唐宮小聚 (The L. Place)

營業中

休息中

早幾年，自從同其中一班姊妹飯聚黎過唐宮小聚食飯後，就每隔兩三個月都會黎一次，有外地朋友黎香港又會推介中環呢間唐宮小聚。食物未必係最出色，但服務一流，而且部分菜式會定期轉一轉，保持新鮮感。我每次都會記得一位姐姐，唔知會唔會係老闆娘黎架呢，唔洗著制服，佢每次都眼明手快咁睇到我地嘅需要，落order，無手套，執枱等，未必每一次都是她親自過來，但她是第一個留意到的。今次除左聚會，還為了試最近新出的甜品得意小豬而來，貪得意丫嘛！🤗🤗醉雞水準依舊，好食！雞絲拉皮同樣保持水準！皮蛋豆腐，今次略嫌豆腐唔夠滑！西蘭花苗，爽脆！猛虎咬豬，其實係即係刈包，但今次啲肉有點老！松露香菇包，每次黎都必食，有時仲會特別order凍包帶走！蒸薺菜餃，第一次食，麻麻地。腐乳蟶子，調味剛好，醬汁唔會覺得鹹，但蟶子略嫌唔夠彈牙！唔通知我食唔到？😂粉墨登場，即係墨魚汁炒飯，墨魚好食，韌度剛好，但我覺得飯唔夠味！😂甜品冰皮壽桃(冰皮榴槤)，賣相差啲，榴槤味亦不足！期待嘅甜品得意小豬，今年豬年嘛，每次都試下新嘅豬豬😂，呢個其實係椰子味布丁，所以搖下隻碟時，豬仔會騰騰震！😂甜品小聚盆栽，係曲奇碎加奶凍，細細杯賣相一般，但我覺得三個

日前中環shopping完，介紹朋友嚟唐宮小聚，佢話感覺時尚，唔似傳統中菜，新派點心多款，今次我地叫咗個小聚拼盤，黑松露包，賽螃蟹餃，開蔥拌麵⋯⋯朋友喜歡白肉王鴿，雖然食落香脆，但我最想推薦是酒埕醉雞，一上枱就有一陣陣、一陣陣酒香，食落酒香慢慢透出而肉質嫩滑，雖然份量唔多但精緻好好味。無咁嘅水準都唔介紹啦，朋友話下次叫多兩個朋友黎，就可以試多幾款點心。

很開心香港能有一間坐得舒适的中式点心餐厅，破除中式茶楼的逼陜和嘈吵感觉，給我這種喜欢吃点心又怕上酒楼的人真是好選擇！$38的乳鴿你必要吃，十分味美，皮脆肉嫩多汁，撕開腿，肉汁便流得滿手，超讚！醉雞比預期的好味道，酒槽融和肉的鮮味，肉質彈牙，有雞味。松露香菇包一般炸虾多士，可吃可不吃醉蟹略细，一口蟹膏一啖鮮，满口酒香，勉强收貨。荷葉飯外貌平平，但越吃越有味，推介！#裝修雅緻#餐品新頴、味道佳#價錢大眾化

工人姐姐👩🏽表現好，在她生日正日🎂，當然要獎勵一下，帶她出外吃飯慶祝生日！由於長輩一同參與，所以今次選擇了中菜！中、上環較為方便大家，在OpenRice搜尋，發現「唐宮小聚」評分也不錯，就去試試！上環店地方寬敞，裝飾簡潔時尚，餐具設計獨特。餐牌菜式選擇多，有小吃、小點、小炒、小菜、飯麵、小甜，價格相宜。👍🏻來到必定要一試他們的推介，我們點了12款東西，最喜愛而最印象難忘的是「火焰菠蘿」，上菜時侍應會點火，整個原隻菠蘿火燒場面壯觀，食客興奮雀躍！不單止賣相吸引，而且味道一流，內裡的牛腩炆得十分入味，微辣惹味，口感軟淋，大讚👍🏻。「麻滑石班」也是心頭好，真的是原條上碟！由於長輩不能吃辣，所以下單時要求麻辣配料、豉油分開上。石班原條起肉，油泡魚肉十分滑溜，爽滑鮮甜，啖啖肉，我試加麻辣配料，味道一流，麻香醒胃，我也強調推介！😋喜歡吃乳鴿的你，這裡的「白玉王鴿」不能錯過！只需$29一隻，烹調絕不馬虎，甘香滋味，不會太鹹。注意每人只限堂食一隻。至於小點，如「黑金流沙」、「金沙玫瑰」、「松露香菇」、「紫蓉豬豬」，賣相特別，可愛吸引，質量絕不遜色過茶樓！👍🏻最欣賞的是他們流沙餡料，熱燙燙，餡料流出，非

一直都喜歡吃中式點心, 今次特地試試比較新派的點心餐廳。很快就點了餐單中兩個必食之選：猛虎咬豬($39)及白玉王鴿($25); 另外也點了：松露香菇($49)、鹹蛋黃苦瓜($89)及、醉雞($79)及木糠奶凍($36)作甜品。猛虎咬豬($39一件)其實是"豬腩肉包"。上枱時有些意外份量是這樣大! 豬腩肉整片以中式包夾著, 令我聯想到同樣在中環的Little Bao (Little Bao價錢起碼貴一倍!)。咬下去最初幾口啖啖肉, 可惜因為其他材料如菇、酸菜全都被放在包的底部, 令食客在一開始只食到包及腩肉(而且不算很多汁), 而最後幾口則只剩下其他配菜。個人也認為可以多加一些醬汁及再重新安排一下腩肉及其他配菜的位置, 這樣才可以吃到更整體的味道! 白玉王鴿($25)果然是必食之選。我和友人都是吃完豬腩肉包才吃這個, 沒想到乳鴿仍然熱著! 乳鴿皮脆惹味, 肉質也很嫰, 真想再多叫一隻, 可惜堂食一人只限叫一隻。餐廳細心的提供了濕紙巾及手套, 值得一讚! 但其實手套有些過薄, 所以食過乳鴿後, 手裡還是會沾上油分, 要再用濕紙巾。松露香菇($49)其實是香菇樣子的一個中式包, 包很鬆軟,

今日5個人一齊食晏，唔搵間可以訂位嘅餐廳實在搞唔掂，記得老公講過唐宮小聚啲點心精緻又好味，而且坐得舒服，咁就一於試吓啦。L Place有好幾間餐廳，所以等lift上黎都要D時間。到達餐廳，發現呢度真係好光猛，好開揚，有一種精神為之一振嘅感覺！呢度仲有一個open kitchen，睇住啲點心新鮮蒸完就拎出黎。侍應安排我哋坐係乒乓波枱嘅其中一邊開餐，感覺有少少古怪，因為對正乒乓波枱對面嘅人食飯，而且張枱好大，傾計有少少難度睇吓點心紙，發現價錢都比較進取，不過一場黎到就乜都試吓啦。我哋叫咗九款點心，有d仲要為咗人人有份叫左兩籠，食到勁飽！講番啲食物，呢個松露香菇的確係必食推介，外形可愛，入面係好香嘅松露同埋菇粒，感覺健康又好味我一向鍾意食煎炸野，呢個蝦多士我勁鍾意！蝦多士香脆但唔會覺得好油膩，而且面頭隻蝦又爽口又大隻，仲有少少松露醬點綴一下，呢個點心無論口感同埋味道都非常豐富我覺得唐宮小聚都幾鍾意用松露入饌，連蝦餃入面都加左松露！墨汁蝦餃唔係幾食到墨汁味，不過黑蚊蚊一舊咁又幾搞笑囉！咬開見到入面都有好多蝦肉，真材實料，唔錯唔錯！然後，呢個蝦煎腸粉又係好值得食嘅，腸粉顔色均勻，唔會一啲咸一啲淡

早前同老婆晌功德林食過款香菇包，佢當然好鍾意啦，所以，最近搞有個小局歡聚一堂，就刻意揀咗中環主打摩登中菜嘅「唐宮小聚」，一來試試佢啲特色創意點心，二來佢款香菇包做得有水準，帶老婆嚟試吓，三來可以儲吓飛行里數，雖然一餐飯儲得唔多，但儲得一里得一里嘛。因為坐爆全場，啲枱櫈又拍得幾密，還好嘅喺餐廳嘅樓底頗高，未至於感覺太侷促。而座椅採用淺色木系，餐枱用上淺灰雲石面，加上一室湖水藍襯白，摩登得嚟有種年輕感。再者，半開放式廚房，睇見蒸汽不斷催升，點心不斷出籠，就更期待啲點心出品。無諗過星期一晚都咁旺，幸而被安排最入嘅角落4人位，騷擾度相對低，而且，一邊喺梳化椅，讓人坐得更舒服。朋友一坐低就話啲碗好污糟，哈哈哈，碗底嘅烏蠅喺假嘅，只喺畫上去，但就非常搞嘢。食物嘅種類、款式就全部印晒晌點菜紙之上，細心研究，佢哋改名都花咗唔少心思，好似種類方面，除必食之選及小聚拼盤外，分類為小潤、小點、小炒、小菜、飯麵、小甜，全部都喺得兩個字；而菜式名稱則全部都改為四個字，其實，一啲都唔容易，勁呀！另外兩張細啲嘅黃紙，喺飲品餐牌，非一般酒樓嘅選擇，如清優花茶、本地手工啤、紅白餐酒、有氣葡萄酒……等等。順帶一提，茶芥$

向來中環區的晚市都較寧靜，幸好捉早一天打電話訂枱，一去到就可以入座，不用在外面等位。剛坐下看到碗內第一眼，還以為是昆蟲，原來只是碗的裝飾。看到隔離枱大塊朵頤地吃著白玉玉鴿，可惜已經賣光。小聚拼盤 ($108) (辣口水雞、雞絲拉皮、海哲) 辣口水雞過咸，海哲只有數條，唯一最正常的是雞絲拉皮，有機會再光顧，絕對不會再食這款。不是包迷，都覺得松露香菇包必食！外型有幾分似菇菌，而且三個包大小不同，就更神似！包的底部都做到「菇頂」的部分，內餡是香菇粒，十分有創意。什有氣勢的 猛虎咬豬 ($39一個) 肥豬肉十分煙韌，但加入過多的配料(花生醬、芝麻醬、醃菜) 又變得過咸，味道變濁了。賣相有gimmick的火焰菠蘿 ($119) 入面是柱候牛腩和菠蘿粒，牛腩夠稔，汁的濃度亦適當。玫瑰饅頭 ($29) 饅頭表面灑上玫瑰花瓣，賣相頂瓜瓜，絕對是港女呃like的食物，但味道就...太甜！內餡的豆沙蓉如直接把一匙砂糖放入口，小嚐一口已想吐，饅頭雖入加玫瑰香味，可是比一般白饅頭甜得多，恕不能接受。共同$444，價錢不算貴，但枱與枱之間的空間小，環境相對嘈雜。

中環原來有新派點心，梗係去試下啦，食Lunch好多人等位，好彩同事醒目有book位啫！10個人食都食左好多野，白玉玉鴿，賽螃蟹餃，檸檬鳳尾，煸四季豆，松露鮑飯，金魚戲水，辣鴨拉皮，麻辣燒賣，最衰啲同事掛住食影唔切不過我最中意都係個菇包！真係成隻冬菇咁～整體黎講都唔錯，啲點心款式多，質素又唔差！價錢唔太貴，１０個人食除番開１個人１００蚊有找，係中環黎講都叫ＯＫ啦～提提大家記得打去ｂｏｏｋ位，ｂｏｏｋ枱係穩陣啲，如果唔係實等勁耐，哩間野晏就同夜晚都好爆

預祝屋企人生日一開波叫左一堆食物 相太多upload唔曬味道有趣，整成東菇樣嘅麵包，入面係松露餡，幾重松露味，鐘意食包嘅人會覺得幾新鮮口水雞，稍為覺得唔夠辣荷花蒸飯，充滿荷葉嘅味道，食落好香中式甜品 我覺得個梨好酸🙈辣嘅燒賣 入面好似係糯米飯（？）呢個係有玫瑰味嘅麵包好特別，食落口之後超級香玫瑰味，入面係豆沙秋葵令到啲野非常之潺😂我麻麻地鐘意一個松露味非常之濃啲雞入邊非常之滑，又多汁，加上佢外邊酸酸地，好味，但係份量偏少，得四舊😂我地5個人岩岩好有一個人冇得食一個又有奶皇再加上紫薯嘅外皮，兩樣都係我至愛😘😘😘整體黎講啲食物都算幾好，但相對個價錢黎講，份量偏少，唔算太抵食

家庭聚會，一家四口，去了一間未食過的餐廳「唐宮小聚」台上放上玩味十足的碗，媽媽以為碗清洗得不乾淨，原來是碗的玩味設計！！餐廳有多款香港人工啤酒，有Ｄ麥味重，有Ｄ就好香花果，女生既話揀花果味右一或左一都不錯，喜歡麥味重一點的就揀中間那款吧！白玉王鴿真的不錯，上台時仍然是熱騰騰的，而且肉質嫩滑，外脆內軟麻辣燒賣，外表挺吸引的，糯米製成，麻辣味不算濃郁，如果想要正宗麻辣的話，一定會失望。玫瑰饅頭，外表精緻吸引，用作呃ＬＩＫＥ非常好，而且饅頭上台時飄來陣陣玫瑰香味，味道亦不錯！！紫蓉豬豬，外表好得意可愛，紫蓉好香且滑松露香菇仿真度好高，就連爆裂紋理都勁似玩味十足！！內在的菇菌材料亦好足料，味道香濃，一定要ＯＲＤＥＲ！！無咁簡單，呢個菜名一看就知玩味啦！！其實係辣子雞，用川椒炒炸雞粒，用來配啤酒一流！！最玩味的是「假蛋」，其實係芒果醬汁，好似分子料理咁，不過只有２隻，我地４個人唔夠分！！食的時候，一啖放晒入口，含爆「假蛋」，薄膜一爆，芒果汁湧出，好清甜！！酒呈醉雞在味道方面是有點失望，不夠香濃，不過雞肉夠滑！！陳皮燉梨，滋潤甜品，梨子清甜，但桂花糖水略為太甜。

兔小妹從網絡得知，上環PMQ於週末舉辦以水果為主題的<<果藝市集>>，兔小妹當然不會放過任何尋味的機會，便相約友人到那兒走一趟，湊湊熱鬧。😆我倆只是在市集逛了一圈，買了點小食，喝了些果汁，吃了枝手工雪條，想不到已覺有點飽膩。眼看晚飯時間已到，走得又累，又怕不吃的話晚上要餓著肚子睡覺😣，便打算看看附近有沒有一些輕食的餐廳，隨便吃點的，也歇歇腳。走了一會，兔小妹突然想起 The L.Place有間主打點心小食的中菜餐館，提議到那兒喝杯茶🍵，食個點心。友人表示沒異議後，我倆便慢慢沿斜路走去，來到鄰近中環廣場的 The L. Place。乘電梯上到2樓，步出便見光猛明亮的餐廳，玻璃的間牆上，掛著金色突出的“唐宮小聚” 字牌。由於時間有點晚，人潮已散得七七八八，兔小妹和友人不用等位，可以順利入座✌。餐廳的用粉藍色和白色作主調，配以雲石面的小方桌和原木椅子，掛上燈光柔和的鎢絲吊燈，簡潔清雅；而開放式的廚房，更予人一種家的溫馨感覺。食物方面，以輕量健康的新派中式點心﹑小食和小菜為主，價錢由最平的$29 至最貴的 $198不等，豐儉由人。兔小妹和友人胃口不大，只點了一份

第一次試唐宮小聚...先覺得環境都幾ok有open kitchen今次order左松露香菇包丶荷葉飯丶白玉王鴿及柚子蝦餃。各樣食物都有靚靚造型而個人最like係松露香菇同白玉王鴿真係好好味呢整體都係好ok下次再試其他美食PS L Place d lift真係要耐心等候

唔巧意思, 好似好耐冇寫食評, 生疏左好多今日男朋友仔又嚟接我放工, 我地都已經都好肚餓, 所以就系公司附近搵野食叫野食之前上網睇下人地有咩好介紹, 知道白玉皇鴿係佢地招牌菜之後, 即刻叫碟試下, 系中環呢d 地區$38一隻乳鴿真系好平, 食落有少少藥材味, 即刻覺得好養生, 而且裏面仲好juicy, 幾好幾好!另外, 又叫左個川汁皮蛋, 本人都幾中2食皮蛋, 佢整到成條金魚甘, 幾得意, 食落辣辣地, 都幾開胃, 識食皮蛋既都知, 靚皮蛋系會有雪花, 加埋溏心, 皮蛋lover會話正!!!跟住再叫多個松露香菇包, 其實我係俾佢既賣相吸引左, 好逼真, 好得意! 佢出面系菇樣, 裏面都係菇餡, 加埋松露, 變得好矜貴!呢間餐廳佢話就話係中式, 其實係中式crossover西式, 一d都吾老套, 如果以後諗唔到食咩, 都可以再食呢間

一去洗手間見到呢個牌, 笑左...「OK喎~哈哈」很有趣的餐碟, 有D有螞蟻響入面, 有D就有烏英響入面...我個同事仲真係走去搵手卒下佢桂花豚肉---超級好味!!外面脆脆地, 裏面的豚肉好juicy好林, very good!松露香菇---不是真的菇菇, 是有黑松露鋪面的包包, 真的很像一粒粒冬菇荷花蒸飯---內有咸蛋黃!!超級好味~~棋子奶黃---好可愛的棋子包包~入面係流心的奶黃!!唯一唔夠熱就爭D..柚子蝦餃---唔好睇佢幾得意會唔好食, 的確係別緻得黎好味架~仲有食其他野的, 包括酒呈醉雞、青芥木耳、雞絲拉皮、麻醬炒手、豆漿娃娃全部都好好食 只係冇乜特別所以冇影相