津津食家

營業中

休息中

講開去火炭”津津”食嘢，第一時間個個就知道係食乳鴿同雞粥嗰間。個個都話細細個就食過，原來好出名。蝦，唔記得咩名堂，煎到好脆，味道到正常。柚子骨，雖然份量不多，但係味道剛剛好，有柚子茶嘅柚子味，但又無蓋過肉嘅味道。乳鴿真心好食，拎出嚟嘅時候仲係好熱，好明顯係即炸，啖啖肉。其實不用點淮鹽都得，已經好入味。豉椒鵝腸，有啲肥，但好好食，咬落去好爽，不過分量唔算多。豉椒炒蜆，味道正常，但係食到最後竟然有六七隻唔開殼，仲要本身份量已經少。椒鹽鮮魷，好大條，好厚肉。雞粥，名物之一。講到咁出名就梗係要試吓啦，有好多舊雞件，舊舊都有肉的。雞又真係幾好食喎，好滑，好有雞味。啲粥亦都好綿。真係幾好食😋豉油王炒麵，冇想像中咁好食。好普通墨魚咀，正常炸物。炸雞軟骨拼豆腐，正常炸物。平均每人$215。食到好飽。大排檔來講唔算特別平。

一行七人特登走到火炭食乳鴿，好日唔去新界吃野，但去到原來火車站行站去都好近！七個人叫左八道餸菜：金牌乳鴿 🐦（$70/隻）即叫即煮，熱辣辣，表皮脆口，肉身唔會老，又多肉汁👍🏻招牌雞粥（大窩$90）粥夠厚身🍚🍚，唔似一般大牌檔得粥水！ 雖然雞肉比例唔算多，但香噴噴雞油味沾滿粥面，香到吃左兩大碗。豉椒炒蜆（$78）同一般大排檔質素差不多，吃到底都係未熟透的蜆，但值得一試⭕️椒鹽鮮魷（$98）鮮魷夠大嚿，表層漿粉少，咬落好彈牙！椒鹽豆腐（忘記價錢）漿粉比鮮魷多，但比例係剛剛好蓋住豆腐，好香口，送酒一流上湯浸時蔬（$72）有喊同菜選舉，我地揀菜心，驚奇係原條菜心煮，大排檔多都係將菜切成幾份，節省成份，所以吃落特別開心！魚香茄子煲（$68）8款菜，呢道較為失色，感覺師父錯手落太多水去煮，成個茄子煲變成茄子湯。 ☹️菠蘿咕嚕肉（大約$90）肉係用金沙骨炒，所以吃落舊舊肉都係骨咁濟，味道係好味，但換番厚身肉會更惹味🤤值得大家特登過黎試下乳鴿！