極之拉麵

營業中

休息中

自從告別了最喜愛拉麵店豚道樂後，我失去了吃拉麵的衝動 差點以為要到日本才吃到的味道，直至朋友介紹了這家在長沙灣住宅區的隱世拉麵🍜 想不到大街的凹位竟藏著家小小的店，平日晚上還有人龍！就像日本找拉麵店都要看看有沒有人排隊一樣 這裡還標榜著逢星期一休店去鑽研湯底食材，還有社交平台有不少po寫著因湯底不合格、倒掉重鍊而閉店，絕對有日本匠人精神👨‍🍳 ！店舖大概只有十多個座位，其中一半是吧枱。而且拉麵即點即逐碗煮，難怪需時等待。晚上七時多已有不少湯底售罄，但由於其期間限定湯底有5-6款，且以不同海鮮做主打，剩下的口味仍很吸引，特別是我們最想試的廣島蠔，在門口排隊時已經嗅到好香蠔湯用上9小時熬製，只是略加醬油提鮮但不鹹，且終極版原來有超過十隻蠔!!! 湯底濃郁有厚度、鮮味十足，很難想像熬出這麼多蠔的精華在湯頭，但蠔肉一點也不會老，我大膽假設是用蒸的方法吧，將蒸出的精華入湯，才能夠保持每顆蠔身飽滿多汁🦪 碗邊還貼心的放了漬生薑片清清口腔另外鯛白湯也是需要很有心機的湯底，店員推介微辛香的口味，是唐辛子的微辣而非胡椒，刺激性令其味道更多層次，而非用來僻腥（亦無需要）🌶️ 討好的奶白色湯頭雖然質感可以再

- 長沙灣｜極之拉麵 -▪️終極之廣島牡蠣濃湯拉麵🦪🍜 湯底用咗大量蠔去煮，好濃稠，而且蠔味非常突出。配料都好豐富，有三粒日本廣島蠔，好肥美，鮮味十足，湯入面仲有好多醬漬牡蠣。叉燒肥瘦適中，以慢煮方式烹調，口感更加軟嫩，而溏心蛋亦都夠晒流心。另外仲加咗迷你魷魚鬚🦑，細細件，幾特別▪️極之真鯛白湯拉麵🐟🍜 呢個湯底就用咗大量鯛魚去熬煮，奶白色，好creamy細膩嘅感覺，而味道相對牡蠣濃湯就比較清香。炸魚皮炸得乾身鬆脆，吸啲湯再食，又唔同口感。鯛魚片大大片，好滑溜，重點係冇骨，大大啖食都唔驚。另外加咗迷你甜紫薯🍠，香甜可口▪️手羽明太子雞翼🐔雞翼外皮香脆，入面包住滿滿嘅明太子，食落辣辣哋，好惹味▪️北海道芝士年糕🧀炸得啱啱好，年糕軟糯，而入面嘅芝士半溶狀態，味道香濃，帶有少少鹹香極之拉麵📍長沙灣元州街399號喜漾地下2號舖

餐廳設計簡約得來亦有風味，枱面上非常之多嘅模型擺設，而且有日本嘅海報貼喺牆壁上，睇到都好有動漫氣氛😎😎A4終極之廣島牡蠣濃湯拉麵 $138非常之豐富，未食已經知好食😈😈入面有三隻日本廣島蠔🦪、好多既醬漬牡蠣、三片慢煮叉燒同溏心蛋。原來終極嘅意思係個湯底好勁😳每日用心製作，限量發售，用左大量既蠔慢慢熬成濃湯，所以每淡都好有蠔味。食材非常之新鮮美味，值得一試👍🏼👍🏼，叉燒肥瘦比例適中，而且大大片，食完個人好滿足極之真鯛白湯拉麵$98店舖推薦微辛香，可以帶出少少鮮味，發現湯底少少真鯛碎，問咗員工原來呢款湯底都係每日將真鯛去煲緊🐟，所以就非常之鮮甜，真鯛份量充足亦都非常之新鮮，另外仲要炸魚皮😍😍😍炸雞皮餃子(4件)$28雞皮餃子🥟外脆內軟，而且入邊餡料非常之多，食落去口感豐富北海道芝士年糕 (2件)$26芝士年糕炸得啱啱好，入面半溶芝士🧀，口感非常煙靭，一啖接住一啖極之拉麵 (長沙灣)長沙灣元州街399號喜漾地下2號舖

🔅終極之廣島牡蠣濃湯拉麵 $138材料超豐富! 有3粒大日本廣島蠔🦪、溏心蛋、醬漬牡蠣、3塊慢煮叉燒，先飲啖湯，蠔味好出，再食一啖蠔肉，肥美飽滿且鮮味十足😍，醬漬牡蠣都好香濃；慢煮叉燒肉質軟腍，肥瘦適中，唔會太肥或太咸。麵條屬幼身，每啖都食到香濃蠔湯。仲有醋漬青瓜解一解膩，好細心💕🔅極之真鯛白湯拉麵 $98湯底奶白香濃，魚味好香，一啲都唔腥😌。配料有增量鯛魚片、炸魚皮、溏心蛋同慢煮叉燒，鯛魚片好有驚喜! 魚肉肉質嫩滑無骨，份量好有誠意👏；炸魚片炸得乾身，酥脆惹味，魚湯好鮮甜，好鍾意飲魚湯嘅我食下食下就飲晒啲湯!食得辣嘅朋友仲可以加辣，增加口感層次✨🔅北海道芝士年糕 $26芝士年糕口感煙韌，入面嘅半溶芝士🧀都好濃，估唔到小食都咁出色🤩🔅炸雞皮餃子 $28新鮮炸出來嘅雞皮餃子超惹味! 皮脆多餡，雞皮嘅油香滲入餃子肉餡滋味滿滿‼️.🔅凍日本蜜瓜梳打(罐) $9食拉麵一定要飲汽水🥤，蜜瓜梳打清甜解渴，正啊!🫶.

就係睇中左呢間極之拉麵既特色湯底拉麵！佢地既拉麵唔係常見既豬骨湯底，而係有鯛白湯同埋牡蠣醬油湯底！店鋪座位唔算好多，但係每一款拉麵都係用心之作！    1⃣️ 極之真鯛白湯拉麵（$98） 有鯛魚片、溏心蛋、炸魚皮仲有慢煮叉燒。炸魚皮好脆！食落喀喀聲！湯底係飲落好濃魚湯味，揀左小辛辣，辣味唔係辣椒油果種辣，唔會感覺油膩，好味到飲曬！另外鯛魚片無骨，啖啖肉好正！  2⃣️ 極之真牡蠣醬油拉麵（$99）（溏心蛋+$12） 有牡蠣、慢煮叉燒、溏心蛋，仲有鮑魚添🤩另外貪心再加配多隻溏心蛋，佢地既溏心蛋絕對冇加錯！好好食～蠔湯係每日熬煮約9小時，濃得黎唔腥，配合醬油提味，仲有粒粒既蠔做配菜。慢煮叉燒大大塊平攤係碗邊，色澤粉紅吸引🤤  3️⃣手羽明太子雞翼（$36） 一咬開中間就係明太子餡，滿足😌  4️⃣北海道芝士年糕（$26） 芝士年糕夾起果刻已經覺得同平時既好唔同！佢係偏軟身，食落軟糯中間芝士好流心。  5️⃣ 炸雞皮餃子（$28） 雞皮餃子外皮微脆又帶煙韌感，中間配料豐富。  

最近長沙灣有間人氣拉麵店次次經過都排晒隊，最特別嘅係鋪頭有時會因為湯底唔合要求而唔開鋪😳咁樣更加引起我對呢間拉麵湯底嘅興趣😍終極之廣島牡蠣濃湯拉麵 $138.00限量10碗都比我叫到😆呢碗拉麵材料好多，有3粒日本廣島蠔+溏心蛋+醬漬牡蠣+3慢煮叉燒😂 先飲湯，真係飲到濃郁蠔嘅咸鮮味，大大粒廣島蠔甘香，細細粒嘅醬漬牡蠣滑溜溜好鮮甜🦪極之真鯛白湯拉麵 $98.00試埋鯛白湯都覺得幾出色🐟呢款同樣材料豐富，有溏心蛋+慢煮叉燒+增量鯛魚片+炸魚皮🐟 鯛白湯湯底偏向清甜，跟蠔湯嘅咸鮮有明顯分別，各有特色👍🏻 鯛魚片滑溜，冇骨啖啖肉，另外有2塊脆口魚皮浸埋魚湯一齊食都幾得意炸雞皮餃子（4件）$28.00邪惡嘅小食😈雞皮炸得金黃香脆，用雞皮作餃子皮香口得黎又唔會太油膩，餃子餡亦保持多汁北海道芝士年糕（2件）$26.00芝士年糕熱辣辣，入口煙韌軟滑，外脆內軟，好滋味

長沙灣開了新拉麵店。呢個舖位面積細小，之前係一間食馬來叻沙嘅，現在新開拉麵店，當然趁空就要幫襯吓小舖。一入去，裏面嘅裝潢非常特別，四周都係日本卡通Figure, poster等等。老闆應該好鍾意One Piece，好多都係luffy，所以嚟到都幾開心，有置身日本嘅感覺。🎌😶極之真鯛白湯拉麵（糖心蛋、慢煮叉燒、增量鯛魚片、炸魚皮$98, ⭐️⭐️⭐️（仲有另外加錢要份荀）🥚糖心蛋都流心嘅，不過蛋味唔算濃郁，建議店家可以用靚少少嘅日本蛋。🐷慢煮叉燒非常大片，肉質鬆軟嘅，味道普通，唔算深刻。🐟雖然廿增量鯛魚片，但份量唔算多。而且魚片比較薄，一夾就散，亦可能因為咁魚味唔濃。🍜拉麵湯底有淡淡魚味，唔似平時去日本食嘅白湯。坦白講，係有少少失望嘅。之後仲要飲好多水。😶基礎真牡蠣叉燒醬油拉麵（牡蠣、慢煮叉燒）$79, ⭐️⭐️⭐️🦪牡蠣係細細粒嘅蠔仔，同潮州蠔粥嘅味道、質感差不多。🍜湯底係有少少牡蠣醬汁，但偏鹹，我哋幾位朋友都係要不斷飲水。

呢間拉麵店位置唔顯眼 但最近幾多人幫襯～本身想去佢地𝙄𝙂睇下有咩食 但發現張張相都係一堆手寫字 話湯底唔符合廚師要求 所以決定倒哂佢 唔開門做生意 有性格又幾搞笑(｀▽´).✿ 極之真牡蠣醬油拉麵 $⑨⑨以大量牡蠣熬煮近10小時！蠔味濃郁 夾雜醬油香 鮮甜又唔死鹹 係少數飲完都唔口乾嘅拉麵湯！配餸有溏心蛋、蠔仔、醬漬鮑魚、慢煮叉燒海鮮唔算好肥美 但勝左新鮮 又燒較薄身 唔算好嫩 但幾有肉味 呢個價有咁多餸其實好佛心.✿ 極之真鯛白湯拉麵 $⑨⑧以大量鯛魚煮到奶白色 無加入忌廉/其他魚類 100%真鯛魚湯！魚味濃厚 但無半點腥味 點綴位係微微辛香 味道更有層次附上幾塊鯛魚片 肉質軟滑無骨 炸魚皮亦薄脆 拉麵麵質都出色 非常掛湯 食到尾真係連湯帶麵清哂啊整體有誠意又有質素 完勝唔少連鎖拉麵店！

平時食拉麵成日都食豚骨湯雞白湯系時候要轉下口味🤭史努比早兩日去咗長沙灣一間比較新嘅拉麵小店佢哋主打牡蠣湯同鯛魚白湯拉麵位置都有啲隱蔽 但出乎意料地客量極多 地方唔大不過坐滿晒人😳淨系排場都feel到應該有翻咁上下質素😎不過都要試咗先知咩料🤣就等史努比話比大家聽啦🤪👍🏿極之真鯛白湯拉麵 $98媽媽👩🏻嗌咗鯛白湯 史努比都有試下味🤭鯛白湯同樣系非常出色同頭先嘅牡蠣湯完全唔同風味濃厚魚味 散發出淡淡嘅魚油香🥰口感順滑creamy 味道鮮甜🤪比起牡蠣湯淡味啲但質地更杰更濃稠味道啱啱好 就咁飲都唔會太鹹👍🏿媽媽👩🏻超級鍾意!!佢最後飲晒啲湯咁滯😂拉麵就用咗幼身嘅麵條 掛湯能力更加強雖然比較淋 口感上就冇粗麵咁好 但質地夠滑 每一條麵條都索湯索到盡🤣啖啖濃郁魚湯又系另一翻風味😋鯛魚片好滑 份量亦好多好大塊仲有兩塊炸魚皮添🫵🏻呢個價錢絕對值～味道: 8.5/10性價比: 8/10👍🏿極之真牡蠣醬油拉麵 $99即叫即整嚟到熱辣辣 碗麵超足料除咗啲拉麵嘅基本配料之外 當然仲有主角牡蠣同埋鮑魚!!😳首先梗系要試個啖湯先個湯真心超超超正❤️味道非常濃郁 但唔系死鹹嗰種反而濃厚得嚟順喉😆啖啖都飲到蠔仔嘅鮮甜最值

拉麵開到成行成市，但當中有幾多間係匠心製作？長沙灣呢間啱啱開冇耐嘅拉麵店，對品質要求嚴謹到，湯底一唔完美就真係會當日唔開舖就係因為有要求，拉麵湯底極臻完美，一碗牡蠣拉麵，就食出全是認真。金黃透透地嘅湯底充滿鮮香，完全縈繞麵條溏心蛋完美半熟，外綿內流心半殼醬漬鮑魚同醬漬牡蠣非常入味，肉質嫩滑。慢煮叉燒儼如拉麵嘅圍牆，好大嘅兩片，粉紅嘅叉燒彈性好好，保持到肉質嫩口另一碗真鯛白湯拉麵，佢啲湯底又白又濃，飲起嚟香而不膩，足料到有少少起沙，加微辛香暖胃，會忍唔住飲晒都唔覺口渴呢碗仲有溏心蛋、慢煮叉燒、增量鯛魚片同炸魚皮。鯛魚片嫩滑程度相當於蒸魚同刺身之間，同時好彈牙。炸魚皮份量都唔少，浸湯食都幾過癮除咗拉麵，佢地嘅小食都好正㗎唐揚炸雞食到胃弟變大眼仔，炸到鎖得住肉汁好juicy，嫩到飛起雞皮餃子又係必食，雞皮嚴嚴包得住肉餡保留到鮮感同香嫩，一咬就流汁仲有啲小食係期間限定，好似雞軟骨丸子，打到完全變蓉，一啲骨感到冇，好香綿甜紫薯天婦羅外脆內軟，細細粒已香氣撲鼻

小店新開張，內裡有許多動漫裝飾，而且非常貼心地提供了橡筋圈，讓客人紮起頭髮吃拉麵🍜🦪極之真牡蠣醬油拉麵 $99平常吃拉麵配料都是叉燒，這家小店的拉麵配料卻非常特別，除了包含軟稔的大大塊慢煮叉燒和溏心蛋，還有許多飽滿的醬漬牡蠣(蠔仔)、入味的半殼鮑魚和鮮甜的帆立貝！湯底的牡蠣醬由店家自行熬製，用上大量牡蠣，結合醬油，特別濃郁和富有牡蠣的鮮和香👍🏻🐟極之真鯛白湯拉麵 $98甚少在香港吃到有鯛魚的拉麵！4塊鯛魚片非常鮮嫩，跟脆卜卜的炸魚皮形成有趣的對比。比起牡蠣醬油拉麵，這個用大量鯛魚熬煮12.5小時或以上的鯛魚白湯來得更鮮甜和濃郁，而且我們點算了店家推薦的極微辣，讓湯底帶點微辣的刺激，配上幼身的麵條掛湯，簡直無懈可擊🤤🥟炸雞皮餃子 $28新鮮炸起熱辣辣，外層帶點鹽巴的雞皮超級香脆，代替了餃子皮包裹着菜肉餡，值得一試😍🍎樽裝信州有汽蘋果汁 $29日本信州產的有汽蘋果汁，不會太甜，飲完gu返幾口氣，爽！