樂天經典 (奧海城二期)

營業中

休息中

經過奧海城見到這間樂天經典在此地段但跟外面大排擋差不多價錢，小食全部都是由幾十元起，而且有得選擇大中小份量，人少少唔驚食唔哂。酸辣素羹這個湯跟平時食上海菜的酸辣湯相似，有豆腐、木耳、菇及蘿蔔等配料，湯帶微辣但酸味十足，非常開胃。家鄉滷元蹄整鍋元蹄下面有小火熱著，不怕放涼後表面凝固油脂，元蹄炆得肉質鬆腍，表皮骨膠原豐富，入口即溶，而且非常入味。星洲黑胡椒螃蟹似乎是其中一款招牌菜，整隻蟹約有1.2斤，黑椒味香但不會蓋過蟹肉鮮味，蟹肉結實而且是新鮮蟹，肉鮮且甜，加上惹味黑椒汁，喜歡吃濃味的朋友一定要試。馬來風光又一味馬來菜式，辣椒加些好似咸魚碎的醬汁炒通菜，通菜炒得翠綠而且爽脆，醬汁惹味。最後食左咁多濃味食物飲返杯清清地帶點微酸的檸檬薏米水，去除口腔內的油膩感。

難得一星期放假一天，今日就陪媽媽行商場同食好野，上openrice 見到咁多好評就入左哩間中菜館，我地二人食完都覺得值得推薦。店員安排我地既座位近門口，不斷見到有人等位睇黎都好多捧場客。天熱咁熱就叫左杯薏米水飲，解渴又美顏，最近都好中意飲。知道媽咪中意食菇所以就點左哩碟雙菇西蘭花，完全岩晒佢既口味，冬菇厚身爽口，好正！再黎一鍋哩度既招牌菜，個名好特別，老鼠粉聽落有d驚，但感覺新鮮，第一次食，面頭淋上咸魚同檸檬汁，味道係意外地好食，嘗到傳統的味道。還有哩道看似平凡既苦瓜排骨，用料好新鮮，食到排骨既鮮肉味而唔係雪肉，我超中意食哩個菜呀！苦瓜甘甘地，同個豉椒醬汁超夾，大讚呀！下次黎開奧海城行街會再黎食呀。

久唔久就會突然想食中菜😍 其實都無話特鍾意邊間 所以都係間間都試下 今次同都好鍾意食中菜嘅朋友試係奧海城嘅樂天經典.好鍾意佢呢度好多都有得揀餸菜嘅size 細食大食又岩 人多人少都可以自己就😌我地就咩都想試下所以即使大食都全部嗌哂s size😙🙈上枱發覺s size都唔野少 大概for 2-4個人都得👍🏿一黎嘅前菜唔係例牌嘅花生而係栗子🤤😍💕💕💕💕.古早魚香老鼠粉煲(小) ($98)似乎係佢地嘅招牌 所以一開頭就拍板要左一上黎好熱辣辣呀好正 上菜姐姐仲好好幫我地撈埋 一邊提醒我地要襯熱食先好食💕入面好多料 有超爽嘅蝦仁 滑溜溜嘅老鼠粉口感好得意感覺唔會好滯又幾飽肚 不過有些少過鹹.阿婆蕃茄炒蛋 ($60)d蛋炒得超滑 蕃茄又夠淋 同埋好多汁 用黎撈飯一流😍只係一上枱唔熱😢扣左少少分.手剁馬蹄鹹蛋蒸肉餅 ($72)肉餅比較薄 同埋蒸得過耐硬左😣.青芥末蝦球(小) ($135)雖然係細 都有6大粒蝦球😙粒粒都超大粒青芥末好正 好似平時wasabi會慢慢攻鼻 好鍾意呢個咁新穎嘅配搭💚仲有芒果同蟹籽 食落真係好清新 會忍唔住狂食😙.金銀蛋浸時蔬(小) ($83)時蔬好嫩好好食 唔會有渣！😌 個

自從上次去表姐新居聚會後，都好耐無同表姐食飯傾計😆 所以約表姐今晚食飯，因為我比較早放工，地點梗系要就表姐啦，食乜都交由表姐安排👀😁表姐話佢食過呢間覺得質素幾好，所以今次同我來食😊是晚我地6點幾就入座啦，仲好早😂大廳中主要圓枱，近門口的卡位都坐滿人客了，服務員帶我地到廳內的4人座位間餐廳裝修感覺都比較高檔雅緻，座位都好闊落，坐得舒適👍🏻😊。餐前小食--栗子，花生出面餐廳一般都系花生酸菜，今次有栗子😍我本身都幾鍾意食栗子，d栗子好甜，好綿同粉👍🏻😋 好啱我食，好快我就清曬全部栗子🙈🙈🙈招牌扣肉包--扣肉色澤好靚，醬料夠入味，肉質夠腍，仲有幾片西生菜同芫茜隨個人喜好夾落d包片度食(我喜歡夾曬d配料😆)。包片熱辣辣好軟，扣肉內的肥膏食落一點肥膩感都無，只覺滑滑地，有creamy的感覺，生菜就脆脆的😋😋😋 如有吾系留肚食其他野，真想食多一片🙈溂沙湯海鮮米線--望落以為好辣，但食落吾辣，湯底非常濃厚有椰奶香，用料都豐富，仲有隻溫泉蛋😁 我平時食湯麵都盡量吾飲湯的，但今次我忍吾住一啖接一啖🙈 如果吾系表姐制止我，叫我留肚食其他野，我可能會清底🤣🤣🤣青芥末蝦球--我地點左細份，但都有6只蝦，蝦有炸過

朋友介紹奧海城有間東南亞菜唔錯，見呢排早到放工又就腳就試試佢。未點餐奉上一小碟醃制花生栗子作開胃菜，口感粉身，未開始上主菜前可醫醫肚，留意小食需要收費$15，茶則$14。時令飲品檸檬薏米水，薏米大大粒！稍嫌部分薏米仲未煮開，再煮林啲就較岩我口味。呢碟餸用嚟配飯一流，真心推介👍🏻如果你鍾意食馬拉盞炒通菜，我估你都會鍾意呢碟！佢嘅醬我估係用茄子、蝦仁、蒜蓉同辣椒煮制而成，通菜中空沾滿惹味醬汁，又唔會過咸，建議來到要點呢碟。海鮮喇沙名符其實，有蟹柳、鮮蝦、豆卜及魚塊作配料，仲加上一隻糖心蛋，誠意十足！但重點係湯底味道夠正宗，蝦既鮮味跟椰汁混為一體，絕不欺場，米線滑溜入味，食過既喇沙佢肯定係頭幾位👍🏻名為辣子蝦仁，因為怕辣所以專登點小辣，蝦仁爽口彈牙，做到玻璃蝦嘅口感！醬汁係用茄汁再加辣椒調味，配上蛋白打勻嘅蛋花以及灑上切碎嘅蔥花，食落似家常菜。四大天王其實茄子、四季豆、豆角同埋秋葵組合而成，望餐牌以為係鹹嘅食落居然係甜甜地，似混咗泰式甜醬，少食甜煮既菜，唔係好食得慣🙈銀雪魚煎得香口，半邊鋪左蒜蓉，再配豉油調味，可以自行調校口味，不過魚肉質較乾身，偏少油脂成份，所以食落去口感唔夠滑同多汁。另外

好耐都未試過係星期二晚去睇戲，為左我地心愛的Minions，今日同老婆約埋同樣喜愛Minions的老友兩夫婦收工係奧運集合，食個Early Dinner再睇八點場。😁 由於節目緊湊，我地預早上Openrice搵定奧海城的食店，最後揀左呢間近來屢獲好評的'樂天經典'。好彩大家今日都唔駛加班，我地4個未到7點已經集齊係奧運站，由於仍未到晚市繁忙時間，所以不需等位已經可以安排入座。我地入座時天仍未黑，餐廳裝修好有新式中菜店的風格，枱與枱之間空間十足坐得好舒服。👍餐牌好厚，菜式種類好多，而且於餐牌內亦有對南洋風格中菜的描述，所以我地先知呢度係食南洋中菜。😆餐牌設計精美。菜式種類好多，但由於兩位女士都好揀飲擇食，所以我地係點菜時用左好多時間，點好餐時發覺天已黑了。🙈好多款菜式都有分(大)、(中)、(小)三個價錢，原先我地4個人打算點(中)的份量，但店員解釋俾我地知，原來(小)已經足夠3至4人享用，所以我地全部菜式都點了(小)，結果原來(小)都好大份。有我超喜愛的黃金蝦球，雖然兩個女士都唔食，但我都決定點。🙈餐牌內面我地發現其中一樣有特別推介: 古早魚香老鼠粉煲，我地即時上Openrice睇睇，見