草民 (已結業)

一入門口就有一種清新嘅文青氣息,因為餐廳用咗青蘋果綠同白色做主調,天花掛咗好幾棵植物,又播住柔和嘅音樂,成間餐廳充滿着年青氣息。我哋一行五人,三人一檯,二人另一檯,合晒防疫規則。我哋每人叫咗一杯嘢飲,又叫咗好多嘢食,全個晚餐十分豐富。先上個salad,清新味度。蟹肉意粉用咗蝦汁煮,蟹肉又夠多,濃厚嘅味道令我難忘,果然係招牌菜。至於豬肋骨,肉質夠晒淋,唔似其他西式餐廳咁,通常偏鹹,佢就味道適中,同個source配合得恰到好處,我個人十分欣賞;要彈嘅地方係略嫌份量細左少少啫。仲要講一講過risotto, 磨菇味係夠曬,但係無可否認啲飯好似硬咗少少,可能廚師今次有啲啲失手,否則就係"冇得彈"。我哋每人都叫咗一杯飲品,全部都好味,達到80分以上。我要讚一讚我杯熱飲,有隻好可愛嘅公仔,原來佢肚腩就係裝住茶葉,令呢杯單調嘅茶可愛起來。最後到甜品,"綠茶心太軟"真係好正,但飯友叫錯左朱古力雪糕,綠茶味無辜被掩蓋了😑。我哋仲叫左一個柚子窩夫,窩夫格仔裏面有切咗粒嘅青提子,令甜度增加少許酸味,醒胃咗,唔會甜得黎太漏,好明顯廚師係用心思設計過配搭;只輕嘆呢個甜品等得太耐,差d以為佢漏單囉。總括兩個字~好味

期待左好耐～終於食到❤️今次試左好多款，而且每款都好出色～🥰 所以要寫食評推薦。重點推介👇必食🥰爆脆草地滾球～唔單止打卡專用，味道仲好好，特別係個朱古力外殼，係黑朱古力❤️配埋雪糕加綠茶脆脆，又香又有口感😚柚子窩夫，好清新🍀熱辣香脆，配movenpick 雪糕（可選雲呢嗱/朱古力）😍意粉醬汁夠creamy, 味道剛剛好～ 有五六隻蝦同多菌類，而且麵條軟硬適中👍試左好多款，食得好開心，係朋友聚會好地方👭👬 比埋其他美食圖大家參考☺️

一定要黎食甜品~一定要黎食甜品~一定要黎食甜品~(好重要所以講三次)＜草民＞出左名既除左係呢度既環境特別，可以係草地野餐，仲有就係呢度既甜品，亦都係吸引我黎既原因。可以係鬧市中搵個地方坐低舒服下，又可以嘆甜品，人生一大樂事也。早前約左朋友黎食甜品，咁專登黎到，當然要叫一D特別既甜品。餐牌上既甜品名，齋睇都覺得好好食咁，都唔知點揀好，心大心細，結果揀左<柚子窩夫>同<焙茶焦糖燉蛋>。柚子窩夫窩夫較硬身，啱我個人口味將所有配料撈埋一齊食，有雪糕既凍同窩夫既脆，有趣～焙茶焦糖燉蛋其實個人唔太喜好茶，猶其綠茶，但呢個甜品又整得啱啱好，唔會苦，燉蛋滑落喉嚨既感覺既美妙～呢間會再ENCORE～

知道草民係dessert gallery既延續. 滿心歡喜出黎食最後失望而回.唔係話食物唔好食, 不過縮左水又漲左價.... 好心傷💔Yuzu waffle 係普通waffle 加柚子蜜on top. 鮮果, honey comb同waffle比以前少左好多... 慶幸waffle 仍然脆. Movenpick 雪糕質素亦有保證.