樂天皇朝 (利舞臺廣場) (已搬遷) 新店位置

皇朝小籠包$118都係因為見到叫皇朝小籠包，就可以+$38試貓山王榴槤小籠包，所以先叫呢款皇朝小籠包，有八款口味，其實每款嘅味道都好出，但係啲肉質麻麻哋，感覺唔太新鮮，以小籠包來講個口感一般，8款小籠包最好食係蒜香同川味，整體來講皇朝小籠包打卡係幾有特色，但味道上就一般，食返原味會比較穩陣🙈🙈-榴槤小籠包+$38 貓山王榴槤味小籠包，熱辣辣拎出嚟，諗住會中伏，但係食落又幾驚喜，入個餡有啲似放題嘅炸榴槤，榴槤控可以一試🤤🤤🤤-瑤柱芙蓉賽螃蟹$85相信呢道菜係成餐飯中最好食嘅一碟，除咗有蛋白之外，仲會有少少蟹肉係入面，撈埋溫泉蛋同醋，無論係口感定係味道都一流👍🏻👍🏻😋😋😋-鮮蝦雲吞麵豬骨湯$68-花素蒸餃 $55-松子桂魚$238因為我勁鍾意食松子魚，所以如果見到上海嘢有我通常都會叫，每次都會滿心歡喜，但暫時未搵到一間嘅松子魚係整得好食😭😭呢間嘅松子魚好唔新鮮，配埋酸酸甜甜嘅汁，都食到勁大陣魚腥味🙄🙄個汁仲要用罐頭生果整，性價比極低🥲🥲

同朋友食得太多日韓西餐, 都想食返下中餐~ 今次四人聚會, 可以去點小菜! 選了在銅鑼灣利舞臺的樂天皇朝~ 其實之前一直都想去食架啦!! 因為好多人都推介佢既小籠包~~~ 原來銅鑼灣店好大架! 成層都係佢~ 我地一早BOOK定檯, 唔使等位~! 佢一到晚市都真係好快FULL~~ 裝潢超美! 中間仲有個水池仔, 周圍仲放了不少古式古香的擺設, 我地坐四人卡座, 好舒服, 周圍都唔逼迫, 可以慢慢食慢慢傾計! 一黎到我地就即刻點佢最出名既八色小籠包!! 一次過就可以試到晒呀, 我地4個人點了兩籠呢~~ 除左小籠包外, 仲有好多其他美食~~~ 食上海菜, 唔少得點前菜! 我最愛呀~~ 海蜇頭: 有醋汁非常開胃 醉雞: 肉質好嫩 蒜泥白肉: 好喜歡其香辣蒜味!!! 入便仲包住青瓜絲~ GOOD! 皇朝話梅骨: 由細細個開始我就好喜歡話梅骨!! 好愛其酸酸味味既味道! 今次呢個就偏甜左D, 如果可以再多返D話梅既酸香就好喇!! 肉碎乾煸四季豆: 配飯一流, 好好食! 估唔到上海菜都有水煮牛肉XDXD 呢一鍋 $188, 真係勁勁勁大鍋, 我地四個人都食唔晒~ 好多牛肉, 都幾嫩滑, 入便

樂天皇朝早已成為我收藏名單的一員，今日約客食飯，以其氣派及高質，當然絕不輸蝕。餐廳佔地一整層，座位相當寬闊，裝潢講究，盡顯宮廷氣派，中庭還設流水設計，真誇張。下午茶時段指定菜式還有50% off，真心抵食。必食小籠包，樂天皇朝最出名便是八色小籠包，我選了其中的黑松露口味，咬開頂部已湧出極濃松露香，湯汁及餡料還滲透陣陣松露味，味道討好，蠻有特色。李白醉雞亦是必點菜式，花雕酒香醇厚，使嫩滑雞肉非常入味，非常好食。蟹粉炒飯: 此飯約為二人份量，大量金黃蟹粉牢牢覆蓋整個炒飯，每一啖也夾雜極為鮮甜的蟹粉，實屬尊貴之選。松子鮮果桂魚: 即唐醋魚，鮮炸桂魚淋上大量酸甜醬汁，惹味得香，魚身已起骨，魚肉酥脆啖啖肉，香口又好食!

樂天皇朝是我們吃下午茶的最佳選擇，這裏並沒有落場時間，啱哂PJ呢種無特定放飯時間的打雜。平時來都是吃招牌八色小籠包，今天玩玩新意思，試一試新出的避風塘炒蟹小籠包。喜歡來這裏，除了因為食物好吃外，更喜歡"樂天皇朝"的服務態度，每次都有着賓至如歸的感覺。既然今日食辣，我們便來個全辣宴，最開心一定是阿P，因為他有得吃最喜愛的酸辣湯麵。先來的是剁椒魚塊，辣味頗勁，最抵讚是魚肉非常非常非常嫰滑，連一向不嗜辣的我都吃不停口。用竹筒上菜，保温能力極佳，魚塊吃至尾亦熱辣辣！接着，阿P便開心地獨吃他的海鮮酸辣湯麵，見他開心滿足的樣子，我也不便阻礙他。他邊吃邊說樂天的酸辣湯麵非常有水準，加了大量海鮮，比坊間的多了一份鮮味。湯底非常足料，真材實料，並不是一味加辣椒油而成，酸和辣的平衡剛好。千呼萬喚的避風塘炒蟹小籠包終於登場，紅紅黃黃的， 十分可愛。小籠包夠軟熟，一啖放入口，真的有在吃避風塘炒蟹的感覺，那香辣的蔥蒜味道十分突出，吃得我們挻過癮的。最特別是於豬肉內加了新鮮蟹肉絲！最後我也忍不住點了這裏的榴槤小籠包作甜品，待服務員打開蒸籠後，榴槤的強勁氣味即時四射，令阿P有點兒吃不消，但我就當然非常喜歡啦！榴槤小

我朋友生日想食上海菜，佢原來一直都想試依間上海菜，所以我地都唔諗咁多，就按壽星女指示啦。依度最有名既係八色小籠包，但我地無叫到係因為每色每種味道都唔係樣樣鍾意，所以散叫左想食既味道小籠包，我地叫左兩款味道既小籠包同四款菜。人參小籠包: 有少許人參味，味道帶有甘苦味，但味道顯然唔算好特別麻辣小籠包: 聞落有麻辣味，但食落無麻辣味，味道同人參小籠包一樣唔算特別，令願叫返原味食返真正既肉汁味道竹筒剁椒魚片: 離遠已經聞好重辣椒味，魚片肉質嫩滑，入口即溶，味道夠哂辣又足料，正紅棗糯米: 本身我同朋友們都好鍾意食紅棗，配埋糯米軟熟得黎，口感又煙煙韌韌，好好味，食完感覺暖身又補身炒辣子雞: 份量較少，雞肉粒細得黎仲要少過辣椒份量，雞肉唔會好乾身，食兩啖就食完咁，不過都炒得幾香榴櫣小籠包: 咁大個女都無試過熱食榴櫣，估唔到咬一小啖，已經芬香撲鼻，對於鍾意食榴櫣既朋友一定like最後我地當然準備左生日蛋糕比壽星女，唔洗另收額外費用，今餐大家都食得滿足又開心，小菜大致上都唔錯，小籠包都係食返原味保險D。

一直以來對【樂天皇朝】情有獨種，原因每次都給我無限驚喜。源自新加坡著名樂天集團旗下最具代表性的概念餐廳，而且現代的風格中呈現舊日中國的皇帝時代風貌，實屬少見。揉合中國古代王朝氣派，踏進店內引人入勝的大廳中央裝飾著耀眼奪目的皇帝龍袍，全店以深色的格調與宮廷燈飾及銅製蓮花作點綴，完全貴麗堂皇，氣派萬千。門外張貼了由香港人一人一票，屬於香港人的風味小籠包。最能代香港的創新小籠包「避風塘炒蟹口味」，單看此板已極具吸引令人垂廷不絕。店內還有一個長形的廚窗能細看師傅的巧手製作出精緻的點心，完全大開眼界。我們被安排卡位的位置，繼續原用金色的茶具貴氣迫人，位與位之間仍舊寬敞。大愛「樂天皇朝」的原因是喜歡此店的小籠包，各式其色應有盡有。包括：招牌原味小籠包、八色小籠包(原味、芝士、麻辣、蒜香、人參、蟹粉、黑松露、鵝肝)、榴槤小籠包及今期新出品:「避風塘炒蟹小籠包」。上海油燘筍 $52油燘筍的筍切至幼身，以為經過油浸後會淋軟；沒有這個感覺還有帶點爽口，是前菜之選。撈拌海中寶 $68海中尋寶是以海蜇為名，透明軟身帶有爽口又涼快的感覺，而且更有鮮蝦鮮美十足。涼伴的海蜇完全適合夏天食用。竹筒剁椒魚 $108以竹

媽媽鍾意食中菜所以成日周圍搵下啲特別中菜試下今次左依間剛好坐係透明玻璃隔離可以見到廚師好勤力咁整野食一坐底就有碟前菜，有花生栗子花生同栗子都好稔應該係炆到咁好少前菜有栗子所以真係好驚喜「避風塘炒蟹小籠包 」6隻/ $98見到咁特別，梗係叫黎試下開頭以為好辣，因為小妹食唔到太辣好彩係少少少少辣，小妹同媽媽都接受到入面有好多湯，有椒絲，食落覺得有蝦醬味而籠底用布墊底，所以個包唔會痴底 「麻醬拌手捲油麥菜」配（日本特級秘製麻醬）$52用薄薄既青瓜片包住油麥菜一咬就可以咬到底，好爽脆蘸埋麻醬可以去埋草青味依個配搭好好「三色瑪瑙蛋」 $52 睇得出廚師用心將三色蛋整到好似椰汁糕既外貌排到星形咁都相信三層蛋係要分開黎整，工序繁複雖然係切開左上碟但每件蛋都有齊三樣蛋「竹筒剁椒魚片 」$108賣相都幾吸引魚既上面鋪滿晒配料將配料味道傳到底層既魚魚食落有少少麻辣舊舊都無骨，切得好薄，好滑好嫩「京醬肉絲配薄餅 」$78薄餅皮好薄，即使包左肉絲餡料都唔流汁肉絲幾多又好稔底有大蔥切絲，增加口感京醬都幾濃如果淨食肉絲都會有少少偏鹹薄餅皮亦都要襯暖食，如果唔係會硬「蟹粉豆腐」 $128豆腐好滑，好似豆腐花咁蟹粉好

一入秋唔喺蛇，就大閘蟹，市面好多餐廳都推出蟹粉菜式。雖然小弟對大閘蟹唔算死粉，唔會搶先試，不過，就晌樂天皇朝食咗今年嘅第一道蟹粉菜式。嚟到樂天皇朝，估唔到仲喺咁旺，幾多人晌門外等位，可能喺星期五，又有蟹粉菜推出。同親友嚟到，既品嚐蟹粉菜，但亦介紹佢哋試吓其招牌菜八種口味嘅皇朝小籠包，此外，又揀一客廚師推介菜式，加個拉麵、甜品，今餐飯已經好豐富。皇朝小籠包（八種口味） $98包含原味、人參、鵝肝、黑松露、芝士、蟹粉、蒜香、麻辣8種口味嘅小籠包，外觀五光十色，摺紋細緻清晰，賣相已喺一個亮點。雖然枱上有一張小籠包口味嘅介紹及品嚐嘅先後次序，不過，既然唔喺樣樣試晒，都喺按各自心水，所以，投其所好揀自己喜歡口味嚟食就可以。人參口味翡翠綠嘅人參味小籠包，參味絕不可以小覤，一咬已感受到啲參味有幾突出，有種苦盡甘來嘅感覺，參味餘韻悠長。蟹粉口味蟹粉口味跟麻辣口味嘅色澤好相似，當然味道喺南轅北轍，入口肉餡夠鬆化，有點點蟹黃及蟹肉，令小籠包鮮香盡出。麻辣口味之前幾次都未有機會試，今次親友就釀我試試依款麻辣口味，外觀無介紹卡嘅樣辦咁嬌紅，但麻辣味就一湧而出，不過，算喺溫和。蟹粉蝦仁 $188今次樂天推出4款

記得這年有多少創意新食藝嗎？老實說每日每日都有新鮮事物怎會記得清？不過提到彩色的小籠包，大概不少人心裏都有個底了。上回跟友人趁有下午茶半價優惠來試試，其他菜式出品比起主打的八色小籠包更獲人心。原本是想跟家人一起來一嚐，但平日下午上班時間就沒有可能。結果一拖再拖了無下文，專程約約無期，反而假日逛街後覓食就突然來了。　　店外已有餐牌可看，大量圖片作參考都不怕會點錯菜了。不過沒有附價錢，還是得看主餐牌才明暸。　　店內黑漆漆的，但其實已經開店啦，就算午市都是這個暗度。最特別的除了店左的廚房，用上透明玻璃阻隔，可以看到師傅製作餐點的過程。中間的水池也不得不提，你說入口有小水池小噴泉流水也罷。但這是店中央啊，完全就是另一回事，配合富有傳統特色的裝潢，別樹一格。　　原來還有半年前的下午茶半價優惠，那時跟友人就是趁機會去試試。星期一至五非假期及其前夕，下午三至五時就有這個推廣，須加一。小籠包、點心、涼菜、湯及即做手拉麵均在範圍內。　　餐牌選擇多得很，單看那長長的點餐紙就知道無花假。可想而知，閒時少少選擇已經要花上時間考慮，如此多花款就更是叫我猶豫。如果想了又想，又上網查又問家人，最後才訂定以下菜式。鵝

早前 6月份，得知位於銅鑼灣利舞臺廣場的 <樂天皇朝> 推出喇沙小籠包與榴槤小籠包！與大眼妹妹一起來，反正她從未試過八色小籠包，一於滿足她飽嚐特色小籠包的願望吧！ 我們晚上 6:30入座，不用等位！  相比以前，商場範圍的用餐區還要坐滿，現在已大不如前嘞！  可能是平夜晚的關係吧！我們離開時，商場範圍的用餐區是空空如也！ 我們安坐後，大家已經肚餓，也急不及待打開斤兩十足的餐牌，有如龍的氣勢！當我們尚未決定選擇什麼美食的時候，餐廳女經理推介新推出的美食給我們，只要打開餐牌就會見到最當眼處正是「廚師介紹」！進食期間，殷勤的侍應們不時為我們添茶！招呼週到！喇沙小籠包 (一週年限定贈送~只限6月份)白色與紅色的外表色澤分明！  比八色小籠包更有性格！ 香氣洋溢！入口微辣，就算不食得辣的我亦容易接受得來！見到店子名物的八色小籠包，又提起我不愉快的經歷！ 記得大半年前，跟一位食友一起分享八色小籠包，她先精心挑選自己喜歡的心水口味小籠包！  而剩下來的四款口味小籠包則留給我！根本無選擇櫂！我無奈地接受吧！ 相信曾跟過她同枱食飯的食友也會感同身受！ 雖則話「日久