神燈海鮮酒家 (18廣場)

營業中

休息中

臨近父親節，乘著有時間，便帶屋企人品嚐懷舊的粵菜。這裡分為兩層，上樓便有寬敞的空間，有卡位也有圓枱，巨型的魚缸有林林總總生猛的海鮮。就連茶類也有較特別的玄米茶，茶色淡綠，香味清新，口感淡而不澀。更有餐前小食—琥珀合桃，琥珀焦糖加上白芝麻，甜而不膩，超好食。糯米炒膏蟹 生長於鹹淡水交界的斗門蟹足足有14兩，鮮甜的蟹汁滲透於軟糯的糯米飯之中，夾雜大量蟹膏及蟹肉非常甘香，而蟹殼及蟹身也有很多肉，熱騰騰的石鍋更令糯米飯帶點焦脆香。伊比利亞叉燒皇 伊比利亞的豬造出來的叉燒最佳，肥瘦均勻，燒得略帶焦香，滿佈油亮的蜜糖，入口肉質好細緻、軟嫩多汁。百花炸釀松葉蟹鉗 即叫即炸金黃又酥脆的蟹鉗，脹卜卜又紮實，咬開充滿爽滑彈牙的蟹肉。法式蜂蜜芥末蝦球 外脆內彈牙的蝦球有很多粒，粒粒都炸得酥而不油，香甜的蜂蜜芥末醬更帶出蝦球的鮮甜。椒鹽豬手 整件也滿佈炸香的椒鹽，帶微微惹味辛辣，每一口也是滿滿的膠質，十分軟腍。百合紅棗雪耳糖水 起膠的雪耳好濃甜潤滑，冰涼又滋潤。牛奶布丁 自家製的布丁好香滑細膩，有著濃厚的牛奶味。

朋友話最近試過佐敦有間好好食嘅小菜館，有好多唔同種類小菜仲有懷舊菜式，今日就跟佢嚟試過真偽。7:30左右到達，已經坐滿晒人，要等一陣先至有位。不過一讚嘅係前台小姐好有禮貌，不斷提示幾時有位，見佢雖然好忙，但仍然保持笑容。坐低睇睇Menu，呢度唔止有焗魚腸、蝦多士，連金錢雞都有，果然有好多款唔同嘅懷舊菜式！相信呢度嘅師傅一定有咁上下功力，先可以將呢啲菜式放喺餐牌入邊。可惜今日我哋只有兩個人，下次要約齊一大班朋友一齊嚟試。上網見到好多人點椒鹽豬手，似乎喺呢度嘅必點系列，只係40幾蚊一隻，當然要點黎試吓啦！豬手上枱望落非常大隻，切開個惹味椒鹽脆皮，滿滿嘅骨膠原就喺度等緊我哋！原本想食蟶子王，但係好可惜已經賣晒，就轉左叫個蝦球試下。柑桔醬燒蝦球 ——蝦球大隻又爽滑，非常彈牙，見到滿滿柑桔醬汁掛滿喺蝦肉身上，放入口酸酸甜甜，用嚟送飯簡直一流！ 蜜椒甘薯牛肝連，聽落個名好得意，一睇之下，原來每隻牛只有5% 牛肝連，油花夠，肉味濃，屬於稀有嘅部份，難怪食落咁鬆軟香濃！另外金薯絕不是配角，食落香甜薯味又夠重，呢道菜絕對值得推介！為免太滯我哋叫咗個蕃茄野菌雞湯，一大鍋上，滾熱辣，而且湯料非常之多，我哋兩

自從新年後都沒有再去酒樓食飯，今日突然好想食酒樓既餸菜，朋友介紹來這間酒樓試試。酒樓共有2層，上層地方較大，估唔到原來晚上都有這麼多人選擇到酒樓吃晚飯。餐牌上有多款中菜可以選擇，令人眼花撩亂。坐低後侍應詢問想要什麼茶及為我們送上小食前菜。啫啫芥蘭煲，這個煲份量很多而且大煲，芥蘭香口又爽脆，味道咸香，而且上枱時夠熱辣辣，十分惹味!燒汁牛尾煲，很大煲，上枱時醬汁還是熱辣辣，牛尾份量很多，炆得很冧很入味，牛尾亦有骨膠原感，而且醬汁也很多，用黎送飯一流!砵酒焗鱔球，初初以為這款也是煲上的，原來是碟上，鱔球是炸的，外觀有點像魷魚，味道咸香，魚肉結實，魚肉上淋有醬汁，味道十足!椒鹽豬手，豬手非常大隻，炸得香口，豬手上有很多椒鹽。豬手軟淋淋，很有骨膠原感，而且味道十分惹味!這裡上菜的追度非常快，而且食物質素都很高，值得再來!

同好耐無見嘅朋友聚下（成幾個月啦陰公），今晚真係正能量爆燈！訂左位，好快就入座，由入門口至上菜招呼都幾好。嘩個柑桔醬燒蝦球 $128爽口兼大隻，酸酸甜甜又有少少清新，推介～我最鍾意「炸炸」聲嘅啫啫煲，啫啫生菜煲 $108就岩哂，上菜連隔離檯都話「好香」！唔係講笑，色香味全～師傅勁，整到隻椒鹽豬手勁香酥，外層味道似「x大大雞扒」，一口連埋裡面嘅骨膠原，非常滿足！ $46/件咋！好鬼抵食～呢兩樣朋友叫嘅。水煮深海鱈魚柳，望落以為我會食唔到，非常濃烈麻辣香氣，裡面有滑一滑嘅鱈魚柳、薯粉、雲耳。原來味道一d都唔辣，而且香味留喺口中好耐，幾好味。個欖角蜆肉炒飯，乾身，有鑊氣，多蜆肉，有水準！部長忙個不停喺魚缸撈長腳蟹、龍蝦、鮑魚，新店都咁好生意，襯未有太多人知黎多幾次先得。

位於佐敦長樂街的「神燈海鮮酒家」，原來同名舊店有逾50年歷史。現任老闆娘為尋回兒時記憶味道，在現址以同名開回新店。「神燈海鮮酒家」樓高兩層，全是樓上雅座。裝潢採用江南典雅風格的設計，甚有古色古香的味道。先上前菜小吃——涼拌麻辣蓮藕來開開胃。拼盤分別有掌翼、豬大腸和豬肚，份量也是相當多。食材都處理得不錯，豬內臟類沒有異味，掌翼表面亦全去雜毛。當中豬大腸夠嚼勁，豬肚則較爽身。各款滷得入味，底下還墊了幾片豆腐。酒家的招牌焗魚腸原來是老闆娘的得意之作。在傳統版本下，加入更高級的食材。蛋餅用上空運到港的日本雞蛋，裡面放了鯇魚腸、上10年的陳皮絲，經生焗後非常香。入口先有濃濃的蛋香，然後是肥美魚腸的甘香，再有陳皮的清香交雜著，味道豐富。好大隻的椒鹽豬手，外皮用椒鹽炸香，惹味香脆，咬開後就是滿滿的骨膠原，質感滑溜。餐廳還十分貼心的提供了即棄手套，豪邁的拿上手撕咬，吃得更過癮。娃娃菜一棵切開4份，平舖在碟上，再放上蒜蓉、金菇和粉絲清蒸。娃娃菜蒸得腍身入味，蒜蓉粉絲夠惹味，是一道下飯一流的小菜。預先煮好的蟹粥，然後再在上枱前一刻加熱。蟹粥非常足料，用了2隻蟹來熬煮，而且咬開是啖啖蟹肉，並不是用拆了肉的蟹

位於內街位置🗺 木的地酒店🏨對面是也「雀仔聲🐦」既陪伴令人覺得好舒適😌服務員好週到👍🏻 適時就會出現😃👍🏻茶方面可以揀玄米茶、龍井同鐵觀音🍵記住有茶芥+ 前菜費用架💰竹簡聖旨🎍其實係飲品menu😆 仲有西域美酒揀添🍷原來呢度既蟹🦀、蝦多士🦐同乳豬都好多人食😭<椒鹽豬手🐷💰$46/件> (推介💯)上菜剩係不斷嘩嘩聲😆 真係好大隻豬手呀😮佢既炸皮好薄好香好脆💥 而且好入味😌 蒜鹽味道好香軟腍之餘仲超多骨膠原😳 啖啖漿住個口👀骨與骨之間仲好容易分開🦴 食到無停口🙈 記住帶埋手套趁熱食😃留意返每次係兩件起計架❗️😉<川麻口水雞🤤🐔>賣相幾唔錯😃 望落仲幾紅添🙈條脷👅起初會感受到包覆住輕輕既麻😌一瞬間⚡️麻辣會覆蓋全條脷👅 仲要維持好一陣😖「脷👅」申🙋🏻‍♂️: 👦🏻係屬於譚仔5小辣既程度🤦🏻‍♂️雞🐔食落都算幾滑⛷ <龍鬚糖🐲🍬>只要👍🏻<神燈>既FB/IG就可以免費獲得😳估計晚晚款色都會唔同😮 今晚係龍鬚糖🐲龍鬚糖🐲裡面既椰絲味好香呀🥥外層既「龍鬚」仲好痴牙添😆