讚好台灣

營業中

休息中

上次在黃埔食飯經過 讚好台灣，應該是最近開，而且好多人排隊光顧，我們有一天也去試試。點飯麵可以加$10有飲品蜂蜜綠茶同蜂蜜檸檬，清甜解渴，$10抵飲。木魚炸豆腐 $23金黃色的賣相十分吸引咬開香脆的外皮，內裡是軟滑的豆腐，還有配上酸甜汁，超好食。酥炸花枝丸 $26花枝丸香脆彈牙，美味香酥排骨飯 $49滷肉飯、排骨是台灣出名，每次去台灣餐廳多數必點。飯的份量幾多，滷肉好入味多汁。排骨外皮好鬆化香脆，肉質仍是嫩滑多汁，好味。紅燒牛筋湯麵 $65另加$6有麻辣湯底，個湯底幾辣但好惹味麻香麵質也夠彈牙，相當多彈牙的牛筋。讚好台灣 價錢相當平民化，而味道也很不錯，CP值好高，怪不得時常大排長龍。

小店為區內較受歡迎的台灣麵店，晚市經常要排隊。店內坐位不多，比較迫，但食物頗有水準。紅燒牛筋腩湯麵($52) - 湯底香濃，很貼近台灣風味; 麵條有嚼勁，掛湯力強; 牛腩肥瘦適中，唔會韌，牛筋都煮得腍滑，不過個人還是比較喜歡紅燒牛肉的牛𦟌。鮮蕃茄粒粒鹽酥雞湯麵($51) - 湯底蕃茄味好濃，配幾件新鮮蕃茄，誠意十足。但鹽酥雞不算太脆，肉亦唔夠嫩，比較一般。木魚炸豆腐($2x) - 兩大件炸豆腐，外脆內軟，熱辣辣新鮮炸起，配埋醒胃醬汁，冇得輸。