湘蜀人家

營業中

休息中

由於是在灣仔區上班的緣故，搵食的地方都大多集中於灣仔,銅鑼灣一帶。湘蜀人家其實已經並非第一次食的餐廳了，每次到訪必定點水煮魚價錢來說不算貴，但一到菜便見其用料十足，滿滿的紅椒飄來陣陣誘人辣香，好辣之人聞到必定流哂口水呢～魚的份量合理，而且肉質鮮嫩，值得一讚的是鍋中配料十足，其他地方鍋內預設的紅薯粉的份量可能較少，但這裡的配料份量可以說是兩個人都未必能吃光，而且配料吸收味道後非常惹味，絕不比魚肉遜色食過其他地方水煮魚後，還是覺得湘蜀人家的最抵食

前個排肚子不舒服，一直胃腸都有啲問題，最後睇左中醫，中醫當然就第一件事叫我戒口啦，我戒左足足有成個幾月，終於感覺好啲，所以就約左個朋友去食返個辣辣盛宴😂😂 玩命😂但估唔到是但行過去左灣仔，都搵到間出奇地好食嘅四川菜，真的估唔到係灣仔都搵到～呢間位於大有廣場嘅四川野，環境就好似一間中菜館咁，唔係酒樓個一種feel，但卻有種時尚中找到傳統感覺！我地叫左兩個菜色，但有一樣無影到相，請見諒🙏🏻一睇上面張圖就知道一定係水煮嘅菜食，佢其實係一個擁有水煮中足夠辣椒、辣油、八角等香料嘅水煮魚！ 講起個嘴都有啲辣辣地同麻麻地！好正！ 呢個菜色食落口雖然麻辣，但卻令你無法可以停到手去唔食呢個菜！辣味由舌尖去到胃腸中，個種刺刺的溫暖感覺，令人成個身都燃燒起來！ 魚質都十分不錯，唔會一夾就散哂，亦唔會好老，依家嫩滑！另一個菜式就係賽螃蟹，一個好耐都無食嘅菜式，同樣廚師都將佢炮製得很不錯！蛋白煮得十分嫩滑在加上底下嘅菜配搭，一流！加上少少浙江醋簡直係無得輸！熱辣辣咁真係好鍾意食！因為想食辣野同蔡螃蟹所以冇揀到其他煮食只係揀咗白飯去配搭，已吊出麻辣嘅感覺，飯都食多幾碗！！

個日去利東街賞完月，諗住係附近醫下肚，同妹妹兩個都想食辣野，見呢間食評唔錯，黎try try 先😍上到去唔洗等，坐位幾舒適，佈置好有中國風👀好鍾意佢隻碟🙆🏻‍♀️我倆叫左黃金皮蛋，水煮魚，川北粉條同一碗酒釀丸子。先黎左個黃金皮蛋，平時食多數係黑色既，黃色皮蛋真係好少食，黃色皮蛋蛋黃比較結實，特別係特別既，不過個人覺得黑色皮蛋比較香。碟皮蛋份量都幾夠，而且拌的醬汁味道剛好，都好味既川北粉條就一般d,如果凍食相信會更好，熱上始終令粉條變淋左，不過醬汁一樣好味。呢個水煮魚係一大盆，我地以呢個做主食已經好夠飽，辣得黎夠香，魚塊量多，仲有青瓜同薯粉係入面夠飽肚。魚滑得尼無咩骨，同埋都大塊，唔會碎濕濕最後當然要食返個甜品啦，第一次食酒釀丸子，呢個酒釀丸子令我留下好印象，清甜有淡淡桂花香🤤丸子又煙韌，I love it 😍 如果唔係太飽都真係想叫多碗～

我同M佬食嘢口味好夾，除咗辣呢家嘢！我係辣妹一名，無辣不歡；而M佬就好怕辣，少少辣已經we嘩鬼叫！但今日佢話要挑戰自己舌尖上嘅味蕾，所以我哋去到灣仔湘蜀人家。難得俾我食辣，所以餸菜由我發版，叫嘅都係川菜嘅代表菜式！我開動了哦！餐具全部都印有四川嘅變臉面具，好有feel架。（因為M佬唔係太食得辣，所以今次因應佢嘅指標，推出M佬噴火指數俾大家參考，5為最辣）辣豆芽（M佬噴火指數：1）作為茶芥系嘅前菜，當然唔係好辣，俾大家開開胃，醒醒神，迎接之後嘅挑戰！紅油抄手（M佬噴火指數：1）大大粒又漲卜卜，皮薄餡多，抄手沾滿醬汁同蒜蓉，好好味呀！四川涼粉（M佬噴火指數：4）涼粉好滑，又爽呀！初初食都唔夠得好辣，但越食越辣，越辣越麻。M佬就嚟頂唔順喇！四川口水雞（M佬噴火指數：3）雞件份量多，而且夠滑又厚肉，面頭嘅雞件唔算辣，但底層浸住嘅，全部都好辣呀。水煮魚（M佬噴火指數：5）超大盤，真係4個人都食唔晒！魚肉夠滑，骨少，份量好多。仲有索晒辣嘅薯份同荳芽，配料上一啲都唔失色。食完呢個之後，我個M佬已經變成孖潤腸喇！川椒回窩肉（M佬噴火指數：2）川菜系列中，我最愛嘅就係回窩肉！呢度嘅回窩肉，味道唔錯，但決

又喺Facebook見到某假期推介的新食店，似乎現在在香港開餐廳，必定有網上宣傳（當然都非常奏效），今次星期日中午又黎試吓辣～地點位於大有廣場，店內環境闊落，周日中午唔full，加個大紅燈籠高高掛，頓時變中國式餐廳。不錯的是周日中午仍有午市套餐，叫了一份水煮魚片，一份麻婆豆腐，都是午市套餐已各配了一碗白飯，還有酒釀丸子及自家製無公害番茄肉丸湯（無公害呢個term真係好搞笑）。*水煮魚：本來我哋擔心魚片會好多骨，問咗姐姐後佢話不算多，以為佢只係做廣告，點知d魚片好嫩滑，真係好少骨！魚片幾新鮮，仲痴住魚皮，彈牙又有魚油香，魚片數量都唔少；整體來講d辣比較麻，唔會嗆喉，亦好入味，食食下會開始默默地流淚（眼水啫）⋯⋯不過因我地食得慢，碟水煮魚又keep到熱，食到下面嘅薯粉已經淋晒，夾嘅時候會比較爛。*麻婆豆腐：麻婆豆腐整體冇乜驚喜，亦唔會失望；豆腐好滑，肉燥亦都夠多，但係覺得overall太油，拌飯一齊食，d飯變晒紅油飯，所以食到最尾冇再撈飯食。*無公害番茄肉丸湯：蕃茄好似同平時一樣，唔知係咪真係無公害呢？但肉丸的確有比到驚喜：唔係彈牙既質地，但係好淋同埋鯪魚滑打得好滑，清清淡淡既湯，做頭盤或