吉寸 (已結業)

每樣嘢食既質素都唔錯～好味道👍🏻👍🏻😋尤其係牛舌～😍勁勁勁正，諗得來又爽!!另外，我仲好鍾意食白鱔、蝦醬燒豬頸肉、芝士年糕。必點😋除咗串燒之外，仲有飯或者烏冬（唔洗驚食唔飽😂）。我試過鰻魚飯同芝士咖喱牛肉烏冬，唔錯唔錯👍🏻價錢來講合理，串燒大部份$15-$20，晚市嘅飯同烏冬都只係$50+🌟溫馨提示1：店舖唔大，食晚餐記得打電話留位，如果唔係有排等🙈🌟溫馨提示2: 上菜速度唔快，建議第一次落單叫多啲，第二次都盡早叫。

平時都有唔少機會去到深水埗食嘢，但係就從來都唔知道有呢一間串燒小店我感覺餐廳嘅裝修都幾簡潔，環境氣氛都幾適合同幾個好朋友坐埋一齊傾吓計，relax下。串燒選擇都算齊全，基本上想食嘅都有，甚至乎有d特別款嘅小食——流心芝士大啡菇 呢一晚我哋兩個一共叫咗大概十幾款串燒，整體嚟講我地都好滿意，而當中有幾款我自己係特別鍾意嘅芝士年糕真係做到外脆內軟，年糕燒到外層薄脆，裡面又熱又軟，雖然睇唔到有芝士餡，但係食落去的而且確係有幾香嘅芝士味，大概係因為年糕同芝士二合為一了燒玉子四粒燒玉子，原來每一粒都係有層次嘅，可以咬開一層一層咁食😆加上外層有d甜甜地嘅感覺，我好鐘意燒生蠔雖然唔係話好大隻好肥美嗰種生蠔，但係佢的而且確係好新鮮多汁，而且蒜蓉嘅份量都比得好充足，啱晒我胃口‼️汁燒大京葱 & 韮菜‼️大京葱同埋韮菜都非常新鮮爽口(呢兩款串燒係我覺得最正嘅!!) 食到”shok shok”聲，而且仲好多汁，我諗如果唔係食材本身咁新鮮，都做唔到呢個效果‼️的確有驚喜

「吉寸」呢個名簡單直接，一睇就知係同串燒有關。要嚮呢個串燒店開到成行成市嘅地方，想突圍而出，真係少啲特色都唔得。而呢間串燒店最大嘅賣點就係「平民」同埋「即燒」。今日就一次過點咗9款野食，逐一同大家介紹下。豬頸肉爽口嫩滑，加埋惹味嘅燒汁，味道更上一層樓！五花腩嫩滑多汁，厚度啱啱好，入口即溶，燒汁帶少少嘅甜味，調味掌握得好好。本身佢嘅肥膩感應該都幾重，但多得京蔥嚮中間隔住，成功發揮到清膩嘅效果，整體感覺好一致～雞翼調味恰當，表皮金黃香脆，內層嫩滑多汁，已經諗唔到可以挑剔啲咩～茄子比較細條肉少，但調味就幾濃郁，仲可以食到茄子淡淡嘅清甜～生蝦唔算話好大隻，食落幾有肉感，最緊要係夠新鮮，配埋惹味嘅泰式辣醬，食多幾隻都唔夠喉～呢幾塊牛舌厚身得嚟，有肉感之餘，仲好爽口，而且嫩滑多汁，完全唔會乾嚡，真係好少可食到咁高質嘅串燒牛舌～勁大隻嘅啡菇，食落肉感好正同埋好水嫩，最緊要係完全無草青味，淡淡嘅菇香加上滿滿嘅芝士同埋流心蛋，夠哂滋味！菠蘿經過燒烤之後，果肉變得更加軟熟，一大啖咬落去，鮮甜嘅果汁嚮口腔入面迴盪，甜而不漏，最啱就係嚮食完膩嘅食物之後，清一清味蕾～經過一夜干之後，魷魚嘅質感明顯地比一般嘅鮮魷