泰COOL (鴻圖道) (已結業)

觀塘 lunch 多餐廳多選擇，但人更多。堂食就睇食評搵食，不過真係唔係間間可以做外賣，有時啲外賣搞到啲飯林晒，啲餸又變得唔好食，份量又爭咁啲。呢間豬手飯唔係特別出色，不過叫做份量夠勁，質素又有返少少，最緊要外賣keep 到水準。直接去圖 泰式豬手飯 ！58

泰式豬手飯 $58好多人去呢度都係食金邊粉或者炒飯或者海南雞飯，我想講，佢個豬手飯都一樣好好食㗎！每次去呢度我都係叫豬手飯，首先佢個份量真係好慷慨～豬手多到唔食飯都會飽（我），豬手好入味夠曬鹹香，肉唔會超淋keep得住個口感，最正係個醬汁，用來撈飯剛剛好！口痕的話可以加$5叫多2條春卷，呢個價錢算係咁，視覺上都睇到佢好酥脆，亦唔太油膩，呢個價錢呢個份量，絕對係可以做飯堂啦～～ 

今日星期日食下午茶餐，見這間泰式餐廳下午茶好抵食！環境舒適寬敞，以簡約設計的風格又整齊乾淨的環境，這邊有2部大電視播放節目；服務有禮友善，勤快的服務！樓下餐牌有好抵食下午茶，更有不同款式，選擇多又幾抵食！下午茶餐：泰式豬手飯豬手膠質很重又香口，豬手皮香又軟軟口感，入味豬手豬皮；豬手肉好香軟好滑又易咬；青瓜大片又清爽清熱多汁；白飯份量好多，配上豬手醬汁及另配上的酸辣醬汁！春卷加$6有春卷小食，外脆內餡是肉類，唔乾身的！雞絲扎肉湯河湯河幾大碗，湯底不會太咸，河粉軟滑幼身，雞絲多塊但硬了點、扎肉香口彈牙美味，更配有入味甜美蘿蔔、芽菜、炸蒜片等凍檸茶冰凍大杯的檸茶，有3片新鮮檸檬！