首爾石鍋燒

營業中

休息中

店名:首爾石鍋燒地址:通菜街21號這也是我們在旺角回頭率超高的一間韓國美食。價位一般韓國餐，儀式感。不過一樣的菜單晚上會🈶少少出入，我地落咗個2人C餐199💰有飯有小食有飲品。▲ 性價比很高的一家店 值得去打call *■1 祕製烤肉豆腐鍋 ★★★我選了個➠泡菜烤肉豆腐鍋 分量很多，湯太好喝了,好喝到飆淚的那種,裡面還有粉絲!下飯神器,豆腐入口即化，實在好滿足。2 傳統石頭鍋飯★★★我選了烤肉石頭鍋➕泡菜石鍋系列必點!粒粒分明的米飯🍚酥脆酥脆的鍋巴（趕焦）醬汁濃鬱的韓式辣醬，熱騰騰快速🔜均勻攪拌🥘實在太味美。3 韓風一口雞 ★★★炸得非常鬆脆,裡面的肉質也很嫩滑,外脆內軟。嘻嘻,還是蠻推薦的~人均消費:$100+推介指數(10分為滿分):8分

突然好想食熱辣辣又唔會好乾嘅嘢，例如想食粥or 湯麵or湯飯等等，同同事一番商量之後，決定去旺角通菜街嘅一間地舖食韓國石鍋燒🍲🫶🏻👍🏻而我今次就叫咗一個泡菜烤肉豆腐鍋配烏冬❤️呢一個鍋我食左大概20分鐘都覺得熱熱的🤣當個鍋來到嘅時候，個烏冬已經放咗入去個鍋入面😋經過一段時間浸喺湯到嘅烏冬，所以烏冬都有少少泡菜嘅味道，成個鍋嘅泡菜味都好濃郁，不過豆腐就少咗啲，如果再多幾塊豆腐呢咁就更加好啦😍😍😍😍不過佢嘅泡菜呢係超級多，所以成碗湯都有好濃郁嘅泡菜湯味🤤🤤而我嘅同事就叫咗個蕃茄泡菜烤肉豆鍋，我見到同我個餐嘅唯一分別就係佢係有蕃茄😂😂😂下次我會再試新嘅茶🥰⭐️泡菜烤肉豆腐鍋 💰$53 + $5烏冬⭐️蕃茄泡菜烤肉豆腐鍋 💰$57

🎈泡菜烤肉豆腐鍋  $69 餐廳有一系列豆腐鍋，好多都係辣既，小編我就揀咗泡菜烤肉，比較傳統嘅韓式口味。烤肉味道最為突出，香味十足，烤過既肉味始終都係最吸引，而且肉質鬆軟，烤肉唔洗配醬汁，有泡菜已經夠哂🥦。豆腐鍋入面都足料，除咗有小編叫既泡菜同烤肉外，仲有豆腐同蛋🍳，足夠一人份量。味道就一定有少少辣架喇🌶，但呢種辣既程度相信大部分朋友都接受得到。✦✦✦✦✦✦✦✦✦✦✦✦✦✦🎈韓風雞翼(四隻) $42雞翼用既炸粉同以往係餐廳食到既好唔同，但雞翼本身就似無乜醃製過喇，味道略為普通🤨。另外，配上一款韓式辣醬，增加返韓式風味🧂。✦✦✦✦✦✦✦✦✦✦✦✦✦✦🎈煎韓國泡菜餃子(五隻) $48餃子既包法好特別，包成一個圓形咁🥟。皮身夠薄，煎過而脆但又不失煙靭，質感特別，可惜味道一般。

泡菜烤肉豆腐鍋烏冬 10/10呢個堅好食，個烏冬嗦了湯底嘅精華，格外好食。烏冬裏面有烤肉，豆腐、韓式魚片同泡菜，湯底是靈魂，濃郁好味。泡菜牛肉石鍋飯 8/10配料雖然簡單，但足夠帶出韓式石鍋嘅的火候。牛肉大大粒，有咬口。放多一點辣醬陪加滋味。撈好了的石鍋飯可等待多一會兒，讓鍋底有更多的飯焦。海鮮蔥餅 9/10特別喜歡吃這個海鮮蔥餅。蝦肉加上蔥段，再配合這個鬆脆的餅底，簡單得來非常好食。記得加上特製醬汁，味道完全不同，好match，放上醬汁的蔥餅好食很多！韓式粉絲餃子 8/10。粉絲和肉碎這個配搭加上調好的醬汁，吃完一個忍不住再起一個。

泡菜烤肉豆腐鍋個鍋滾熱辣，上台時都還是滾住，考有feel，這個真是必食推介，湯底鮮甜香辣，我很喜歡吃辣的東西，卻不可以太辣，這個辣度比較適中，應該是店家做出取捨的，我認為這個辣度對於大多數香港人應該是適合的，如果喜歡更加辣，可以要求大辣。泡菜酸辣提升味覺層次，有清爽的感覺，豆腐好嫩滑，秘制烤肉好香，還要一些配菜，如蛋，粟米，名門卷，菜等，整個配搭相當不錯，配上白飯好正。加杯凍檸茶，一流！之前朋友推介，試過一次之後我自己有時都會帶朋友過來，特別是沒有胃口吃飯時都會想食這個泡菜烤肉豆腐鍋，因為好醒胃，想起都食慾大增。

食過好多間韓國嘢， 無論燒烤， 炸雞 ，高級韓國餐廳。。等等。。 試勻咁多間我都係鍾意食 首爾嘅豆腐鍋。呢間餐廳最大特色我覺得係佢比較平民化嘅餐牌 ，價錢唔貴 ，而且亦都啱口味。。 適合我呢啲要睇budget 食飯嘅人！食過呢度嘅鐵板飯，石鍋伴飯，豆腐鍋 ，我覺得最好食嘅都係豆腐鍋類點咗呢個泡菜烤肉豆腐鍋 湯底唔會太辣， 如果鍾意食辣嘅可能要叫佢加辣! 湯底裏面有 粉絲，滑豆腐，韓式烤肉，粟米， 半生熟蛋。。等等。。 啲粉絲好好食可能因為 索咗好多湯 。。飯跟啲湯食真係好開胃 我平時都唔多食白飯，但都忍唔住食曬啲飯 公司咁啱喺附近，所以收工成日都同同事一齊食， 通常 一人叫一個飯之後會加杯柚子蜜或者柑桔蜜因為有半價， 食完熱嘢跟杯凍飲 舒服曬

今天晚上約了好姊妹到旺角首爾食飯。 呢間餐廳我第一次去，曾經有個朋友推薦過，但一直未去過。。晚上八點去，見到裏面都幾多人幾旺。。。 坐低咗睇下佢哋個餐牌先 ! 食物有幾種唔同嘅種類: 例如豆腐鍋，石頭鍋飯，鐵板餐，還有一些韓式定食，小食等。。我一向好喜歡係韓式豆腐鍋，我叫了泡菜烤肉豆腐鍋湯底微辣， 裏面有韓式烤肉，豆腐，菜，粉絲， 當然唔少得就係泡菜啦!個湯底味道濃沃， 送白飯真係唔停得口 仲有仲有，裏面有隻半生熟蛋 ! 記得唔好等咁耐，快快趣趣攞上嚟食，如果唔係就變咗全熟蛋架喇 朋友叫咗個豬頸肉石頭鍋飯上到枱嘅時候芝芝喳咋聲，好似好香咁 ! 我忍唔住試咗幾啖 ，足料，亦都好夠味喎! 下次我都要食呢個

哩間旺角小店我一直有支持開，都已經幫襯左好幾年。我最鍾情嘅係《泡菜烤肉豆腐鍋》，泡菜湯底味道香濃獨特，酸酸辣辣，好好送飯。而且材料豐富，有泡菜，烤肉，滑滑豆腐，水蛋，韓國魚片，粉絲浸住泡菜湯食尤其好味！食完一定好滿足。另外我朋友叫左《泡菜炒牛肉鐵板飯》，哩個我自己都食過幾次，好惹味的！上臺時炸炸聲勁香，味道好正，又香又辣，d汁撈飯一流！牛肉粒分量都好多，口感十足！哩度除左泡菜湯鍋，泡菜炒牛肉鐵板都好正啊！另外試左《韓風一口雞》，好香好脆口，一口一啖剛剛好！哩間小店疫情期間依然人流不絕，必有其優勝之處！值得繼續支持！

最近多咗出街，今日去出旺角放下電先。同朋友去咗shopping，咁耐冇行街，唔使再屈係屋企感覺好開心行到咁上下，又到時候食晚餐嘅時候了，我同朋友不約而同話去食首爾呢間餐廳！ 我哋大概每一個兩個月都會去呢到一次，次次都係食佢哋嘅招牌豆腐鍋今日亦不例外：）我叫咗個泡菜烤肉豆腐鍋，佢呢個豆腐鍋可以揀配飯或者配烏冬。我今日想食烏冬。。點完食物之後，大概10分鐘，新鮮滾熱辣嘅豆腐鍋就到啦！呢個豆腐鍋裏面有泡菜，韓式烤肉，豆腐，粟米。。呢個泡菜湯底真係好正。。個烏冬可以索埋湯嘅味道。。仲有最重要嘅就係半生熟雞蛋真係次次都係淨係食呢個豆腐鍋。。我朋友就叫咗金菇肥牛鍋跟飯。呢個都正，有埋金菇同埋肥牛。。個湯底有少少唔同，沒有泡菜的，但係就有濃郁嘅肥牛味道到埋嗰隻半山熟蛋就不在話下。。其實跟飯都好好食，因為就係有湯飯嘅感覺朋友話d粉絲索埋啲湯嘅味好好食😋食飽飯感覺好滿足，就係咁樣我哋就好開心咁過一日

今日好想食首爾， 咁就用外賣app啦 ! 而家晚市冇得堂食唯有買外賣回家 ，睇電視送飯 幾間外賣app我都試過 ，如果想食物好味，揀一間好嘅外賣app系好緊要!今次係叫網上外賣平台，之前試過 叫其他網上外賣平台, 不過 其他網上外賣平台外送員一時就好快到, 一時就遲遲都未到， 搞到啲食物凍曬， 又或者淋曬。 所以而家都係叫網上外賣平台穩陣啲, 啲食物會好食好多網上外賣平台嗰度滿100蚊有八折， 咁我就叫咗個泡菜烤肉豆腐鍋同埋韓風一口雞。落咗order大概有25分鐘就送到, 真係好! 馬上打開睇下先! 湯同埋嗰啲餸係分開嘅。 咁我就將啲湯到落啲餸食。唔 ，比我想像中好喎， 都仲係新鮮滾熱辣 當然堂食味道會仲好， 不過而家政府唔俾堂食 ， 冇計啦，唯有外賣。 裏面有泡菜，烤豬肉，粉絲，粟米 ，豆腐。 泡菜開胃 ，啲豆腐好滑，正 湯粉絲仍然係重點 ，因為啲粉絲索湯，跟埋白飯好好味小食叫咗個韓風一口雞都仲係熱，脆口同juicy! 之前試過叫網上外賣平台 ，點知外送員遲遲都未送到搞到d 雞同餃子都淋咗 。 之後就唔再用網上外賣平台了。如果想食得好食 ，真係要慎揀外賣公司 ， 啲食物可以保持到

平時的我比較少食韓國野，因為唔係太食得辣。 疫情底下大家都少左出街食飯，今日朋友就帶左我來這間韓國餐廳，佢話好掛住里度的豆腐鍋，咁我就陪佢試下啦。我揀咗一個唔辣嘅石頭鍋飯 - 蔥蒜牛肉粒石鍋飯。賣相都幾好，好多牛肉粒同埋都幾大粒，加上我好鍾意嘅䓤段同蒜頭，撈埋一齊好好食。我另外加左少少枱面上嗰支韓國辣椒醬，味道好正！石鍋底有飯焦，香香脆脆的。我個friend揀咗佢話佢大愛嘅泡菜烤肉豆腐鍋配飯。個豆腐鍋份量都好多，仲另外配左白飯。佢話將個豆腐鍋湯底撈白飯最正。另外仲有粉絲索晒個湯嘅味道好好食咁話！小食選擇都幾多，我哋叫咗韓式粉絲煎餃同埋韓風雞翼。煎餃都幾好味😋，雞翼炸得好香脆,肉質都幾嫩滑。而且價錢都幾抵，40幾蚊就有個小食，性價比高!飲品跟主食有半價，我哋叫咗韓國柚子蜜同埋凍檸茶. 柚子蜜都幾清香。凍檸茶有茶味。

今日同女朋友慶祝相識紀念， 女友指定去首爾食飯 。呢間餐廳食咗好多年， 仍然保持到同一種味道 ， 依舊人氣爆燈 ，好多人排隊。我哋好鍾意食呢間餐廳， 因為這裏的食物並不是非常傳統嗰種韓式味道， 而是 fusion咗 香港人嘅味道，也好貼心咁照顧了一些唔食得辣嘅香港人的口味 。 所以如果你/你朋友完全唔食得辣，或者唔鍾意食韓式嘅，呢度都有非韓式的食物選擇 ， 咁大眾化，相信是他們超人氣的原因之一。講返食物 ，嚟首爾梗係要食佢哋嘅招牌菜， 首爾秘製烤肉豆腐鍋 !我女朋友最鍾意食泡菜烤肉豆腐鍋。 裏面有泡菜， 烤肉， 豆腐， 粟米，菜，湯粉絲。佢個白飯係分開上嘅 。湯底係韓式辣湯， 加埋泡菜 ，好開胃 。 湯底好好飲 ，送飯真係一流 !食嘅時候 ，最重要唔好忘記裏面有隻半生熟蛋!  所以一上枱嘅時候，就可以先搵一搵隻蛋 ，咁就可以食到流心蛋， 如果 唔係個石鍋個熱力會令到佢變全熟蛋!我今次就食年糕烏冬， 今日有少少感冒，所以我就叫走辣。唔辣嘅湯底 都好好飲 。烏冬煙煙韌韌的，吸收了湯底嘅精華。 年糕也是軟綿綿，煙煙韌韌的!  鍋裏面亦有烤肉，豆腐，粟米，蔬菜 ，同好正嘅流心蛋!我哋食完嘅時候

在旺角要食韓國菜，必食首爾石鍋燒。他們主打韓國秘製烤肉豆腐鍋，鐵板飯，石頭鍋飯，泡菜炒飯等，小食選擇多，味道一流，價錢合理。我們幾個朋友到旺角聚餐很多時會幫襯。強烈推薦泡菜烤肉豆腐鍋，是首爾石鍋燒的招牌菜，試一啖湯，鮮甜香辣，辣味帶鮮，帶甜，還有泡菜及香料香味是普遍香港人能接受的辣度，更不失香辣，滿足喜歡吃辣的朋友。泡菜是首爾石鍋燒自家腌製，鮮，香，辣，甜，爽，非常可口。而且泡菜是世衛證實抗氧化物，多食有益健康。烤肉更是一大特色，非常特別，淰，滑，入味，鮮香，加入大量香料腌製，很多食客就是沖著首爾石鍋燒烤肉過來的。泡菜烤肉豆腐鍋可以選擇配飯或者烏冬，配飯的話鍋底有韓國粉絲，食過好多次，非常不錯。這次我選擇了烏冬，他們的烏冬也是名物，選用韓國手打烏冬，爽滑彈牙，有別于日本稻庭烏冬或者贊崎烏冬，除了滑，還多一份清爽感覺，包保一試難忘。鍋裡面還有蛋，滑豆腐，粟米，等。他們的海鮮烤肉豆腐鍋，年糕烤肉豆腐鍋，金菇肥牛烤肉豆腐鍋，泡菜鐵板飯，泡菜鮮蝦烤肉炒飯，一口雞，粉絲餃子，泡菜餃子，海鮮蔥餠等等做得非常好，到旺角的朋友務必前來一試，誠意推薦！

在旺角要搵好野食其實不難，就在女人街裡面已經好多餐廳，當中首爾石鍋燒是我的至愛，讀書時經常成班同學仔過黎。泡菜烤肉豆腐鍋，招牌菜，每次來都必點，湯底清澈而鮮味，配上首爾自家特有的烤肉（韓式秘製豬肉），那烤肉有種特殊的香料味，起到畫龍點睛的作用，鍋裡還有雞蛋，粟米，韓國幼粉絲等配合鮮甜的泡菜，成件事好和諧，我久唔久就要黎食，是我最愛的食物之一。泡菜鮮蝦烤肉炒飯，本身這是個辣的炒飯，但可以走辣，我還是建議要正常辣，因為這裡的辣度不是特別高，比較適合香港人口味。炒飯最緊要夠乾身，這個炒飯炒得夠乾身之餘飯質保持軟滑，少D功架都搞距唔掂，D蝦好彈牙好鮮甜，泡菜好醒胃，必食。韓風一口雞顧名思義，一口一塊，表面炸得夠乾身且不油膩，外面鬆化內部肉汁豐富，配合秘製酸辣醬汁，實在無得頂，每次都會食。韓國粉絲餃子這裡有兩款餃子：一款是韓國泡菜餃子，裡面餡料有泡菜，辣辣的。另一款是這款韓國粉絲餃子，適合我朋友不太能吃辣的人。這款餃子扁身，形狀特別，裡面有韓國粉絲和豬肉碎，食落表面松脆，內裡鬆軟，雙重口感味道非常可口，喜歡餃子的朋友一定不可以錯過。食完辣野，飲返杯透心涼的蘆薈茶，好滿足。