Rimi Cafe (已結業)

位於樓上鋪嘅board game cafe 地點方便 價錢又合理 幾適合幾個朋友嚟聚會最正係無限時 想坐幾耐都得~ -二人餐 💰$269二人餐包括餐湯、蒜蓉包、小食、主菜、意粉同兩杯飲品餐湯當日係蘑菇湯 味道都ok 幾濃郁-🐥椒鹽雞軟骨雞軟骨細細粒 份量大概十幾粒味道都幾香口-🦐 鮮蝦蒜辣炒天使麵整體炒得幾香幾惹味 蝦肉都夠爽口另外配料仲有蘑菇同洋蔥-🐷 BBQ汁燒豬肋骨配薯菜呢個超大舊 而且都啖啖肉肉質唔係話好嫩滑 不過呢個價錢算係咁😗-🧊乳酸沙冰 💰$55啲冰倒得勁高 幾抵飲乳酸味都濃郁 唔會淡到似水咁-🍫Oreo碎朱古力 💰$49呢杯有濃濃嘅朱古力味面頭仲有啲Oreo碎飲嘅每一啖都食到啲碎😋

今日想同朋友一齊揾間cafe坐底傾下計就黎咗旺角呢度，咁啱見到呢間cafe依家係OpenRice book枱會有95折就同朋友黎試下。呢度嘅員工都好nice，而且仲要冇限時，坐幾耐都唔會俾人趕走，傾計傾得悶仲可以玩下board games，而且呢度有WiFi又唔會好嘈，如果想同朋友一齊溫書都係一個唔錯嘅選擇！除咗環境好靚之外，野食都好有驚喜！今次叫咗煙三文魚配忌廉雜菌天使麵，三文魚嘅份量好多，啲汁亦都好香濃，天使麵唔會煮得太淋，大力推薦！卡邦尼意粉都唔差，有出面嘅水準！Lunch set或者tea set仲會包一杯烏龍茶或者四季春茶，其他飲品就額外加錢，飲品仲要好大杯！水蜜桃烏龍茶唔會太甜，茶未都重。另一杯紫薯奶昔係沙𣲙形式，紫薯味好出，但就有小小甜。小食方面叫咗椒鹽雞軟骨，份量好多，而且仲好好味，呢個都係必點之一！

係呢段疫情期間好多餐廳都捱唔住，但係依間仍然好好生意上年嚟過呢度食，食物質素同環境都唔錯依家透過Openrice book枱有95折紫色做底白色枱，顏色配搭活潑餐廳佈置簡約，雖然顏色濃度高但係配搭得幾好，望落又幾舒服😌仲有榻榻米梳化位，落地大玻璃，環境開陽，好光猛！餐牌大大本，圖文並茂。花茶先上，都幾大壺。仲有配蜜糖今餐主食係Pizza，薄餅底好厚，煙三文魚同芝士都足料。小食雞軟骨份量好多，偏鹹少少，不過好香口仲有叫咗我哋最愛嘅雞翼芥末蜜糖醬汁偏鹹西蘭花🥦焗得啱啱好，唔會太乾呢餐好夠飽連埋加一都唔使$200一個性價比超級高

朋友推薦既黃cafe一行三人上到去店員安排我地坐較入既位置需要除鞋放係鞋櫃先再入去坐首先環境幾闊落 坐得幾舒服隔離有個小空間放袋餐牌有3張 我地3個女仔比較細食所以叫左個2人餐 另加兩份小食同野飲率先黎到既係餐湯同蒜茸包餐湯好濃味 好岩我飲蒜茸包脆脆地 好味小食 椒鹽雞軟骨鹹度剛剛好 份量都好多小食 蒜茸牛油焗什菌唔會好油 正常份量 好味小食 蜜糖雞翼甜甜的 有d脆主食 煙三文魚薄餅好味 茄汁份量岩岩好 唔會搶左煙三文魚既位置薄餅好鬆軟 外面塊皮好脆加埋芝士一流主食 芝士焗香檳芥末汁牛肉飯牛肉偏大塊 芝士撈飯勁好味野飲 水蜜桃梳打水蜜桃味唔係好出融左冰就變左咩味都無總括而言食物方面 全部都好有水準 份量亦好多野飲方面 一般般 可改善環境方面 好大好靚坐得幾舒服服務方面 店員有禮 送餐執碟好快手 不過因為坐得入既關係 叫店員落單埋單較困難最後三個人食左605蚊係超飽仲要食唔哂

平日夜晚諗住去吓樓上cafe，貪冇咩人流，可以唔使點等位就上到樓，點知冇諗到工商廈呢一點，樓層好多，但𨋢就得兩部，排隊搭𨋢等到你傻，等到你餓上加餓，但憑住大胃驚人嘅意志，終於逼到入𨋢，捱過層層停，最終得勝一入到去，裡面嘅氛圍同剛才出面好唔同，裝潢簡約，環境幾舒服我地嗌咗個二人餐，都算抵食餐湯好濃菇味，超足料冇溝水，冇粟粉味，一流包外脆內軟，不錯二人餐有送紅茶系列嘅嘢飲加幾蚊就有蜂蜜雞軟骨炸到剛剛脆意粉成個組合意外地足料夠味招牌豬肋骨唔會嚡口，夠嫩，薯仔焗得夠腍旺角樓上cafe質素參差，呢間算係大胃食過咁多間之中食物質素最專業的了

周日和女友到旺角行街，天氣又熱又人多，於是到樓上cafe食下野，休息一下。餐廳是樓上鋪，電梯門一開，就看到餐廳了，餐廳位於二十樓，兩面有窗，可以於到旺角街頭，感覺開揚，位置算闊，也有一組特別設計的梳化位，相信很適合三五知己，開放式的廚房不時傳來陣陣香氣。人流不算少，但即使沒有預約還可以找到座位。我們點了三款食品， 椒鹽雞軟骨、魚子白汁帶子扁意粉和煙三文魚配忌廉雜菌天使麵。椒鹽雞軟骨 ($58) Pepper Salt Chicken Cartilage (HKD58) 味道偏鹹。一定要得快，剛送到時頗脆身，有咬口，隔油似乎做得不太好，油份流到枱面之上，我想店家要注意一下。芝士焗吞拿魚長通粉 ($73) Baked Tuba Fish Penne with Cheese in Cream Dauce (HKD73)等左好耐先送到，芝士非常足料，送到熱辣辣，甚至可以拉絲，又彈牙又夠味，只是比較油，不過都值得一讚！煙三文魚配忌廉雜菌天使麵 ($88) Angel Hair with Smoked Salmon and Mushroom in Cream Sauce (HKD98)樓上cafe

2019年2月12日。晴。油麻地。呢日同朋友上嚟呢間樓上cafe食晚餐雖然呢一區樓上cafe開到成行成市但每間都一定有自己個人之處先可以生存落去呢間cafe主打就係超級無敵多board games好多見都未見過，上到嚟食嘢之餘仲可以同朋友盡情聯誼一番餐廳分咗唔同區，有榻榻米區仲有另一邊，私隱度高啲～由於我哋都唔係太肚餓，所以唔想食主食，嗌小食就夠啦新正頭，餐廳入面仲有好多應節裝飾～椒鹽燒賣，$34燒賣炸完之後變得圓碌碌咁，好可愛～外脆內軟，又幾好味喎！！蒜蓉牛油焗什菌，$49蒜蓉再加牛油，令啲菇非常香口～份量都幾多下，食極都仲有，所以好抵食～芝士年糕，$52最愛嘅芝士年糕～～～焗到恰到好處～咬開唔會太熱辣嘴入面嘅芝士處於流心狀態，年糕煙韌，大愛～蜜糖雞翼，$37雞翼有多種不同口味，除咗最經典嘅蜜糖味，我哋仲嗌咗蜜糖芥茉味～其他選擇仲有香辣同蒜香口味～椒鹽雞軟骨，$58爽口香脆～份量亦都唔少～多人分享最適合不過～