新泰東南亞餐廳

營業中

休息中

今晚約朋友到新泰東南亞餐廳，位於尖沙咀加拿分道25-31號國際商業信貸銀行大廈地下1A號舖及地庫。 餐廳門口就見到有架泰國篤篤車， 店內設計亦很有泰國風格。 主打泰料理，菜式多。 晚餐 ～ 泰式生蝦$118、 肉碎生菜包$88、泰式蝦炒金邊粉$118。 🔸泰式生蝦 ～ 食泰菜又點少得生蝦？肉質厚實爽嫩，蝦味鮮甜，配上泰式醬汁和蒜片，味道一絕 。 🔸肉碎生菜包 ～ 將惹味的肉碎放進生菜裏， 兩者包裹著一起吃，清爽可口。 🔸泰式蝦炒金邊粉 ～ 用蛋網包著金邊粉，賣相精美，金邊粉炒得夠乾身，口感彈牙，甜中帶酸，配上鮮蝦和花生碎，擠點青檸汁，味道層次更豐富。 整體價錢適中，地點方便，菜式味道好。 🏷️溫馨提示～ 整個用餐體驗均屬個人分享意見， 只作參考😊。

佛誕假期留港消費，走到K11附近的泰國餐廳午膳有兩個大象雕塑在門面兩旁，充滿泰國風味設有多個打卡區域，裝飾擺設特地從泰國搜羅更找來本地畫師繪畫了不少色彩繽紛的壁畫沙律泰式生蝦夾著蒜頭及紅椒，肉質新鮮爽口小食蒜蓉越南牛油雞翼外層酥脆，滿滿蒜蓉和牛油香泰式海南雞飯以便當盒呈上，雞肉滑嫩鮮美焗奶油大蝦伊麵麵香十足，口感紮實有勁，賣相吸引午市套餐奉送咖啡或茶，凍飲美式咖啡加$3加$8可改選特飲，龍眼冰爽口清甜，飲完透心涼

同家人喺K11行到肚餓，但商場多連鎖野，價錢又唔平。一行出商場，見到對面馬路有間好大的泰國菜，好多人幫襯。門口已經有濃濃的泰國風味。裡面好大，可以容納好多張枱，所以多客人都唔洗等好耐。餐牌好多選擇，實有野啱食。*泰式生蝦*夠新鮮~點埋醬料好鮮甜！好好食。*鐵板蠔仔炒蛋*一上枱見到份量呆左，超足料超大份，而且好有鑊氣，唔講以為食緊蠔餅，好香脆。蠔的份量好慷慨，大大粒。串燒有牛、雞、豬，香口惹味，上枱好快清哂。*蒜容炒貴妃苗*食返碟菜平衡下，點知都好有驚喜。夠哂蒜味，貴妃苗好爽好新鮮，冇草青味。呢到夠大又好坐，野食多選擇，都幾啱一家人黎食。

收工之後，忽然好想食泰國菜。咁就去最近嘅新泰食喇！😙其實已經第4次嚟呢間鋪食飯，每次都係晚餐時段去。尖沙咀地段嚟講，佢嘅餐牌定價可以話好相宜，而且呢度勝在地方夠大，次次2個人walk in 都即時有位，啱晒我呢啲為食懶人。😝每次嚟都試唔同菜式，今次最有驚喜係個烤雞釀香茅薑黃飯，又香又糯，香料味引到人流水口，而且份量十足。今次就食埋甜品先走，好滿足咁埋單，2個人4道菜1甜品冇飲嘢$56X，服務員好細心，絕對可以有下次啊！

收工後相約朋友黎尖沙咀覓食，經過K11 Art mall見到對面餐廳好有格調，好正宗既泰國菜館feel，所以就黎左呢間新泰東南亞泰國餐廳試試。我們點了多款菜式，其中最令人印象深刻既係鴨肉生菜包。這款鴨肉餡以新鮮既鴨肉和脆生菜包裹而成，配上特製的調味醬汁，香氣四溢，味道香濃。鴨肉經過鹽、胡椒、醋、生薑和蒜頭等調料的醃制，散發出濃郁的香氣，再經過炒製，鴨肉表面煎至金黃色，更加香脆好味。泰式生蝦也非常出色，鮮嫩的生蝦配上酸辣的醬汁，突出了泰式菜品的鮮明特色，非常開胃，我個人去親泰國菜館都一定會點，呢間餐廳既生蝦都不負所望！泰式柚子蝦沙律顧名思義汁調為酸甜泰式風格，沙律裏加入了清甜紅柚子，口感清爽，蝦和魷魚也食得出非常新鮮，整道菜非常醒胃，很適合春夏天當作頭盤。紅咖哩鴨係一道充滿椰香既主菜，鴨肉表皮經烤過更加香，放入甜而帶微辣的咖哩醬汁，整道菜十分濃郁，配飯一流。蕉葉烤鱸魚係一道非常特別既菜式，經過火槍微燒焦蕉葉表面，再巧妙地用上蕉葉蓉蓋上鱸魚身上，再包住塞滿香茅既鱸魚去燒，魚肉更濃郁入味，整道菜食落香濃既不會掩去魚的鮮嫩多汁。最後是番石榴沙冰，口感清爽，回到青澀既初夏一樣，非常適合夏天解暑。

這是我們第二次到這間餐廳，訂了晚上6:00，可能是因為假日繁忙時段，今次有限定時間，入座起計90分鐘，7:20就last order了，食得有點急。炸蝦餅，蝦肉彈牙，又唔太咸肉碎生菜包，賣相麻麻地，生菜有點細塊，味道尚可金邊粉，好好味，又唔乾泰式生蝦，差不多檯檯都叫，我就冇食菠蘿炒飯，呢個一般啦，味道略為淡 燒豬頸肉，燒得岩岩好，肉質又嫩又彈牙 串燒，有齊雞牛豬，我試了雞串，雞肉好嫩有汁青咖喱雞+ 印度酥餅，咖哩裏的雞肉略為太少，只得幾塊，而且酥餅太硬太乾，一點也不鬆脆，這味餸稍為失色冬蔭功，不辣，1-3人飲其實岩岩好芒果糯米飯，必叫，椰汁比較多，$68試吓無妨這間餐廳門口日日排長龍，相信是因為味道好而且價錢合理，室內裝修又靚坐得好舒服，侍應都是泰國人，食物有保證，下次必定會再來

相約朋友晚飯聚舊，揀咗間舒服闊落嘅泰國餐廳慢慢話當年。新泰位置相當方便，一出尖東站行一兩分鐘就到，對於我呢啲路痴嚟講就啱曬啦。我哋好在有book位，七點半左右去到都要等三四枱先可以入座。不過餐廳大門口有個相當闊落嘅等候區，可以俾食客一邊舒服等位一邊閒客家常，喜歡打卡嘅朋友都可以同架督督車打下卡落一層樓梯之後入到餐廳內堂，分為左右兩邊，左邊主要係大枱同包廂，右邊係相對細嘅枱，兩邊都好有泰國特色，一班人定三五知己嚟聚餐都適合。冬陰功首先嚟個冬陰功開下胃先，酸辣適中唔會太搶喉，朋友表示隻大蝦都好鮮甜好好食，如果多隻蝦我會更開心泰式生蝦食泰國嘢點可以唔食泰式生蝦呢，大大隻生蝦配上地道泰式醬汁，鮮甜爽彈。飛天通菜純粹因為個名太型所以叫咗呢個菜，食完都唔知咩叫飛天個菜係好食嘅，唔太油菜夠爽脆，啱餸飯。越式春雞釀香茅黃飯燒春雞釀飯可以一次滿足你三個願望，黃飯吸收咗春雞精華，啖啖雞油香，雞肉唔會過火而變柴，雞髀位置肉質嫩滑。沙律幾清新，如果個走豆苗我哋會更開心珍多冰&咸檸梳打珍多冰味道正常，咸檸梳打略嫌個大咸檸唔夠咸同酸，如可加粒多青檸應該會出眾啲。

每次行過都好多人排隊，今次終於有機會試吓，進餐限時90分鐘～接待處嘅裝飾都好有泰國feel，餐廳地方好大，成個地庫嘅面積，非常旺場👍🏻👍🏻裝修幾靚，有卡位，有包廂，啱晒一大班朋友一齊嚟泰式生蝦($98)呢款生蝦肉質比較軟淋一啲，食落味道不錯，一般生蝦水準泰式青咖喱雞($88) 蒜蓉包($32)青咖哩揀咗雞肉，配菜有泰式茄子、豆角、南瓜等等，食泰式青咖哩當然要配蒜蓉包啦，蒜蓉包香脆，點青咖哩汁一流👍🏻👍🏻馬拉盞通菜($75)份量足夠，蝦乾好大隻，醬汁惹味，送飯都幾正～冬陰功($78)推介冬陰功，唔會太酸食唔到其他味，香茅、南薑香味突出，叫細份2個人可以飲得晒成兜😆越式蟹肉炒粉絲($98)蟹肉味唔算太濃，略嫌調味有點清淡，粉絲炒得唔太乾還算可以珍多冰($38) 芒果沙冰($38)芒果沙冰正常水準，推介珍多冰，非常好飲～甜度適中，椰奶好香～

在Openrice找到這個極力推薦的泰國菜餐廳，翻查資料，這餐廳前身是泰屋，在港經營已20多年了，由泰籍廚師主理，創造更多適合香港人口味的菜式，亦不斷融合創新的菜式，與時代並進我跟朋友有預先訂位，入座前都看到有很多人在門外排隊，而門口有擺放泰國特色的🛺篤篤車。店內環境很寬敞，有獨立卡位🛺篤篤車相信有去過泰國的人都乘搭過了，是泰國經典代表性交通工具，在街上揮揮手就可以截車了，當然要跟司機先談談去目的地價格，有些司機會開天殺價🤑🔸️泰式生蝦🔹️拼盤👍內有蝦餅、魚餅、春卷、肉碎生菜包蝦餅蝦味鮮濃，口感彈牙春卷外皮酥脆，內裏素餡口感豐富平時吃拼盤可能只有一些香脆的炸物但這個拼盤竟然有生菜包🥬🔹️越南烤庶蝦🔹️燒原隻魷魚👍🔹️馬拉盞通菜🔸️咖喱蝦咖喱偏甜及濃稠，有別於以往在泰國餐廳吃的咖喱濃度🔸️印度酥餅👍酥餅香脆，皮酥內嫩層層分明，還帶點奶香味，適合沾上濃郁的咖哩，或單吃已經很好吃了🔹️冬陰功湯 (小)🔹️椰子

▫️新 • 泰東南亞餐廳尖沙咀加拿分道25-31號國際商業信貸銀行大廈地下1A舖及地庫正宗泰菜之夜🍽泰式生蝦炎炎夏日，一口一啖新鮮的冰凍生蝦，是人間樂事。🍽馬拉盞通菜通菜非常有鑊氣，份量也很多，配上蝦米和洋蔥等配料，很有泰式風味。🍽鐵板蠔仔炒蛋金黃色的炒蛋，炸得脆卜卜，賣相非常吸引！餡料內的蠔仔很多，口感非常豐富。🍽燒豬頸肉肉質很有𡁻口，肉汁豐富，肉邊有點燒焦味，配上正宗的泰式醬料令人回味無窮。

今日黎到尖沙咀食飯，平時都見到K11對面擺左架篤篤，今日就去呢間新泰試試佢！啱啱放寛左限聚，明顯入座既人多左，我地兩個人就叫左好幾個菜，包括：泰式生蝦、燒牛柳、燒豬肉串、巴東牛肉、蒜蓉包、椰汁沙冰同埋芒果糯米飯。一上枱既生蝦，外觀唔錯，蝦型算係中等size，有啲餐廳啲生蝦又細隻又少，新泰做得唔錯，配埋蒜頭辣椒同個汁，真係涼浸浸酸酸地又開胃，為之後幾道菜打響頭炮。再黎燒牛柳，成日食泰菜都有燒牛肉沙律，今次第一次嗌，果然唔失望，外觀牛柳偏乾身，食落就juicy，再加上佢大約係6成熟左右，所以牛肉中間係紅紅地同軟身，另外牛柳配有兩個汁，我就最鍾意佢一個好似黑椒汁咁既，食落更加惹味。再黎豬肉串，真係做到泰國街頭燒既感覺，巴東牛肉好味，大大舊牛，個濃汁最啱就係點蒜蓉包，最後就係椰汁沙冰，成舊椰青裝滿沙冰，椰子味十足，最後既小遺憾係食唔到雪糕芒果糯米飯，不過都有芒果糯米飯補數 總算係完美既結局。

而家已經成日喺尖沙咀呢一邊打躉，所以就想發掘下尖沙咀有冇其他新嘅嘢。食上次食完印度菜今次就食東南亞嘅。見到呢一間裝修得幾靚嘅鋪頭，門口仲有大大隻大笨象就入去試吓佢啦。😀都未入到鋪頭門口，姐姐已經好熱情咁同我地介紹有咩嘢食，態度好好。於是我哋就更加想入去試吓啦。值得一讚嘅係佢呢度裝修真係好俾心機，又放咗啲植物同流水牆，擺到好靚。食泰國嘢梗係要嗌返個生蝦做前菜，睇下新唔新鮮先😗😗我又覺得啲生蝦都幾新鮮，差唔多要跳出來咁滯😂同埋佢有一個好聰明嘅做法，就係將啲保鮮紙包住左啲冰，然後嗰張呢就將個保鮮紙挖開咗一個窿，方便點醬。終於到期待左好耐嘅泰式炒金邊粉！好特別啊，面頭有用蛋漿淋上去，整咗一個網。咁食金邊粉之前呢，就要將個網整開。😀而且啲肉鬆放喺飯嘅出邊，要自己撈落去調教自己鍾意嘅味道😚我覺得佢個金邊粉炒得唔錯個蝦同啲金邊粉比例啱啱好，而且啲金邊粉唔會太短太碎，好容易就可以夾上碟，加埋啲蛋絲冇得頂呀😍我鍾意食金邊粉！然後到另一個泰國菜必備嘅菜式，就係菠蘿炒飯。雖然未到夏天，但係佢啲菠蘿都夠晒甜，一啲都唔酸。而且其他配料都落到非常之足夠，腰果，提子乾，青豆，紅蘿蔔，一啲都唔小同飯嘅比例啱啱好，每一