本原純素

營業中

休息中

早排同朋友去本原純素聚餐，素店嘅餐牌久唔久會轉，今次我哋叫咗偏向泰式風味嘅菜式。泰式小食拼盤 ($188/ 大 5款各3件)沙嗲雞、魚餅、雞腿、蝦片、春卷啱多人一齊食，中間嘅醬汁味道酸辣，放有花生碎。魚餅主要係大豆纖維整成嘅素肉，味道有少少辣。春卷香脆，主要包住蘿蔔絲。紅咖哩雜錦蔬菜天貝 配蒟蒻麵 ($138)西蘭花苗、粟米荀、泰國圓茄、天貝、豆腐、椰菜苗、甘筍咖哩汁偏甜，唔係好辣，蒟蒻麵爽口。芫茜醬忌廉牛油果扁意粉 (走五辛) ($138)雜菌、催芽合桃芫茜醬好好食，香草味濃。表面放有切碎嘅生芫茜，增添芫茜香味。擔擔炒意粉 (走五辛) ($128)新肉絲、西蘭花苗粒、花生質感比較杰身，似花生醬撈意粉。斑蘭椰漿米布甸蛋糕 ($78)有驚喜嘅蛋糕。表面嘅cream有椰汁嘅香味，中間有一層用椰漿整成嘅米布甸，配上斑蘭味純素蛋糕，好有泰式風味。

我識不少素食之友，估不到今次另一位素食之友又是推介這間樓上素咖啡室給我，還請我吃宵夜，邊吃邊談談他的素食心得，繼續推介多間素食店給我。咖啡室是樓上舖，門面幾型格，內裏以黑白色為主，配上一些綠色植物，好有大自然氣息，簡約舒適。全部餐枱都是泊牆，多是二至四人枱，還有露天座位，舒適整齊。細閱兩份餐牌，食品和飲品各一。食品有頭盤、主菜、烘焙食品和甜品，而飲品就則有咖啡、茶、凍飲、養生飲品、熱飲、奶昔和沙冰。*****************************我們揀了一客泰式小食拼盤($188/大)，有齊五款食品，每款三件，包括有沙嗲雞、魚餅、雞鎚、素蝦片和春卷，再配些雜沙律菜，好豐富。五款食品各具特，吃時當然要蘸些泰式甜辣醬，還加了花生碎，更有風味。我最喜歡雞鎚，用腐皮捲成，外層脆卜卜，內裏一片片，煙煙韌韌，拿着大啖咬好滋味；沙嗲雞也好吃，沾滿沙嗲醬，風味十足。朋友就大讚魚餅，香辣惹味，好有咬口，還滿有泰式香草味，正！春卷炸得金黃香脆，捲着爽口的蘿蔔絲、甘荀絲等蔬菜，食落不會油淋淋。唯一今日沒有黃豆餅，改了素蝦片有些失望⋯⋯很香脆，但味道一般。**********************