Mee...lemongrass (Megabox) (已結業)

星期日既megabox都幾多人🙈 其實係成個九龍灣都好熱鬧，去完啟德出返黎食晚飯，周圍都勁多人有啲嚇親😂 走左入呢間諗住平平地食下。喇沙有一半米粉一半油麵，係微辣偏甜，重椰奶味，鐘意食辣既人應該唔覺得辣😂 濛粉正常發揮，塊豬扒有啲蜜糖甜味☺️ 最後塊蠔餅真係勁大塊😳 通常呢啲蛋餅都係偏油膩，但呢塊有少少太油🙈 蠔仔唔係有好多，但size算大粒。btw店內不斷播韓文歌🤣無骨海南雞喇沙 $84馬來蜜汁炭燒厚切豬扒撈濛 $72泰式蠔仔蛋 $92

MegaBox實在太多唔同嘅食肆，我之前行過呢間餐廳門口好幾次，見到佢個招牌有大大碗龍蝦喇沙，一直都好想試，今日終於嚟咗Mee...Lemongrass試吓佢嘅喇沙。餐牌好多菜式都係圖文並茂，非常清晰。首先必食嘅當然係佢嘅原隻龍蝦喇沙，平時喺出面食一碗喇沙動輒都要起碼$60-$70，但呢度只係$88，就有埋原隻龍蝦，真係平過自己煮啦！大碗麵上放上一隻大龍蝦，簡直無得輸！不過要讚賞嘅唔止係隻龍蝦，而係佢嘅喇沙湯底真係好香甜，而且佢嘅麵底係用上油麵同米粉，唔係間間餐廳做嘅喇沙都會咁正宗用上混合麵底，所以我諗唔到有咩理由唔食呢一個龍蝦喇沙。原隻龍蝦肉質超彈牙！🦞🦞🦞蔗蝦係越南菜中其中一道較著名的菜式，所以我就點了蔗蝦，蔗蝦總共有三件，而且仲配搭埋越南另一菜式濱海，蔗蝦嘅蝦肉爽口彈牙，帶點蔗汁嘅清香，非常惹味！泰式蠔餅主要就係用蛋包住蠔仔半煎炸，再加入蔥花、芽菜等一齊食。每次食泰國菜，我一定要食芒果糯米飯，呢度嘅芒果糯米飯隻碟好得意，係一隻拖鞋型嘅器皿，芒果糯米飯有四小件，另外再有芒果粒同埋有一兜椰汁，我覺得呢度嘅芒果糯米飯嘅特別之處就係佢上面會灑上花生碎，所以食起嚟特別香口。餐廳仲有自家製類

係Megabox成日都要諗食咩，感覺上野食不多，見到依間東南亞菜就入左去食🤣-🤍招牌無骨海南雞飯 $82🤍泰式蠔仔蛋 $92🤍椰汁千層糕 $28🤍海鹽芝士奶蓋四季春 $27🤍海鹽芝士奶蓋茉莉綠茶 $23✨另設加一-🤍招牌無骨海南雞飯⭐️⭐️⭐️⭐️份量較小，不過海南雞好滑、肉嫩，配菜有菜心、油雞飯、湯，大食既可以另叫多碗$18既油雞飯。/🤍泰式蠔仔蛋/🤍椰汁千層糕⭐️⭐️⭐️我之前整個陣，我落成包糖都係淡味小小不過我就覺得岩岩好，因為我唔中意食太甜，而依個就算正常甜度，不過不得不讚拎岀黎個陣係熱辣辣的😍亦有煙韌口感。-環境：7/10服務：7/10好味指數：7/10回頭率：7/10

去MegaBox睇完戲，同層都唔少好嘢食。今日就揀咗價格比較相宜嘅Mee...lemongrass星馬菜餐廳。招牌無骨海南雞飯整份套餐包括招牌無骨海南雞、油菜、豬骨湯同油飯。份量都好足夠。雞好軟滑、配埋蘿蔔絲同青瓜片食，非常之清新。豬骨湯亦好鮮甜。泰式蠔仔蛋鐵板上嘅蠔仔煎蛋，底下有芽菜，所以蠔仔煎蛋唔會喺鐵板上繼續燒到燶哂。蠔仔比例都算多，每一啖都食到蠔仔，而且仲好肥美新鮮。椰汁千層糕甜品叫咗椰汁千層糕，睇隻顏色，應該係有班蘭嘅。千層糕口感煙韌美味，好掂。最後飲埋草莓芝芝冰茶同十勝紅豆泰・奶茶。草莓芝芝冰茶草莓味濃，芝士奶蓋香濃。十勝紅豆泰・奶茶，十勝紅豆好甜好好味，奶茶幼滑香濃。餐廳用咗出而飲品鋪用嘅杯，飲唔哂仲可以拎埋走，夠哂方便。

之前成日去「Mee...lemongrass」食lunch， 不過轉左公司之後就無再去啦！😟 去開Megabox睇戲， 發現原來開左新分店係到，太好了！👏🏻😎 必食MEE...喇沙（$72） $72係一個套餐，已包括沙律、甜品和飲品： 是日沙律為辣味魷魚沙律， 魷魚微辣爽彈，幾開胃！😌 喇沙內有大蝦、蜆肉、蟹柳、魚蛋、豆卜和雞蛋，材料豐富～😍 喇沙湯底椰香味十足，幾惹味～ 魚蛋爽口彈牙， 蟹柳是日本貨色，不會容易散開，口感不錯！ 兩隻鮮蝦大大隻，肉質都算彈牙鮮甜， 豆卜吸晒湯底的精華，正！😋 麵底採用大馬正宗的「摻摻」做法，即係米粉撈油麵， 米粉盡吸湯汁，加上爽口滑嘟嘟嘅油麵， 每一啖有齊粗幼軟韌不同口感，層次感十足！😏 甜品為芒果奶凍， 雖然芒果味不夠濃郁，但勝在夠香滑！ 招牌無骨海南雞飯（$72） 菜心嫩綠爽脆， 平時出街食飯好少有機會食到菜， 呢到真係健康又貼心！😌 海南雞例牌都有6、7件，份量十足！😎 雞件全部脫了骨，食落啖啖肉，食得方便！ 雞肉嫩滑得很，雞皮爽口而不膩，正！😋 雞件還可蘸上旁邊嘅醬汁：辣醬、甜豉油一起吃，更添惹味！ 不過如果有埋薑蓉就更

今日收工經過MegaBox見到開左間少有喇沙專門店，於是同朋友一齊去試吓啦！餐廳門口好光猛 四周以木與葉色調為主 睇落好乾淨整齊 初頭以為佢得馬來西亞嘢食 原來星馬泰嘅嘢食都集合於一身 有新加坡肉骨茶、馬來喇沙、泰國串燒、明爐烤魚⋯我同朋友揀野食都揀左好耐最終揀左 Mee..喇沙 、泰式蠔仔蛋、香葉蝦仁米紙卷 同椰汁千層糕，野飲就選左泰國豆奶紫米冰。叫左冇耐 唔使15分鐘即刻有野食 （可能因為我地九點後先去 比較少人）第一碟係香葉蝦仁米紙卷。上到枱先知原來好大份 蝦仁大大隻 ，上面加上炸蒜蓉 ，非常有咬口，配搭魚露果然一流 當前茶食非常開胃 ，但係唔識得辣嘅記得撥走啲辣椒🌶️第二碟係泰式蠔仔蛋 ，坦言一開始以為係蝦仁炒蛋嘅煮法 ，原來係台灣蚵仔煎既朋友 啖啖都係蠔仔肉 ，非常足料 ，佢搭既醬汁都好食 ，但我試點魚露原來都唔差 亦都好大份第三樣係主角 Mee...喇沙 其實係海鮮喇沙 最欣賞係佢摻摻（米粉加油麵）做麵底 夠哂地道 海鮮夠足料 ，有大蝦 、魷魚、 蟹棒 、蜆 、魚蛋 、豆卜 ，仲有特製醬料 ，撈勻一齊食好味。最令人回味係個湯底 ，非常濃郁 ，味道除左椰奶味外 ，咸香十足 ，忍

放工後去九龍灣Megabox行街，行行下見到呢間餐廳寫住馬來喇沙海南雞專門店,兩樣都係我好鍾意食既菜式!門口有大大個餐牌圖文並茂介紹各種推介菜式。餐廳裝潢簡潔，燈光光猛，感覺開揚，座位寛敞舒適。服務員好友善咁介紹推介菜式，天氣凍仲好細心咁奉上暖水，讚！碗底是很特別的公雞圖案，餐紙好生動咁介紹每間分店位置～餐牌每頁都有相片，設計生動又可愛。香葉辣椒豬肉碎配白飯HK$68炒肉碎雖平凡但炒得惹味香口，香噴噴熱辣辣，十分夠鑊氣，濃郁的香葉味道帶些辣勁，加上流黃的荷包蛋，賣相一流，拌飯一流，十分開胃！無骨海南雞喇沙HK$78喇沙湯底香濃鮮甜富椰香，賣相吸引，麵底是米粉混合油麵，掛湯能力佳，爽口又煙韌，豆卜吸滿濃郁喇沙湯底，十分惹味！無骨海南雞另上，拌碟有咸香花生及少量酸菜，海南雞皮爽肉滑、肉質嫩滑，不粗不嚡！份量頗多，無骨啖啖肉好正！泰式蠔仔蛋HK$78第一次食泰式蠔仔蛋，點知就一試愛上！用鐵板上菜保持剛炸起的熱度，蠔仔飽滿，份量超多，無腥味好鮮甜！點埋附送辣醬，令整體味道再提升，口感一流！椰汁千層糕HK$28/4件玫瑰花造型的千層糕口感超煙韌甜美，蒸熱了是意想不到的煙韌美味！香濃椰奶配班蘭，兩