鳥炎屋

營業中

休息中

燒鱈魚乾第一次食鱈魚乾，原來咁香脆可口！不點沙律醬都好好味，愛上了這前菜。日式炒雜菜好好食呀🤤🤤調味一流又香，order 個陣仲會問需唔需要少油少鹽，好貼心。之前睇過日本藉youtuber示範炒雜菜，同眼前呢個一模一樣😍刺身新鮮 爽口 本身無咩味 點佢自製既醬油食好正 自己獨食呢半條魚😎鐵板牛油帶子好大粒，肉質彈牙，鐵板既好處就係放耐左都唔會變凍唔好味❤️我連下面既炒洋蔥都食哂明太子玉子卷係日本旅行只鐘意食無餡同好甜既玉子燒，以為自己會唔鐘意食呢款，點知我地都覺得好好食同好夾！開左眼界😂串燒好香 燒得又脆 又入味 手羽先👍🏻火灸三文魚壽司夠厚，好有口感，入口即溶，好耐無食過咁好味既三文魚壽司!!!黑松露牛油果卷：avocado lovers 可以試下，師傅握壽司既手勢好好，飯握得實之餘仲有醋香鰻魚炒飯睇落唔多其實份量好大，超飽

已經唔係第一次嚟鳥炎屋，慢慢變咗自己屋企一樣咁～哈哈～次次一班人嚟氣氛都好好，嘢食又正～有Ｄ嘢食係必點的～餓鬼梗係食住小食再等刺身同主菜，鱈魚乾卜卜脆，一人搶幾條，勁快就食哂！刺身同火龍卷都係等左一陣就到，盤刺身好似識發光咁，刺身新鮮有光澤，厚切肥美～最正係拖羅！火龍卷都好具份量，炸蝦同牛油果都好鬼多～北海燒蠔熱辣辣，鋪滿芝士，GOOD!朋友食完芝麻雞翼，用嚟送啤酒一流咁話～天婦羅一向都炸得唔錯嘅，炸粉唔厚，唔會食到啖啖麵粉同油淋淋~平時食開厚燒鰻魚玉子，今次試下個明太子玉子燒，可能我個人都係偏愛鰻魚，但明太子都唔錯。天口熱，叫個冷稻庭烏冬爽爽口。新出咗個燒菠蘿！正！呀！喂！唔好以為燒兩嘢就冇咩特別，查實佢表面係有一層燒焦糖，成件事好完美！我地食完再encore，呢個真係必食！成班人圍威喂，吹下水啤一啤，又有正嘢食，價錢一Ｄ都唔貴，推薦推薦～

You are what you eat. 常對自己說: 吃進肚子的就代表自己，當然要吃得好，對自己好。身為一個現代都市人，出街食飯少不免。能力許可，當然也開始講究食材來源﹑新鮮度﹑服務態度等等。─　這是一種善待自己的要求。三個男人三十，週五傍晚到訪此居酒屋，摸摸酒杯嚐嚐串燒，聊個天花龍鳳生活日常。─　這是男人的浪漫與自由的結合。特上刺身盛精緻擺放造型、新鮮食材原料、柔嫩鮮美口感，強烈地吸引著我們仨的注意力。可恨每款只有兩件，這一刻不跟你客氣當紳士了，先搶先享受。雖然食刺身也有特定次序，由較清淡的吃起。本人選(搶)赤牡丹蝦﹑、拖羅。赤牡丹蝦色澤晶瑩通透，連墨綠色蝦頭亦不放過，微苦帶甘鮮。三文魚厚切，沾上醬油帶出其魚油甘香味。喝口熱茶清清味蕾，掀起高潮的是拖羅，入口溶化，筋無窮無盡爆發魚油，極品也！接下來啤酒到，即試試燒雞泡魚乾，軟身配上微甜醬汁，佐酒一流。而燒雞泡魚乾亦比較少見，值得一試。黑松露焗什菌甫上菜，陣陣黑松露味已傳至嗅覺神經，味覺同時亦感受到牛油混合黑松露的威力，看來是必點之一。串燒（左起）：雞軟骨串﹑雞腎串﹑牛脷串 + 炸芝麻雞翼   達到應有居酒屋水準，燒烤程度拿捏得不錯