禮記 (已結業)

話說呢晚約咗個朋友睇戲，咁睇戲前就先食餐飯～於是就揀咗喺我屋企附近嘅呢間餐廳。唔敢食太飽，驚睇睇吓戲瞓著咗，所以就少少哋叫咗三道菜就算～🫢🫢·蔥油青瓜海蜇🥒🥒呢個蔥油同平時食燒味飯嗰啲蔥油有啲唔同，個油係用咗麻油，溝埋好flash嘅青瓜一齊食，青瓜嘅味道即刻多咗一份層次感。本來以為咁大塊海蜇食落去會淡而無味，點知溝埋呢個咁特別嘅麻油同埋芝麻，每一啖都充滿住麻油嘅香氣，食落又覺得幾惹味啵～·杭州東坡肉🐖🐖你以為東坡肉一定係肥膏？其實東坡肉真係有肉㗎～😆呢個東坡肉係咪杭州嚟我就唔知，不過每一舊東坡肉都係一半肥膏搭一半瘦肉，再配合埋惹味嘅秘製醬汁，開胃之餘仲帶有一陣陣嘅油香。將一舊東坡肉放入熱辣辣又軟綿綿嘅包包入面，再放入少少葱同少少薑絲，一口咬落去，東坡肉嘅油香同包包嘅甜香頓時混成一體，就算啖包已經吞咗落肚，口入面仍然充滿住嗰陣油香。·甜酸大海蝦炸脆麵🥘🥘喺香港要食到鐵板脆麵嘅地方真係少之又少，今次仲要食到一個藝術感爆登既鐵板脆麵，真係超級有驚喜呀！！😛當碟麵一上枱嘅時候，嘩！玩緊魔術呀？！🤔對筷子凌空咗嘅，究竟係點樣做到㗎？！🤔望住長長嘅炸麵條俾兩隻木筷子高高咁吊咗上嚟，我心諗⋯⋯點食呀

今日同個朋友去將軍澳食飯。點解會去果邊食飯？因為之前見到啲介紹，將軍澳嘅禮記有個企起身嘅嘅肉絲脆麵。睇到時覺得好得意同好吸引，所以就去咗囉。一入到餐廳，地方寬敞舒適，感覺相當好。作為一間中餐館，當然係先叫茶啦，我哋揀咗比較特別嘅玫瑰荔枝茶。茶杯典雅，茶味清香。瑤柱魚滑上湯浸時蔬，睇落好普通？都唔算㗎。除咗明顯見到嘅魚滑同小棠菜，仲有瑤柱絲、冬菇粒、同埋薑絲。上湯味濃，魚滑打牙鮮甜，再加上冬菇粒帶嚟嘅口感，整體來講，雖然係普通嘅中菜，但絕對係好好味嘅菜式。杭州東坡肉，我特登點嘅。東坡肉雖然係好肥好邪惡，但絕對係唔會成日食嘅菜式，所以一次半次，絕對唔會過分。東坡肉肥瘦分明，入口即融，而且汁醬爽甜唔膩，減輕咗東坡肉嘅肥膩感。奉勸大家，叫得東坡肉，就唔好怕肥，記得要連埋肥肉一齊食先好味嫁。銀芽肉絲脆麵，是日最期待嘅菜式。企起身嘅肉絲脆麵，真係好正，影相打卡一流。當你影好相喇，店員就會幫你淋上汁醬同為依個肉絲脆麵解體。鐵板上嘅原故，所以脆麵落返平面，淋完汁醬，都好熱返，唔會話入口凍冰冰。汁醬調味唔錯，就算唔係諗住影相打卡，都值得點嚟食㗎。

將軍澳新開左間禮記，我地今晚選擇左幾樣好有特色嘅小菜食下。要特別推介下個銀芽肉絲脆麵：賣相真係又特別又吸引，麵炸到好似用對筷子夾起，用左鐵板上食時先淋上醬汁真係又脆又好味😋鐵板蜜餞叉燒：因為用鐵板保溫程度可以長久d，叉燒有小小半肥瘦好正，加埋個汁係用左麥芽糖食到我舔舔脷😂杭州東坡肉：炆得好琳真係入口即溶，完全唔覺得漏，值得一食👍🏻👍🏻👍🏻椒鹽大蝦：用嘅蝦真係大大隻啖啖肉，椒鹽炒一定香口，正正正。