The Stadium (已結業)

今日同朋友喺銅鑼灣，搵到呢間餐廳。環境寧靜有幾分優雅，而且燈光有啲昏暗，有幾份浪漫嘅氣氛，係同朋友或情侶聚會落腳唔錯既選擇。有個晚餐套餐精選，不過我哋比較喜歡散點，因為自由度大啲。甜薯條 (⭐⭐⭐⭐⭐)首先黎個甜薯條。甜薯條有蛋黃醬同茄汁，薯條厚身粗直，熱辣辣，食落有咬感，而且份量都算多。西冷牛扒 (⭐⭐⭐⭐⭐)重點推介西冷牛扒。點咗五成熟，比想像中熟少少，不過都可以。牛扒幾大塊，唔會太煙韌，有口感，食落都容易咀嚼，大概價錢288蚊，另外附送脆薯。水牛雞翼 (⭐⭐⭐⭐⭐)另外我哋仲點咗一款小食，就係水牛雞翼，係辣嘅，一共六件。外皮超級好味，有少少邪惡，啲汁都好正，另外有沙律點綴下，賣相都唔錯。白汁意粉 (⭐⭐⭐⭐💢)最後點咗個白汁意粉，有煙肉碎作為配料。白汁都幾香濃，鍾意食意粉嘅同行朋友就特別喜愛。最後埋單一個人二百幾蚊，以咁嘅價錢呢講喺銅鑼灣鬧市，食到飽飽，都幾滿足。~~~~~~~~~~~~~~~~~~~~~~~~ The Stadium 銅鑼灣波斯富街48號軒尼詩大廈2樓推介菜式：甜薯條、水牛雞翼👍🏻地點方便 👍🏻口感唔錯👍🏻份量超大

話說喺銅鑼灣行完SOGO好鬼攰之後想搵個地方坐下之後順便食埋dinner發現左銅鑼灣天橋上面有一間好有特色嘅餐廳 好友美食風情 一行一間餐廳就有一張超大型嘅桌球枱真係可以玩㗎 啱晒大人同細路仔地方好大而且位置都好適合一大班日或者兩個人拍拖紀念日 我哋坐低之後叫咗個黑松露薯條同埋水牛雞翼 個黑松露醬好好味呀 而且薯條係新鮮炸熱騰騰嘅外脆內鬆軟水牛雞翼將做得好出色唔會太酸太辣之後叫埋個白汁煙肉寬粉呢個真係無得輸 而且份量好多好抵食另外叫咗個黑松露集菌薄餅超級大個啊而且個批底好薄好香仲有埋個火箭菜配搭埋口感一流仲有芝士醬添㗎真係好正而且員工服務態度好好定時定候會幫你加水

身邊親友好多都係好食之徒，其中小師妹就最留意新餐廳登場。週二晚同佢食壽司時談起食經，佢就話行去壽司屋時路經咗間啱啱裝修好o既酒吧餐廳「The Stadium」，飯後兩隻為食貓就一齊走咗過去探路，仲急不及待約埋翌日即刻去試添。以體育場館起名o既餐店連裝潢設計都配合埋個主題，正門先由黑色鐵閘把關。閘後有兩張足球枱及桌球枱。沿著地上o既跑道走。。。首先經過水吧。入到場館中央「終於走到分岔路的路口」。。。通往開揚寬廣o既用餐區。兩口子被安排入座最光猛o既窗口位。桌上除咗有齊備o既餐具，仲有枝溫水及波形o既杯杯。餐牌搞鬼地用上籃球教練專用o既夾夾板黎夾實。細問下得知店子因只屬試業階段，暫時只提供無酒精飲品。午市以做套餐為主。晚市則有一頁散叫項目。小肥因飯後仲有下場，所以就同小師妹分咗三款喺餐牌上都有頂廚師帽o既凱撒沙律、炸物拼盤、同黑毛豬。特色凱撒沙律（$98）：凱撒沙律賣相鮮美奪目。食落啲菜索索聲，確真新鮮爽脆，伴上少辣o既croutons即令沙律變得惹味醒神，！特色炸物拼盤（$158）：六色炸物拼盤內含三條芝士棒、三隻水牛雞翼、三個炸洋蔥圈、三件炸魷魚圈、三件炸雞塊、及六球粟米金塊，豐盛震撼