Orange Elephant Thai Restaurant (博文街) (已搬遷) 新店位置

Orange Elephant之前已經食過九龍城分店，野食唔差，最吸引一定係每日都有一款指定$1菜式，朋友未食過，所以今次就同佢黎大角咀分店。大角咀店比九龍城店新淨，座位亦冇咁迫坐得舒服啲。一星期七日嘅$1菜式入面，以星期三嘅泰式明爐烏頭魚最抵食，所以我地都特登約個星期三黎食。芒果冰特飲($36) - 沙冰打得夠滑，唔會飲到碎冰，不過味道偏甜。番石榴冰($28) - 番石榴冰同樣打得好滑，不過就冇芒果冰咁甜，味道比較清甜。泰式拼盤($145) - 拼盤有蝦餅、魚餅、春卷同香葉包雞各兩件，大大份夠二至四人share。蝦餅好爽口彈牙，唔會成口粉咁。魚餅雖然冇蝦餅咁彈，但食落都可以。春卷脆得唔黎唔會太硬。香葉包雞醃得夠味，不過雞肉就鞋左少少。泰式明爐烏頭魚($1) - 明爐烏頭雖然特價$1，但份量絕對冇將貨就價，烏頭有成隻前臂咁長，上面仲放左好多秀珍菇同椰菜。烏頭魚幾厚肉，個湯酸酸地好開胃。冬陰蝦炒飯($86) - 炒飯唔算好大碟，兩三個share啱啱好。炒飯個冬陰功味都幾出，酸酸辣辣好惹味，中間仲有幾隻大蝦同秀珍菇。總結，野食唔差，份量對版，$1菜式確係抵食，其他餸菜亦唔特別貴，雖然佢嘅$

約了一大班朋友去食呢間餐廳, 座位寬闊, 8-10人一張檯都無問題, 坐得幾舒服!食物份量都算足夠, 大家都食得滿足!泰式拼盤 $145泰式拼盤有蝦餅, 春卷, 魚餅, 香葉包雞各2件, 如果可以分大和細size的話比較好, 人多時大家未能夠試其他款式! 味道方面不錯, 個人提介魚餅和蝦餅!! 價錢來說算是有點貴!椰汁青咖喱牛肉 $76咖喱加入了椰汁, 所以好香, 雖然看似汁多, 但味道不會好淡, 牛肉方面比較細小, 不太多...泰式明爐烏頭魚 $169魚幾滑幾大條, 另外會跟一碗湯比我們自己加上去! 有點肉碎, 雜菌, 大蔥作調味, 湯幾飲!原隻菠蘿海鮮焗飯 $104個人認為幾抵食, 好大個菠蘿, 飯都放到好滿!! 海鮮算多而且大隻, 加入nuts, 乾提子和肉鬆等等, 令整個飯好好口感, 酸酸甜甜好開胃!

位於大角咀奧運站附近的「Orange Elephant」主打家庭式泰國菜。同九龍城既總店一樣，呢度既廚師同埋員工都係以識講廣東話既泰國人為主，感覺份外親切！餐廳既賣點係一星期七日有七款唔同既$1精選，由啤酒至明爐烏頭都有，就算食足七日都唔會厭！泰式拼盤 ($145)：拼盤有蝦餅、春卷、魚餅及香葉包雞各2件，份量最適合2-3個人一起share。特別值得一提的是它們剛炸得洽到好處，入口時非常香口之餘亦唔會太熱氣。黃咖喱雞 ($1)： $1蚊雞的每日精選，性價比來說真係超抵，咖喱汁攞黎送飯真係一流！原個菠蘿海鮮焗飯 ($104)： 菠蘿炒飯既料非常足，包括魚塊、大蝦、魷魚等等，而且鑊氣十足，絕對值得推介！特選椰青 ($42) 及芒果冰特飲 ($36)：椰青非常解渴，冰凍的椰青水入口時給人透心涼的感覺超正。芒果冰特飲方便的感覺好似果間以芒果甜品做到出晒名的甜品店的經典之作，那個既帶點芒果汁亦帶點沙冰的感覺十分不錯！總括黎講，餐廳整體食物水平以致服務水平都在中上，加上每日的$1精選這個吸引力實在非常大，難怪走的時候八點都未到已經差唔多全場滿座了！

上星期去咗呢間泰國菜，做緊好多$1菜式，日日唔同，有明爐烏頭、黃咖喱雞、炸蝦餅等，都幾正，我哋嗰日就食咗明爐烏頭🐟。▫️ 🔸明爐烏頭 大角咀店星期三$1Steamed Mullet on Stove Tray 好鍾意食魚，$1食到明爐烏頭真係超抵超開心☺落單後冇幾耐就上咗呢碟，條魚🐟都幾鮮甜，湯汁清甜少少酸，有檸檬再酸啲就更好。 ▫️ 🔹泰式拼盤 Thai Snack Platter $145幾抵，有蝦餅、魚餅、春卷同香葉包雞各兩件。最好食係蝦餅同魚餅，炸得唔乾身，入面有啲juicy咁🤣唔點汁都好好食（我唔點汁）😆我覺得好食過唔少泰式餐廳✨春卷OK，少少油，香葉包雞普通，雞肉唔嚡。▫️ 🔸原個菠蘿海鮮焗飯 $104Pineapple Fried Rice份量算多，海鮮有青口、蝦、魷魚等等，好多菠蘿粒🍍唔錯👍🏻▫️ 🔹特選椰青 Selected Young Coconut $42朋友話好甜，完全唔酸，仲好多果肉🥥！▫️🔸珍多冰 $28Iced Jandor with Coc

平時泰國野都好抵食，今次呢間Orange Elephant Thai Restaurant比平時啲泰國野食仲抵，每日都有唔同既$1菜式🤩，三百幾蚊就叫到三個餸兩杯野飲，自己食完都覺得超抵🙈1️⃣酸辣去骨鳳爪（$1 - 原價$72）呢間餐廳逢星期一至日都有唔同既$1菜式比大家揀，咁啱食嗰日係星期二，所以係酸辣去骨鳳爪其實我都鐘意食鳳爪，但就好怕吮骨，今次幫我去埋骨食得好方便，正合我意🤣 食落鳳爪好夠爽，而且加埋啲菜酸酸辣辣咁好好味😋另外如果你想用盡個$1優惠，星期三黎係最抵，因為嗰日係泰式明爐烏頭魚，原價成$169架！不過可惜我唔好魚，唔係一定mark實個星期三去🤣2️⃣泰式拼盤 （$145）呢個拼盤我覺得都好抵叫，入面有2件蝦餅、2件春卷、2件魚餅同2件香葉包雞，可以一次過食齊咁多野🤣最鐘意係個蝦餅同春卷，脆脆地好好食😚3️⃣椰青焗海鮮飯🥥（$104）平時泰式既菠蘿炒飯就見得多，椰青焗海鮮飯就真係第一次食🤭成個飯係放係原個椰青入面，上面鋪滿咗厚厚既椰漿，成個賣相勁吸引🤤食落去除咗有好重既椰漿味外，原來入面仲有好多原隻海鮮🤩，例如青口、八爪魚🐙、大蝦🦐 ⋯等等，而且一路食，仲有一條條既椰絲，份量超足

朋友生日，見佢鍾意食泰國菜，就同佢嚟左大角咀呢間網上啲人話唔錯嘅泰國菜慶祝生日🎂佢嘅位置都幾方便，喺奧運站一落去就見到的博文街，原來就係我上次去嘅走肉朋友隔離， 超級易搵！佢嘅內部裝修有別於一般嘅泰式餐廳，佢似新派餐廳簡潔乾淨爲主，反而佢入面嘅侍應好似個個都係泰國人，先至令我感覺到是泰式餐廳。佢菜單嘅選擇都幾多而且唔算好貴，最正係佢每一日有一個一蚊優惠，我哋嗰日去係星期三夜晚，當晚嘅優惠是泰式明爐蒸烏頭，價值$162，睇返其他嘅每日一蚊優惠原來係今日最貴，其他嘅都係$100以下！賺咗百幾蚊好開心😝朋友嘅生日真識揀！佢嘅烏頭肉質都算幾新鮮，而且都幾肥美，加上湯汁酸酸辣辣好開胃，做得幾地道！跟住我哋重點左泰式拼盤$139， 拼盤入面有蝦餅，魚餅，香葉包雞和春卷各兩件，本來對於呢啲拼盤都冇乜特別期望，因為來來去去都係咁上下，但係佢呢度嘅拼盤真係令我覺得有分別，佢嘅蝦餅魚餅炸得唔會太乾身，真係可以用juicy 去形容, 唔會好似出面嗰啲炸到乾真真，春卷中間嘅餡超飽滿，真係唔會Hea你。呢個泰式拼盤好高分！食泰國嘢我一定會點串燒！我哋揀咗雜錦串燒($79)，即係豬牛雞各兩串一共半打，維返$13一

今晚Happy Friday，梗係要約朋友食飯啦！朋友住大角咀湊住小朋友，佢話唔想去太遠，話佢附近有間泰國餐廳，帶我試試，又好丫，就佢吧就係尼間orange elephant 🐘 ，門口好大啊！仲有每日$1蚊優惠，今日星期五係飛天通菜，啱我食咼店面闊落整潔，好有泰國feel，仲有大象🐘擺設，好得意啊！當時八時左右，都算幾旺場食物方面都幾多選擇，有小食，飯，麵等等包羅萬有仲有特色飲品同甜品$1蚊飛天通菜，估唔到幾大碟咼，仲要好嫩綠爽口，味道也不錯，十分惹味泰式拼盤，賣相吸引，每款也有四件，仲有兩款醬汁，一酸一甜蝦餅鮮甜旦牙，外脆內軟，非常可囗魚餅味道非常特別，應該用左泰式香料，好香好濃春卷好香脆，香葉包雞夠嫩滑，而且非常入味蛋包海鮮炒飯，一層金黃色蛋網包面，相當精緻海鮮材料好足，大蝦新鮮旦牙， 飯亦炒得粒粒分明，軟硬度適中，調味恰當，而且分量好多，好抵食椰汁珍多冰，椰子味好香好濃，不會太甜椰青亦非常清甜這泰式食店非常正宗，價錢合理，推薦比各位試試啊

在大角咀收工， 朋友推介一間泰國餐廳！今日來到Orange Elephant Thai Restaurant, 餐廳佈置亮麗舒適，和朋友坐底食飯傾計最適合！晚飯時間特別肚餓， 我地點了泰式拼盤，椰青焗海鮮飯，用一蚊優惠加配了泰式明爐烏頭，和各點了一個椰青飲， 好期待下班後的美味晚餐！最先來的係泰式明爐烏頭， 第一次看到泰式烏頭時， 十分驚起， 因為配料十足， 除了新鮮份量十足的烏頭， 還有肉碎，配菜，咸柑桔，鮮菇等配料， 更貼心的係， 隨魚附上一碗湯， 在燒乾水時可以隨時Refill 落爐裡面， 安排好周到！接住係小食拼盤， 當中有蝦餅，魚餅，香葉包雞和春卷； 蝦餅和魚餅， 口感鮮彈；春卷好香脆；香葉包雞，醃得好香好入味；各款小食脆身而不油膩， 抵讚！椰青清甜解渴，椰肉軟滑，邊食拼盤邊飲椰青，超滿足！椰青海鮮焗飯，用了原個椰子殼載著海鮮配料和飯， 每一粒飯都散發椰香，配料有鮮蝦，青口，帶子，魷魚等配料； 口感豐富， 飯味清香，一定要order!整體Orange Elephant Thai Restaurant 環境舒適乾淨，員工有禮，食物水準優質， 和朋友來大角咀食飯一定要來！

衝著一蚊飛天通菜去食「橙色大象」。熱愛泰菜的我早有幾間口袋餐廳，難得朋友推薦，就跟佢試一試，果真沒令人失望。青檸梳打 / 椰汁冰泰式拼盤$139有蝦餅、春卷、魚餅和香葉包雞。魚餅很香檸檬葉味，十分惹味！香葉包雞難得地不會過老，很多鋪頭的香葉包雞都炸得很差，這裡還算驚喜！蛋網海鮮金邊粉　$82蛋皮薄薄的，金邊粉炒得很乾爽，味道酸甜，辣勁較少，海鮮有蝦、魷魚、炸魚等，不會蟹柳扮海鮮，出色！全場也點的是日一蚊「飛天通菜」，份量很足，大蒜和辣椒炒得很香，極具鑊氣，沒有將貨就價，出色！

去開奧海城接媽咪放工，就喺附近拜會超抵食嘅泰國菜館—「Orange Elephant Thai Restaurant」。每日都有$1指定菜式優惠，好抵呀！👏🏻星期一$1炸蝦餅星期二$1鳳爪沙律星期三$1明爐烏頭星期四$1黃咖喱雞星期五$1飛天通菜星期六$1細支裝啤酒星期日$1黃香茅炸豬扒適逢星期三，梗係要試吓$1明爐烏頭！原個魚爐上陣，排場十足！原條烏頭斤兩十足，淋上以香茅、南薑、辣椒、芫荽和青檸等做成嘅湯汁，烏頭魚越滾越滾入味，魚肉酸辣鮮香。泰式拼盤（$139）有蝦餅、春卷、魚餅、香葉包雞，自家製蝦餅外皮炸得香脆，爽彈美味！春卷外皮酥脆，內裏嘅素餡口感、味道豐富，蘸上泰式酸甜醬更惹味！魚餅散發着檸檬葉香氣，香辣惹味。香葉包雞用斑蘭葉包住雞件來炸，雞肉吃起來散發陣陣斑蘭葉香味～😌錫紙焗紅咖哩海鮮（$142）咖喱質感濃稠，唯略嫌味道不夠特出或惹味，咖哩用錫紙包住，所以溫度維持得很好，海鮮中有炸魚塊、蝦、青口、魷魚等，材料都算豐富，咖哩還加入鮮椰子肉，味道更香甜。特選椰青（$38）椰青大大個，鮮甜解渴！☺️芒果冰特飲（$34）以鮮芒果製作嘅沙冰，芒果味鮮香，沙冰磨得幼細，入口即溶～😇

因為朋友搬了新居到奧海城，當然要去睇睇並且祝賀新居入夥，吹完水當然要食埋晚飯先走，朋友知道我鍾意食泰國菜，便介紹這間位於大角咀的泰國菜館 「Orange Elephant Thai Restaurant 」泰式拼盤(兩件蝦餅，兩件魚餅，兩件春卷，兩件香葉包雞) $139泰式拼盤賣相精美，樣樣有啲又可以食到蝦餅、魚餅、春卷和香葉包雞，一次試幾樣野實在滿足，尤其是蝦餅十分爽口彈牙鮮味十足。原個菠蘿海鮮焗飯 $99原個菠蘿海鮮焗飯，材料非常豐富有新鮮菠蘿、腰果、青口、大蝦、鮮魷魚、提子乾、泰式臘腸和肉鬆，食落口感豐富有菠蘿的香甜味道，夾雜着新鮮的海鮮味道和鹹香的泰式臘腸，配上軟硬適中的飯粒實在無得彈。炭燒牛肋骨 $92炭燒牛肋骨，炭燒香味濃郁加上牛肋骨本身的油脂香味，和牛肋骨肉的濃厚牛肉味道，食得十分滋味。黃咖喱雞(星期四＄1 優惠)雖然是一蚊優惠，但這個黃咖喱雞真的絕不欺場，咖喱味道香濃加上分量十足的雞肉，實在超值。

今日收工同男朋友去搵食，見到博文街有間新開泰國菜，餐廳新開張仲有$1既優惠，就係因為呢個$1，小妹決定戰一戰佢1. 泰式拼盤推介：4星上台時熱辣辣岩岩煮起，蝦餅夠彈牙，咖哩春卷夠脆，香葉包雞好滑，小食黎講，試得一試2. 明爐烏頭魚推介：3星呢個係今晚既$1優惠菜，原價要$162，講真$1黎講真係超級值回票價，魚肉嫩滑，湯底好鮮味，個source又夠酸辣；唯一不足就魚淡左少少同埋小小腥3. 香葉肉碎（豬肉）推介：4星夠辣夠味！！送飯一流，味道濃但唔會得個死咸，男朋友話少少油啦，不過我自己就覺得可以接受既，送飯一流！總括黎講，食物質素都幾好既，新開環境乾淨舒服，地方夠大坐位都算多，唔駛同人逼唔駛等位，岩哂我！性價比可以，趁住宜家有$1優惠就更加要值得一試！