Favilla Cafe (已結業)

雖然店鋪地方唔大，但係入到去有一種親切感，色調令人覺得好舒服。同埋店員都好友善，服務態度好好☺️ 🔺日式全日早餐 $128毎樣食物都做得細緻同好味，多士係烘到面層脆，仲已經搽咗牛油，咬落去麵包係鬆軟，好味😌 炒蛋唔會炒到太熟，啲蛋仲係好嫩，有少少creamy。紫薯沙律清清地唔會太搶fo，饅魚嘅味道啱啱好，如果可以燒/煎到邊邊有啲脆就更好。🔺明太子雞翼定食（辛口）$98定食有配白飯同埋味增湯，雞翼表面煎到有啲脆，食落去帶微微嘅辣，咬開入面係釀咗好多明太子，如果太辣，可以食返沙律同埋水果，中和返味蕾。🔺Iced latte $43咖啡可以揀Nutty或者Fruity，不過咖啡質素就一般，尚有進步空間。整體上食物同服務都好滿意☺️

據悉此日式cafe 在weekday 是座無虛席，唯有選擇星期天才來幫襯。日式的意思，主要是食物。點了日式咖喱漢堡味噌滑蛋定食和明太子雞翼定食。明太子雞翼應該即叫即做，熱辣辣，味道調得不錯，拍得住高水準的日式居酒屋。咖哩漢堡味噌滑蛋定食反而一般，雖然味道都不錯，但是對味噌滑蛋有點期望，可惜腳食不出有什麼特別。反而伴碟的紫薯，卻意外驚喜，帶點甜而香。再點了 latte，可以選擇 nutty or fruity。筆者選了 fruity，味道先是咖啡的香，之後有一點點甜味滲出，十分高水準。最後，黃店一間，要多加支持。

鰂魚涌有好多間餐廳，但唔係間間都可以做飯堂。最近多數都係幾個人食飯，反而試到多啲唔同小店，仲估唔到有驚喜。店子小小，坐位大概只有10多個，開放式廚房設計，大家可以聞到烹調食物的香氣，好在抽油煙機夠勁，就算食完都唔會一身油煙味。揭揭餐牌，有All day breakfast、定食、沙律等等，選擇都算多。明太子雞翼定食（辛口）原價$98每個定食都有主菜、湯、沙律同水果。有三隻雞翼，每隻都脹卜卜，咬落有滿滿明太子，一個人獨食三隻無難度！沙律同水果都新鮮，加埋碗珍珠米，夠哂飽。燒縞花魚定食 原價$98一樣係有主菜、湯、沙律同水果，呢條魚睇落就己經大大條，燒得剛剛好，唔會太乾，一個人都真係食唔哂一條。Flat White 跟套餐價 $27從牛奶中感受到咖啡味，而咖啡入面都搵到滑溜的咖啡。提提大家：12:45前離座或14:00後入座可享85折

鰂魚涌，一個比較陌生的地區。與朋友來附近酒店staycation，順道到附近探索一下。🔸️環境: 🌕🌕🌕🌗這間餐廳真的很細小，座位不多，枱與枱之間有點密，等待的人多，且必須在店外等，因為店內真的容不下。日式的設計及精緻的餐具，令人胃口大開。🔸️食物: 🌕🌕🌕🌕🌕賣相吸引，令人垂涎欲滴。雞，新鮮又軟，沒有一般雞胸的粗糙，很好咬感。冷麵很爽口, 配合他們特別調配的汁，超讚!  不過，我當時一時衝動將所有汁倒進麵裡，吃到最後太咸，提議大家一點點地下調味更好。朋友點的釀雞翼，面頭煎得均勻，皮脆肉嫩，最重要是前面沒有骨頭，啖啖肉，吃得很輕鬆。女士可以繼續保持儀態。拉花靚，朋友話 Mocha好飲。綠茶牛奶，可以再濃郁些便完美。🔸️服務: 🌕🌕🌕🌕雖說中午人多，店小，並沒有因為想賺多轉，令服務變急速，服務員細心介紹，不催不趕，讓我們有一個輕鬆好自的下午。