起餃，太太所做既日式芝士蛋糕更加爆紅。餐廳主打既餃子，只有煎餃同湯餃，無蒸餃，非常簡單。開業時更加只得3款餃子，慢慢才到呢家8款。好似洋

深水埗開了一間食店，名叫「家後」，食物都帶點家常菜的味道，好有親切感。家常便飯就係媽媽有信心煮得好味嘅就會煮出嚟俾屋企人食嘅菜式，所以家後呢度亦如是，有餃子、車仔麵、小食、仲有日式飯團同甜品，沒有什麼太集中嘅主題，但每一份都係用心之作。先來一杯鹹檸七，跟餐加$12，價錢合理，仲有大大粒鹹柑桔喺入邊，保證夠味道。日式飯團用上日本珍珠米，粒粒煙韌彈牙，而佢係日式牛肉飯嘅味道，仲加入一啲牛蒡絲，鹹味適中，簡單好味又健康。麻辣雞腎份量好多，感覺好似夾極都仲有咁，雞腎夠爽口，麻辣味道我覺得OK，但如果唔食得辣嘅朋友，就會覺得比較辣啲啲！雞翼叫咗兩款，分別係滷水雞翼同秘製炸雞翼，個人就覺得炸雞翼當然係香口好味好多啦！但佢嘅滷水雞翼都係味道適中，而且火候啱啱好，雞翼嘅肉質仍然保持嫩滑，所以各有千秋啦！家後嘅鎮店之寶就一定係佢嘅餃子，除咗有一般比較常見嘅椰菜餃、白菜餃之外，佢仲有比較特別嘅芫茜餃同埋洋蔥餃。我本人就好愛芫茜嘅味道，所以就一定覺得好食，而最驚喜嘅係連我個唔鍾意食芫茜嘅朋友都覺得好好味，因為熟咗嘅芫茜加埋豬肉嘅肉汁充滿整隻餃子，配合煎得香脆嘅餃子皮，真係有回甘嘅效果！另外店員仲特別推介佢哋

餐廳老闆好有心思，除左售賣餃子、飯麵，仲有多款下飯小食，而且最意想不到既係，竟然有手作日式甜品。晚市7點，已經坐滿人，座位舒服，亦有唔少人買外賣。叫左雙拼煎餃($40，雙拼加2)，跟套餐有飲品及飯糰($15)，家後鮮大腸羹($35)，日式炸雞($25)，鹵水雞腎($20)，日式手作芝士蛋糕($20)。煎餃隻隻飽滿，煎得好靚，就咁望已經見到焦脆狀況。一咬，d肉汁爆哂出黎，而且香口得黎唔油膩。仲可以配搭自家製辣辣菜脯，先爽口，後帶辣，口感更佳。另外仲有唔常見又特別既款式如芫茜、洋蔥，迎合唔同人既口味。韭菜豬肉餃夠香，餃子皮薄。雲耳椰菜豬肉餃清甜，雲耳椰菜爽脆，豬肉肥瘦合宜。飯糰自家製造，日本米粒粒都混和帶甜既日本醬油。特別係米飯同配料係一齊混合，再人手捏成三角形，所以啖啖都食到飯及配料。牛篣清爽，飯唔會過軟。估唔到價錢親民，勁大碗，而且用料十足。選用既新鮮大腸清理得好乾淨冇異味，屬靭身少少既口感，爽。其他配料有豬紅、豆腐、肉絲等，每羹都係餸。自己食一碗，係超級飽肚。個人非常鍾意大腸既口感，平時好少食到。炸雞有大4件，肉嫩有肉汁。炸粉唔厚，而且炸粉混有d調味料，香口唔膩。鍾意可以配埋甜酸辣醬

又出動去食餃子，今次去左深水埗呢間家後試下😋😋😋————————🔸洋蔥豬肉餃 (煎餃) $40/8隻睇佢哋嘅IG story話一定要叫洋蔥煎餃，所以就叫咗。煎餃嘅皮好薄，咬開原來入面係紫洋蔥，好甜好juicy，點埋菜脯仲正！不過如果少啲油就Perfect啦。評分：🌕🌕🌕🌕🌖-🔸芫茜豬肉餃 (湯餃) $36/8隻皮繼續好薄，一咬落去嗰陣芫荽味真係湧出嚟🤩🤩🤩🤩勁香！我未食過芫荽味咁香嘅水餃，d豬肉又好juicy，真係好好食！個湯係粉葛湯，好有老火湯既感覺，冇味精，輕鬆飲哂🥰🥰評分：🌕🌕🌕🌕🌕-🔸日式炸雞 (4件) $25啲雞好嫩滑，炸皮又脆又薄，仲要好乾爽冇咩油！評分：🌕🌕🌕🌕🌘-🔸日式住家飯糰 $15好好食呀😍😍d米係珍珠米所以大大粒，撈埋啲好似梅菜嘅醃菜，鹹鹹甜甜咁好好食😆😆評分：🌕🌕🌕🌕🌗-🔸自家製日式手作芝士蛋糕 $20聽到老闆同啲客講話芝士蛋糕一定要試， 所以都叫左個黎食。本身已經好飽，但冇後悔叫左😍😍蛋糕軟綿綿咁，但好香嘅芝士味，又唔算太甜！評分：🌕🌕🌕🌕🌖-老闆走黎同我地傾計，叫我哋食嘢先唔好影住，又極力推介洋蔥煎餃🤣🤣食得好開心，一定會再黎！

🔸湯餃 ($36/8pcs)⭐️分數: (7.6/10)湯底係佢親自煲既老火湯，今日係蓮藕湯，清甜唔油膩，可以成個湯飲哂佢。揀左雲耳椰菜豬肉餃，咬落爽口好有口感。.🔸日式住家飯糰($15)⭐️分數: (8/10)用日本米整，細細舊，好夠熱，有肉碎，牛蒡，燒汁，甜甜地，好好味！.🔸咖喱牛腩飯($42)分數: (6.3/10)牛腩得好少，蘿蔔，薯仔都煮好腍。咖喱汁唔辣，不過不失。.🔸日式手作芝士蛋糕($20)分數: (7.6/10)細細件，奶味較重，幾軟熟。.🔸即磨咖啡($10)分數: (7.5/10)估唔到佢杯咖啡又幾ok，唔苦，唔酸，唔澀。

上次同住晌深水埗嘅街坊老友去到耀東街嘅大牌檔食飯，話題自不然講開深水埗嘅變化，亦離不開啲飲飲食食嘅內容。呢一區就特別多小店，而且，好多仲喺好個性化，就好似今晚同住晌附近嘅老友所到訪嘅「家後」咁，就喺主打餃子同麵食嘅小店嚟。小店位處基隆街，但仲要喺南昌街向太子方向一側，呢一邊向來都喺布疋行多過乜，一入夜就比較靜，所以，目測所見，小店嘅主客群都喺街坊多。而既然叫得小店，環境就唔太大，簡簡單單嘅裝修，牆上貼咗好多推介食物及食物相，感覺好街坊。而主餐牌，就喺一張A4紙底面兩頁睇晒，一版印住店家主打嘅餃子，口味多達8款，款款嘅配搭都有特色，可選淨餃、煎餃或湯餃，甚至配麵條都得，最貼心喺連湯底都有得揀，加少少錢仲可配埋冷熱飲品添。反轉另一版就喺靚湯粉麵，以車仔麵形式做法，起錶價都喺$28，同樣可以加配冷熱飲品。此外，仲有唔少特色小食，尤其鹵水類就比較多。飲品方面，睇見都喺大路嘢，茶記類嘅選擇。不過，偶然發現有部咖啡機，估佢唔到竟然晌呢度提供即磨咖啡，而且，都只喺賣$15杯，跟餐仲賣到$10杯添，抵過晌茶記飲杯咖啡啦。辣菜脯餐枱上擺咗少少基本調味料，如醋、豉油、辣椒油……等等，不過，就順便介紹埋店家