Veggie4love

營業中

休息中

無肉不歡既我竟然幫襯左呢間素食餐廳！唔止因為佢既西方懷舊風格擺設非常適合影相，仲有食物我都覺得唔錯。Laksa Squid Balls $78喇沙墨魚丸：個"墨魚丸"咬落係爽口彈牙，成粒沾滿喇沙汁好好味。我覺得今餐最好味係呢個墨魚丸。Oakland Breeze - Vietnamese Style Rice Noodle $138越式撈米粉：果兩隻炸蝦其實係腐皮卷，咬落去外皮係鬆脆，好香腐皮卷既味道，我覺得好味。碗米粉底下已經有落左汁，酸酸甜甜唔錯，仲有啲花生咬下。Kobe's Favorite - Vegan Beef Patty with Tangy House BBQ sauce $158素漢堡扒伴惹味燒烤醬：以前食過素肉我麻麻地佢隻味，不過呢個BBQ醬蓋過左，所以食落無問題。個burger好高身，仲有我勁like佢個薯條係超級大超級長超級粗，哈哈哈！Chocolate Molten Cake with Ice Cream $78朱古力心太軟配雪糕：雪糕凍冰冰，心太軟熱辣辣，中間仲有一大堆cream。一冷一熱一常溫，三重感受。

我係睇完YouTuber介紹之後就立即book左呢間餐廳，心諗有冇佢講到咁好食，果然佢唔係亂吹水，veggie4love係我係香港食過最好食嘅素食餐廳！餐廳走外國懷舊風，最得意就係有一部小嘅電視播黑白音樂片。7:30晚市都full曬，冇book位就難啲walk in到啦。介紹返啲食物先北京烤片 $78佢嘅片皮鴨真係做到同肉嘅口感好似！個皮仲要係脆嘅，超級驚喜！香炸墨圈圈 $58都似墨魚圈，彈牙！韓式拌飯 $148見好多人叫，但味道普通，食落似普通沙律菜拌飯多啲椰醬飯 $148椰醬味濃味得黎好light，唔甜。辣素仁似雞肉質地，有喇沙味幾正！心太軟 $78Rasberry雪糕勁溶🤣 但心太軟好好食，朱古力味係苦苦地個隻岩大人口味，中間勁流心！絕對會encore！

胃弟下個月就生日，問佢想食乜，佢話佢年年生日都食齋，今年唔例外，帶佢嚟呢間試吓水溫，其實食素都可以唔齋嘅喺50年代美國風嘅環境下，食fusion素食餐真不錯首先食冇ham嘅Burger，係紅菜頭腰果磨菇扁豆蓉伴乾太陽番茄豆醬冇錯，漢堡扒部分冇忽肉，但已經好fabulous，仲要勁飽肚，邊個話食素唔飽㗎？另外一份係印尼菜，係印尼加多加多沙律、炸豆腐、腰果、大豆炸物伴椰汁飯。胃弟見到加多加多就癲咗，事關大胃之母好耐冇整大胃覺得加多加多食落好舒服，唔似印尼嘢太激烈，好啱清清地嘅大胃。炸豆腐同串燒炸得超脆，但內餡又嫩，椰汁飯有淡淡椰香但又唔會膩北京烤片就勁喇，北京填鴨都扮到出嚟，而且比真肉更嫩滑彈牙伴啲青瓜絲同醬汁，包住去皮食，風味依然呢度越南嘢都有㗎，炸素卷竟然比一般春卷更出色薄脆程度令人意外，點埋醬汁食更加冇得頂呢間嘅飲品都好揪得，milkshake係用豆奶，口感更幼滑，雜莓酸酸地好開胃Secret居然係香蕉朱古力，勁香滑濃郁呢日得返心太軟呢個甜品食，但都唔少人嗌㗎！心太軟冇平時咁油膩，伴埋朱古力雪糕，感覺好滿足