緬甸招牌湯米線 (已結業)

一個人的·晚餐，選擇不多，但也有很好的選擇，位於窩打老道的緬甸招牌湯米線，就是最好的例子。本人未曾到過緬甸，對於好奇心的驅使下，我又來到這裏，相同的名字，不同的位置，相對勝利道的老店，新店這裏有更寬敞的空間，放有8張四人枱，位與位的距離也大了。餐廳佈置充滿農村風貌，也有許多小擺設，雖然全店已安置分體冷氣空調，但仍放有古銅舊式掛牆風扇，增添簡樸風味。翻開菜單，菜色跟老店的相同，之前試過招牌魚湯米線，見人家的番茄撈麵已被吸引，於是二話不說便先點了曼德勒鮮茄撈麵，跟著想加點前菜，便再向服務生查詢，他先介紹了特色茶葉沙律，茶葉？我也是第一次聽聞用茶葉做菜，基於大毋懼的精神，一於試下。不過那香噴噴的炸雞翼自上次光顧後已很想試，那香噴噴的味道已相當吸引。今天有幸湊巧來到，怎可錯過機會？點完小食，那番茄麵已到，剛好點選了的本想作為前菜的菜色便都變成飯後配菜了，廢話少說，趁麵還是熱騰騰的，不要等了，來一口，入口有濃郁的鮮茄味，帶有些微酸，感覺開胃，麵條我選了稔身的，配上鮮茄汁，不一會便吃完了。趕上的是雞翼和沙律，先試過雞翼，因炸雞翼的熱温等不了，涼了便失了味道，一小口咬下去，香脆無比，但内𥚃肉汁豐富，

我家姐近排多次介紹這間緬甸菜，說他們的米線撈麵好好味，把心一橫去試下先。【緬甸羅望子特飲】羅望子個名成日聽，不過味道都係唔知係點，自己比較好奇既人，試下叫黎飲下先，飲落口又真係唔錯，味道帶點酸甜，有點似酸梅湯，但入面既話唔係梅味。食完熱氣辣野就岩哂，仲好生津解渴，絕對係消暑良品。【曼德勒鮮茄滋味撈麵】用左好多新鮮蕃茄來做這個醬汁，醬汁仲帶點微辣令個撈麵多添一份惹味，有點似雲吞麵個FEEL，不過冇雲吞麵既鹼水味，麵身又夠爽口彈牙。【緬甸家鄉手抓餅】手抓餅真係好酥軟香口，再配埋咖喱味道有別於一般既咖喱汁，同平時出面食既咖喱汁唔同，可能相信因為加左黃薑粉，所以香味獨特可口。

香港係一個多國文化匯聚既地方，真係無咩菜式係香港人未食過未見過咁濟。有日Loop loop 下 網上平台見到依間小店仔賣緬甸菜，真係R晒頭…緬甸菜…又真係未聽過未食過…咩味嫁？所以約埋朋友睇戲前，去探索下依個新領域，我地沿旺角東站沿窩打老道行就會見到依間 「緬甸招牌湯米線」因為我地放工時間比一般人早，去到都係6點零鐘，唔算太多人，侍應姐姐一見到我地係門口企係到望，就即刻推介我地有咩好食，好主動邀請我地入去坐。入到門口鋪頭以簡約原木風格裝修，牆上掛左滿滿一款款菜既相，方便我地依D未見識過緬甸菜既朋友仔去落單，好貼心！我地兩個人望住個餐牌，真係有少少茫然…唔知食邊樣好因為真係唔知食咩好，侍應姐姐就主動推介我地一定要試鋪頭既招牌緬甸既魚湯同香港平時食到純奶白魚湯既唔太一樣，係偏黃、濃郁同鲜甜，飲落口有淡淡既魚香同黃薑粉既香氣係喉嚨散發~姐姐仲推介我地用枱面既調味料，分別係辣椒片、檸檬同魚露。大家可以因應番自己喜好去加~但唔加仍都好滋味！而我自己就加入辣椒片落去，令到成碗味既野惹味！同埋依個麵~有點似喇沙既感覺~但就是緬甸版！自己平時食喇沙配米線既時候，我成日都覺得唔入味。久而久之我就寧可叫米