Terrace in seaside (形點 I)

營業中

休息中

同老公無無聊聊，去Yoho行吓街，為咗杯Tonic就走去試吓間韓式餐廳🤭。成間舖都佈滿濟州柑橘，環境好特別，只係因為落地玻璃多，感覺唔係好夠冷氣。坐低後當然要嗌我好想飲嘅柑橘湯力咖啡，顏色靚，柑橘味香濃🍊🍊🍊老公就重口味。叫咗杯夢幻紫薯牛奶。紫薯味勁香。🍠🍠🍠食韓國嘢，必點一定係炸雞，好彩佢有半份叫，可以試到唔同味份量又唔會太多，我哋就試咗玫瑰醬玫瑰醬炸雞同白洋蔥炸雞，外脆內嫩，口感一流當然最後一道菜一定係甜品，好耐冇食過Tiramisu。所以叫咗個Tiramisu窩夫。甜度剛剛好😋

💟菠菜鮮蝦蕃茄闊條麵闊條麵軟硬適中，最怕煮得太淋嗰啲😬蕃茄醬汁少少稀，稠返少少掛麵就好喇💟濟洲柑橘炸雞呢間野炸雞一流，每一次點都勁熱上枱，淋左少少柑橘醬上面；薯條脆就脆喇，但一啲薯仔味都無。💟柑橘湯力咖啡你真係估唔到橙汁同咖啡味道咁夾，基本上無相似哋味道可以形容度，唯一缺點就係有時飲完會胃痛，可能係因為果汁溝咖啡👅

呢間韓國餐廳既食物賣相都相當之靚，影相一流，裝修都充滿打卡Feel，價錢算係略貴，不過個人認為值得去一次打卡。✨燉牛肋骨蛋包飯（$178）燉牛肋骨份量適中大大舊，蛋包飯蛋不錯，店員會細心幫你把蛋切開，送上服務，個人認為飯量多一點會更加好。✨清甜柑橘窩夫（$88）少不了飯後甜品，柑橘肉好清甜，柑橘皮甜甜的，加上糖漿，整體都不錯，好有少女的味道。✨抹茶麻糬窩夫（$88）抹茶控可以點來試一下，抹茶粉算香濃，麻糬好多黏黏的很好吃，旁邊的鮮果都好新鮮。✨柑橘湯力咖啡（$48）賣相十分之吸引，分層，底層是柑橘湯力，上層是咖啡，會飲到柑橘既香氣帶點咖啡既味道，但不會苦澀。✨夢幻紫薯牛奶（$48）賣相同樣地吸引，表面有一層Cream增加滑口感，上層是牛奶，底層是紫薯，攪拌在一起喝的話，紫薯的味道剛剛好不會太甜。✨濟州柑橘特飲（$68）呢杯特飲算係必點項目吧，相信很多人都會被它的賣相所吸引，味道是柑橘乳酸，味道酸酸甜甜，十分之開胃。✨熱情金菠蘿沙冰（$48）熱門特飲之一，賣相也是相當之打卡，菠蘿沙冰，菠蘿味重，喜歡沙冰的朋友不要錯過！