亞萊泰 (黃大仙中心北館) (已搬遷) 新店位置

亞萊泰係一間連鎖街坊泰菜店，全部分店都開喺住宅區，價錢亦係街坊價，但意外地店內裝修同食物賣相一啲都唔街坊，同其他靚裝泰菜店差唔多，但價錢就平好多，人頭二百蚊已經飽到反艇，性價比非常高。亞萊泰有得散叫亦有套餐，除左不設加一，仲有三款超特價菜式，好似$78泰式明爐蒸魚、$40四串泰式串燒同$58肉碎生菜包，兩至四位可點一款，非常抵食。不過見二人餐幾多野食，$318包小食、湯、主菜、蔬菜同甜品，所以最後我地都揀左後者。另外，野飲亦有買一送一。椰汁冰(半價後$15)椰汁味幾重，半價勁抵飲。芒果乳酸特飲(半價後$15)乳酸特飲飲之前記住先攪勻，乳酸味幾重，裡面有幾舊芒果，都幾好飲。泰式小食拼盤小食拼盤包由左至右包括素春卷、炸魚餅、雞肉丸同炸蝦餅，全部炸得香脆唔會成口粉，蘸埋泰式酸甜醬食幾好食。雖然每樣一口一件，但食晒都有啲飽肚。泰式大頭蝦冬陰湯冬陰湯可以分倒四碗，酸辣度啱啱好，幾開胃惹味，裡面除左大頭蝦，仲有秀珍菇同好多香料。泰式海南雞海南雞足有半件，份量好多，雞肉幾滑，碎骨唔多，我最鍾意蘸中間嘅辣醬食。馬拉盞鹹魚炒通菜通菜都係比較嫩，唔會太老太大條，用馬拉盞炒鹹鹹辣辣好惹味。泰式菠蘿海鮮炒飯(

係屋企附近想食平靜正泰國菜 今次就揀左試呢間係黃大仙中心既泰國菜😊 呢到地方都幾大 座位好多 一班人泥都一定有位坐😎佢地除左晚市有8折優惠之外 仲有d好抵食既套餐架 今次我地就試左個2人套餐😋2人套餐已經勁多野食 包括小食 湯 主菜 蔬菜 同甜品😚 小食係拼盤 有齊春卷 蝦餅 魚餅同雞肉餅 好足料香脆蝦餅彈牙👅 湯我地就揀左冬蔭功湯 雖然係細份 但係都有2隻大頭蝦 夠酸辣好開胃😋 主菜有5款可以揀 我地就揀左18吋軍艦咖喱海中寶 上菜勁誇張丫好似我隻手咁長🤩 黃咖哩一d都唔辣 加在法包上好正 入面有魷魚 魚柳 蝦等等 好足料2個人都食唔哂😆 蔬菜方面我地就揀左鹹肉炒通菜 水準出乎的好 唔會太鹹 鹹肉都幾多 菜炒得岩岩好👍🏻 初初唔知夠唔夠食 我哋仲用升級優惠 加左$50就有多個泰式菠蘿海鮮炒飯🍍 用半隻菠蘿殻盛戴好𥄫晴👀 加上好多海鮮喺面 $50真係超級抵食👅 佢哋嘅甜品亦都非常吸引 有4款不同既泰式甜品 最正係椰汁千層糕 口感煙韌 又香椰汁味😚不得不提嘅係佢地既飲品係買一送一㗎😱 我哋就揀咗龍眼冰同埋椰汁珍多冰 味道正常 所以真係真係好抵食🌟

終於都拎到4000蚊，咁就要對自己好d...是日晚餐就一於出街搞店，去左間好多街坊既素國菜餐廳~黃大仙南館（黃大仙街坊表示龍翔中心會清楚d）既亞萊泰menu有2人餐、4人餐，價錢相宜亦都好滿足其實唔岩食都可以選擇散呃，見門口寫住星期一至五都有8折，都幾抵食，不過2人餐已經岩晒我心水，所以2話不說直接order~泰式小食拼盤 （春卷、蝦餅、魚餅、鳳凰卷）~最欣賞就係炸魚餅同蝦餅，好香既香茅味，感覺似係自家手打，大大件，配上泰式酸辣醬，岩晒大小朋友泰人大頭蝦冬陰湯~竟然有3大件蝦，亦有好多秀珍姑，椰味足既，椰酸味夠晒，記得趁熱飲！主菜選擇~泰式脆香盲鰽伴青芒果沙律~主菜係5選1，呢個沙律好特別，先將盲鰽炸過，再拌青芒果手，加上泰式特有醬汁，大力推薦！馬拉盞炒通菜~炒通菜最緊要夠穫氣，呢間完勝，好岩送白飯！泰式菠蘿海鮮炒飯 （加$50）~好夠料，好多蝦同魷魚，菠蘿都甜既，腰果香口，上面再舖上豬肉鬆，同通菜一樣夠穫氣2人餐仲有埋甜品，係傳統既泰式甜品，鐘意椰汁系列既清晒，亦都為呢餐帶黎perfect ending!p.s....免收加一，亦都會主動refill水