添記法式三文治

營業中

休息中

朋友係外國番黎，一直念念不排以前讀書時期食到的法式三文治。前排見到FB介紹呢間添記法式三文治就話一定要去試! 添記法式三文治位於佐敦渡船角，有小小偏僻，係柯士甸站或者九龍站行過去大約10-15分鐘。鋪面都幾細同唔起眼，要小心D留意先唔會MISS左。同老闆ORDER完就企埋一邊等，因為所有法包同蒜蓉包都係ORDER完再入爐翻焗的。原本一入到去只係有幾個人食緊，點知係我地等緊的時候就好多人黎買，企滿晒成間鋪😱，睇黎佢真係幾受歡迎!等左5分鐘左右就有得食，我地叫左一個大法包同一個蒜蓉包。一拎到即刻比滿滿的蒜蓉味吸引住，相都唔記得左影就已經食晒。🤤🤤🤤佢係係一片法包上面鋪上滿滿的蒜蓉然後再焗，外脆內軟，非常好味，喜歡蒜蓉的朋友一定要試!👍🏼👍🏼👍🏼之後就係期待已久的法式三文治喇! ORDER時可以同老闆講要一開幾，我地兩個人食就一開二啦! 一拎上手就見到D餡料滿到就黎滯出黎，一啖咬落去首先食到外脆內軟的法包，然後再食到入面的醃蘿蔔、嚼肉、扎肉、五香腩肉等等。嚼肉同五香腩肉的咸味剛剛好比醃蘿蔔微酸中和番，味道配合剛剛好，食完仲覺得意猶未盡，差D想叫多一份黎食啊! 🤤🤤🤤🤤🤤我真係好好奇究竟點解老

添記法式三文治既舖頭位置絕對係一個叫偏僻既地方，如果唔係揸車的話，真係唔係好想入黎，因為無論搭咩車都要行入黎，雖然唔係太遠，但係要轉黎轉去，好討厭，可是佢又值得我特登入黎喎，簡直矛盾。其實除左添記外，堂記亦係我既心水腸粉店，每次都會先食堂記，後食添記。佢既法包三文治真係做得好好，係出面食左咁多間，都係無呢間咁出色。一個Order完即刻再入焗爐焗脆既法包，夾著淋淋種種既肉類同醃好的蔬菜絲，真係一大美味。肉類大致上有扎肉、五香腩肉、咸豬手及法式嚼肉，咩叫嚼肉，就是豬肝加上豬肉攪碎之後製成一片一片既肉凍，口感勁似鵝肝，但又十分惹味，而蘿蔔及青瓜絲係酸酸甜甜的，配合上d肉類，十分夾，整個包外脆內軟，外熱內冷，十分得意。另外，蒜蓉飽因為即焗既關係，十分脆口，亦好香牛油同蒜味，值得一食再食。不過我覺得d餡料好似越黎越少咁，以前係爆哂出黎架，我都唔記得幾耐之前，我食個時係25一個大法包，到而家已經加價到了42一個大法包了，升價很多，哈哈，可是都係值得既。更多資料：http://hk.myblog.yahoo.com/zysk-c/article?mid=635

作為打工仔的，總愛把「日日做到冇停手」掛在嘴邊，然後自怨自憐一番。幫襯過添記，看到老闆做個不停，但仍樂在其中，有點慚愧。是日，太公去買涼茶時路過此店，法式三文治，開宗明義，目標清晰；據過往各地飲食經驗所得，獨沽一兩味的，多數出品不錯；加上早年太公媽去畢越南，回港後盛讚越南的法式三文治味道好；既然現在不用去越南也有一家在眼前，豈能不試呢？入內一看，果然不錯，店家出售的款式不多，只有大小法包、蒜蓉包和簡單的麵食；才下午六點，在我們前面已有兩個客人等候，老闆一個人看店，忙個不停。我們要了個小法包，老闆拿出一個已放涼的小法包，噴上一些水，然後放進烤箱；剛好後面沒有客人，以為他可以休息一會，豈料他轉頭就為法包塞肉類餡料 - 喔，我還以為是特法包烤好才塞呢，原來是預先把扎肉、腩肉、腍肉和豬腳粒塞在法包裏，待有客人下單時再放烤箱，最後才放胡蘿蔔絲、青瓜絲等蔬菜類餡料。塞肉期間，還不斷地有小男孩小女孩來加單要蒜蓉包；老闆還會為他們開個小玩笑，然後繼續工作 - 手裏雖忙著，卻沒有忘記自己咀巴是閒著的，剛好電視正在播新聞，就和太公隨隨便便地就聊起新聞來，一切都是那般的隨意，明知自己不是街坊，都好像倏地變得