小曼谷海鮮燒烤屋

營業中

休息中

自從多年前去過呢間泰菜餐廳後, 就一直回味呢間嘅泰菜美食。今日再同朋友重返, 雖然menu已經改咗, 但水準亦唔太差。餐廳座位雖算不上闊落, 不過服務幾友善 。食物款式選擇多, 除了散點, 仲有少量套餐選擇。【冬蔭公湯】HK$148冬蔭公可以自選小辣同大辣, 以小火鍋興住, 入面有大大隻虎蝦同埋泰式香料, 湯底熱辣辣, 集合甜酸辣, 味道濃郁。【泰式炸蝦餅】HK$98蝦餅炸得金黃香脆, 口感彈牙, 食到蝦嘅鮮甜味, 點少少泰式醬食, 味道更提升。【泰式鮮蝦炒金邊粉】HK$108金邊粉很有香氣, 濕炒甜中帶微酸, 配有有三粒爽口蝦球、蛋花、肉碎等, 食落帶點層次。

𝟘𝟞.𝟘𝟜.𝟚𝟘𝟚𝟛《宋皇臺好評多泰菜😳?!》𑁍 小曼谷海鮮燒烤屋 (九龍城) 𑁍📍九龍城太子道西398號御太子地下1-3號舖📍咁啱經開附近見佢有成800幾個好評咁多😲我抱住「應該唔會全部都係打手嘅心態」入咗去試👻整體嚟講唔算伏，價錢唔算貴，但真係冇乜特別兼唔係特別好食🎃𐂂 泰式海南雞飯 ($60)飯嘅份量都算足夠嘅，不過感覺上唔係好夠雞油味🍚雞嘅份量就真係偏少，雞肉都算滑但就冇乜雞味🐔呢個價錢嚟講感覺有啲似唔抵食😢𐂂 泰式鮮蝦炒金邊粉 ($60)金邊粉除咗有啲濕之外，味道同配料都係正常範圍之內😼唔算特別好食或者岀色，正正常常咁😗𐂂 泰式炸蝦餅 ($98/3件)價錢少貴但的確炸得幾酥脆，蝦肉都幾結實🦐不過就冇乜蝦味😂如果唔係有人埋單的話，自己基本上唔會嗌🤨𐂂 泰式蒜蓉包 ($48)夠脆嘅但唔夠蒜茸味🧄𐂂 泰式奶茶 跟餐送的~幾好飲幾夠甜！就算少咗甜都唔會淡哂💓𐂂 冬瓜湯都係跟餐送的~幾清甜🫶🏻感覺唔係好似味精湯🥣꧁評分꧂🍴食物: 3.1/5💰性價比: 3/5🪴服務: 2.5/5✈︎ 店鋪資訊✈︎💸人均消費: $100內🈶加一服務費🔖餐廳分類 🔎 #hkfoodieat_九龍城 #hkfoo

又黎到九龍城食泰國菜，呢間餐廳CP值唔錯，晚餐仲有駐場歌手🎤唱歌，超好feel。泰式炸蝦餅🦐每次食泰國菜一定會叫😋好大個，入邊係滿滿既蝦膠肉，炸得好酥脆，點埋泰式辣醬好惹味青咖哩豬🐷青咖哩一入口椰奶同咖哩味重，夠辣同有後勁。泰式原味烤酥餅食咖哩點可以少得烤餅，好酥脆，浸入青咖哩到，索滿哂湯汁好好味。串燒拼盤B有雞全翼、豬、泰式臘腸、牛、雞同雞腎，第一次食泰式臘腸，出奇地好好味😛有油脂感，點埋醬更正。泰式千層糕好煙韌香甜，一層斑蘭一層椰汁，味道好濃郁。

同朋友慶祝生日， 三個人就試下小曼谷海鮮燒烤屋，位於九龍城太子道西398號御太子地下1-3號舖。 其實九龍城好多泰國菜館， 要突圍而出真係要有口碑， 店內環境非常熱鬧，有Live show， 仲好熱情唱生日歌🥳。 三人晚餐 ～ 海鮮孖寶$258(牛油蒜蓉燒蟶子三隻+ 香煎扇貝兩隻)、風味燒豬頸肉$128、 明爐香檸汁蒸桂花魚$268、 冬陰功湯$148、 豬肉碎生菜包$118、 泰式生蝦刺身$128、 泰式炸蝦餅$98、 泰式鮮蝦炒金邊粉$108、 小曼谷原隻芒果糯米飯$88、 芒果沙冰$42、 椰皇$42、 泰式青檸梳打$42、珍多冰$42。 ✨牛油蒜蓉燒蟶子 ～ 蟶子都幾大隻， 但鮮嫩的味道被牛油蒜蓉遮蓋了。 ✨香煎扇貝 ～ 扇貝有兩隻，味道不過不失，但海鮮孖寶性價比不算高。 ✨風味燒豬頸肉 ～ 口感偏硬，沒有一般豬頸肉的爽口。 ✨明爐香檸汁蒸桂花魚 ～ 桂花魚肉質嫩滑，香檸汁酸酸地，幾開胃，不過桂花魚比較多幼骨，食的時候要小心。 ✨冬陰功湯 ～ 辣度剛好，有兩隻爽口大蝦。 ✨豬肉碎生菜包 ～ 正常發揮。 ✨泰式生蝦刺身 ～ 爽甜的肉質，好味道。 ✨泰式炸蝦餅 ～ 蝦餅做型似don

做IT嘅友人樣子生得似泰國通阿沖，正所謂「電腦修得好，好人做到老。」為咗答謝佢幫手解答電腦疑難，所以請佢去九龍城食泰國嘢🤫🔺雞全翼串燒 $20出邊好多串燒會炸，但食得出呢度係燒嘅，因為燒雞翼先會做得到皮脆肉嫩。串燒嘅調味啱啱好。🔺燒粟米 $20又係燒粟米咁橋😂最鍾意就係食燒嘅粟米，微微燒焦係香甜又香口，原條一開四，食得幾方便。🔺泰皇咖喱炒虎蝦 $241咖喱好香濃，唔會太辣好易入口。虎蝦大大隻爽口彈牙，炸到蝦殼都脆卜卜（食埋都得😂），配料有大蔥、青椒🫑、洋蔥等等，🤫我想講係勁好食。想蘸咖哩食嘅要叫埋酥餅或者蒜蓉包（$32），用嚟點咖喱係超級惹味，因為已經落咗手食無影😂🔺泰式炸蝦餅（細）$76外邊嘅炸漿唔會太厚，包住蝦肉打成嘅蝦膠，啖啖蝦味同爽口彈牙。除咗蝦餅之外，佢嘅芝士蝦丸都好吸引。🔺燒脆皮白鱔 $115最鍾意食鱔同鰻魚類，皮脆肉滑仲勁Juicy！燒到個皮咁脆但都Keep到肉汁好難得。

好耐都冇食過泰國野，行過九龍城呢邊門口隻公仔係咁揮手叫我入去，好自然就入左去喇冬陰鮮蝦雲吞湯冬陰湯底配5粒好大嘅雲吞。湯底好易入口，酸味同辣味都岩岩好，唔會太重口味。冬陰湯配雲吞真係好特別，出奇地襯，雲吞大大隻，每一啖都食倒蝦，而且仲好爽口彈牙泰式炸蝦餅個皮炸得好脆，一啲都唔油膩，食落好爽口豬肉生菜包啲肉炒得幾乾身，豬肉有肥有瘦，口感分明。小曼谷泰式煲仔翅同泰國chinatown嘅真係好似，冇得去泰國唯有黎呢度食啦。望落同碗仔翅好似，但食落個湯底好重雞湯味，加埋面頭嘅蟹肉撈埋黎食，每一啖都食倒鮮味。食泰國野梗係要嗌番枝象啤啦，不過除左象啤仲有好多泰式飲品啦