SuperNormal (淘大商場2期)

營業中

休息中

放工去咗淘大搵嘢食，印象中呢間餐廳情調唔錯，一於試吓食物質素😆餐廳燈光幾浪漫，枱唔算好大，剛剛夠擺食物～食物種類都比想像中多，揀咗陣先揀到🤣首先叫咗個挪威煙三文魚卷 ($118)～有六卷煙三文魚，配埋沙律同埋醃製蔬菜，味道好有層次😋我叫咗法式香煎鵝肝露筍牛肝菌意大利飯 ($148)🤗牛肝菌汁既creamy又濃郁，意大利飯口感適中，上面塊鵝肝煎到油脂大爆發，勁滿足☺️男朋友叫咗香煎海鱸魚配意大利雲吞 ($168)😆一嚟到已經覺得佢個忌廉汁好香，仲有少少芝士味～海鱸魚肉好滑，配埋雲吞食唔會太漏，好有驚喜～呢度仲有串燒，我哋叫咗日本芝士年糕 ($38)～呢個就正正常常😌另外叫咗杯檸檬蜜桃蘋果梳打 ($40)🤗個梳打好夠氣，亦唔會好甜，幾好飲👍🏻第一次食感覺好好，有啲都幾有驚喜，味道有中上水準，唔錯☺️

柚子德國咸豬手 $188咸豬手真係好大份，上碟嘅時候已經起咗骨同埋切件，豬手燒得好脆，食落肉質爽嫩唔會太老，外皮香脆之餘完全冇豬皮嘅油膩，未點醬汁嘅時候味道咸香，加埋嗰甜甜酸酸嘅醬汁就豐富咗豬手嘅風味。- 明太子軟殼蟹漢堡 $106漢堡拼薯條係西餐必食之選，軟殼蟹漢堡蟹身大大隻，切開入面仲有唔少蟹膏，漢堡入面仲夾有蝦、蕃茄、蔬菜，食落幾fresh。至於個薯條係厚切嘅，外脆內軟又唔會好咸。- 檸檬蜜桃蘋果梳打 $38望落去似係有氣檸檬茶，飲落味道好清新，酸酸地，好岩食完煎炸食物去飲。- 玫瑰荔枝梳打 $38玫瑰同荔枝嘅味道都比較清香、清甜，飲品底下仲加左原粒荔枝，多汁可口。

放工相約朋友來吹水食飯，呢度有酒有小食，另外亦都有正餐主食， 黎Happy Hour或者食晚餐都可以。先叫咗個酥炸魷魚（$78 ），開頭以為係魷魚鬚，不過原來係炸魷魚圈，份量都幾多，而且外表炸得酥脆，魷魚都不過不失。餐牌上寫着極力推介呢個「柚子麥啤浸脆皮德國鹹豬手」（ $188 ），即管叫黎試吓啦，佢寫明自家釀制柚子啤酒8小時，之前我哋自己屋企都整過，發覺真係一啲都唔容易，而呢個就整得好好。豬手好大隻，外皮焗得好脆，同時裏面依然嫩滑，配有酸菜和蜜糖芥茉醬，好好味，而且佢切好晒一件件，方便進食！果然值得極力推介！另外我叫咗杯「檸檬蜜桃蘋果梳打」（$38 ），都係普通果味和檸檬梳打咁上下。

雖然位於牛頭角「淘大商場」二期樓下的西餐餐廳「SuperNormal」，「SuperNormal」裡面有很多「意大利麵」跟「意大利飯」食品，可惜「SuperNormal」「意大利麵」跟「意大利飯」食品裡面，始終沒有牛肉。所以我只能夠在「淘大商場」「SuperNormal」的熟食食品餐牌裡面，繼續發掘「SuperNormal」其他值得我享用試食的鹹味牛肉熟食食品，然後再尋找符合我期望口味的手調飲品。後來我在「SuperNormal」熟食食品餐牌裡面，找到真正適合我的牛肉「漢堡包」食品。「SuperNormal」的鹹味熟食漢堡包食品裡面，包括有三款不同口味，包括原味安格斯、三重芝士安格斯，還有另一款味道比較不同。這款「SuperNormal」的鹹味熟食「黑松露日本和牛漢堡」包，「黑松露日本和牛漢堡」漢堡包的售價價錢是「SuperNormal」三款牛肉漢堡包裡面最昂貴，每個未計加一服務費，已經需要港幣一百二十八元的售價價錢。結果我終於看到「SuperNormal」廚房親手製作的食品，「黑松露日本和牛漢堡」實際製成品的蘆山真面目，「黑松露日本和牛肉漢堡」雖然用上日本和牛，但是漢堡包實際面積不算