Mee...lemongrass (已結業)

難得黎咗銅鑼灣 女朋友已經揀定咗食邊間嘅午餐所以去到直接去呢間野食去到都開始有啲人等緊位啦我地係去食個午餐嘅餐牌精美搵咗一陣食咩最後我係想食返湯粉類而女朋友揀咗個飯黎食嘅咖哩牛腩飯黎到見到個份量係幾豐富嘅有飯有前菜有湯食唔晒呀係好飽呀個咖哩甜甜地 幾好味 襯飯一流呀我地仲有用啲咖哩黎點下鬆餅食好味嘅 份量比較多食得好飽喇沙湯麵叫咗個材料豐富嘅喇沙食有海鮮 lamlam脷份量都多嘅 個湯好味 甜甜地整體黎講份量豐富食得好滿足而味道都好食嘅算唔錯

來到銅鑼灣，聽講附近有間食馬來野的Mee...Lemongrass 都唔錯，今日冒住大雨黎到呢間餐廳。餐廳門面裝修簡潔整齊。我地叫咗秘製肉骨茶$86、馬拉盞炒秋葵$64，同緬甸咖哩雞$78，配油鬆餅$26。以前去新加坡飲嘅肉骨茶都係以胡椒味為主，一直都好想知馬來西亞嘅係咪真係重啲藥材味。呢間就正正做到我想試嘅藥材味！佢味道真係好濃，但濃得黎純粹因爲佢本身好多湯料，一啲都唔係靠味噌！湯又夠熱 我都忍唔住飲曬全部！😋跟住好快就上咖哩雞！咖哩醬真係好味！咸味啱啱好，濃郁得黎又唔會好傑 油鬆餅沾上醬汁簡直係一流！ 油鬆餅外脆內煙韌，唔落醬原本就已經好香，咬落嗰種口感真係令人有一份滿足感！唯獨係雞肉唔算嫩滑,啲汁冇入到雞肉入面。朋友向來討厭食秋葵，今日原本諗住激下佢 專登嗌佢最討厭嘅野食！點知！完全失敗！佢竟然話好好食 咁我都同意嘅， 佢用好多蒜頭黎做個馬拉盞汁，而且秋葵切到細細條 少咗佢原本好滑潺潺嘅質感！朋友竟然成碟清曬😌 所以！健康嘅嘢煮得好味都係可以氹到最挑剔嘅人食唔停😏😏😏我再嗌咗杯熱杞子紅棗茶$26，朋友就嗌咗凍馬來特色手拉咖啡$28。咖啡略為太甜。不過總括而言，呢間真係唔錯！經過銅

突然間好想食喇沙，飯腳就提議去皇室堡食mee，於是一行五人1點即過去皇室堡，雖然預先用App攞位，但去到都仲要等十幾分鐘先可以入座。喺等入座期間已經諗好左要食無骨海南雞喇沙套餐，好快飲品已經到左，過多大約十分鐘食物都陸續送到。先試海南雞，肉質超級軟滑，但唔係霉，雞味都唔錯，皮同肉中間無咩肥膏，連皮食都唔會太油膩。喇沙麵十分豐富，除左麵仲有兩粒豆卜，半隻蛋，仲有芽菜同香葉，湯底亦夠厚身，濃香惹味，而且唔辣，唔食得辣嘅朋友都可以放心食。另外，一定要講下個油鬆餅，係送嘅，喺皇室堡出面有個叔叔派傳單，傳單上面會有送油鬆餅同cash coupon，大家去食前記得搵叔叔拎。個餅唔會好乾，食落都幾鬆軟，個味甜甜地，都幾好食，如果大家食喇沙，強烈建議將個餅浸一浸喇沙先食，因為超夾超好食!唔計個油鬆餅，個餐有雞有麵，有飲品，沙律同甜品，今次嘅沙律係蝦沙律，酸酸甜甜幾開胃，而甜品係一口蛋糕，次次唔同口味。咁多野食成個set只係$78加一，都算抵!

平時見到星期六日排哂長龍等位...所以就趁住平日嚟試試！首先當然要order咗下午六點開始限定只得三十碗既原隻龍蝦喇沙($84)先啦...因為個個嚟排隊都係為咗等食佢😆一上枱真係有啲嚇親...龍蝦超大隻唔在講...仲點係超新鮮！碗喇沙湯底仲好味到比我飲咗一半添😋真係貨真價實！足料之作！另外，因為我哋有coupon...所以餐廳送咗一碟油鬆餅...雖然係免費...但手工一啲唔其求其，而且做得非常鬆化好味👍另外個Mee海鮮喇沙都好有水準！唯獨是個海南雞喇沙個雞就比較一般！甜品方面，個椰汁西米糕做得都唔錯！杯芒果沙冰就非常之大杯！不過我都係鐘意飲佢個馬來手拉茶！好有馬拉風味！

過年喇～ 維園年宵開咗，而聽日又係情人節。同老公打算去行年宵之餘，順便提早慶祝埋情人節。行年宵之前，去搵食先。沿路見有個叔叔派緊傳單。接過傳單，Mee…lemongrass 有 $10 coupon，本住C奶心態，梗係唔執輸啦。餐廳係地庫，落到去．．嘩．．都幾多人等位喎～　招牌無骨海南雞飯 $80個餐除咗有冬瓜湯、海南雞、油飯，仲有油菜，都幾抵喎！海南雞有6件，配有泰式辣醬同黑醬油。海南雞全部去晒骨，食起上黎啖啖肉。一咬落去，已食到雞皮嘅雞油香，雞肉好嫩滑，而且有濃郁雞味，個人比較鍾意佢地個黑醬油，食落甜甜地。油飯淡黃色，油飯粒粒分明，好有口感，但唔油膩，最正係上面加咗炸蒜，食落好香口。冬瓜湯係食海南雞飯必飲嘅湯，可中和下醬料同油飯嘅味道。緬甸咖喱牛腩 $78咖喱牛腩有3件大大件，仲有我最愛嘅牛筋同薯仔。牛腩咬落超腍，牛腩入面仲有少少油脂分佈，但絕對唔係肥膏，食落有少少油脂嘅甘香，真係好好食油鬆餅 $26有咖喱汁，梗係要叫個油鬆餅啦～　油鬆餅即叫即整熱辣辣。油鬆餅好鬆化，好香牛油味。再配埋咖哩汁食，油鬆餅吸晒濃濃嘅咖喱汁，好好食。泰國荳奶紫米冰 $38好特別嘅飲品。用上泰國嘅豆奶，味道

星期六放假，行銅鑼灣皇室堡嘅時候，門口有人派coupon，係一間mee-lemongrass馬來喇沙及海南雞飯專門店，於是三人就趁六點前入座，可以揀套餐食，包一杯熱飲及甜品。於是我哋就叫咗個MEE喇沙$78，有大蝦、蜆肉、蟹柳、魚蛋、豆卜、雞絲及雞蛋，湯底及味道都唔錯，值得一食！另外叫咗個招牌無骨海南雞飯$80，講真啲雞就好一般，雞唔夠滑，雞皮又多毛，比起太安樓間海南雞飯真係相差得好遠！唯一值得讚嘅就係附送嘅冬瓜湯，味道唔錯。以及就叫咗個雞絲扎肉檬粉$58，又係有啲失望，檬粉有啲好硬，最後叫埋個油鬆餅，係免費嘅(之前派嘅coupon之一)，反而唔錯，幾好食！埋單加一，再扣另一張coupon$10，即係$227.6。總括：服務一般，因為有個女侍應成日就嚟收嘢，明明個食客都未食完，仲食緊，佢都行過嚟想收，仲唔止一次，證明佢都唔細心，又心急，而餐廳嘅食物水準，亦好一般，相信都唔會再去食嘅一間。

去完工展會，係附近睇下有咩新野食，呢間應該開左唔係太耐，所以決定試試食物款式都算多餐具用了有公雞圖案的碗主角出場是油都加米粉，最主要係個湯不夠濃和熱，有少許影響到粉麵吸收不到足夠湯的味道不過湯底係幾好飲，有椰香（如果濃d會好d) 其他配料都算新鮮，蝦彈牙，蜆入口還有鮮味，豆卜十分入味叫左個小食，因為見到有位師傳即場製造手拉薄餅，所以想試試。果然不錯，好香口，不過好快會凍左，建議一上菜就要盡快食，另外用薄餅點落d喇沙湯底到又有另一番風味。