川火堂

營業中

休息中

想食正宗川菜烤魚，可以嚟試吓銅鑼灣呢間〖川火堂〗。呢度舖仔細細，不過唔會坐得唔舒服。𝕄𝔼ℕ𝕌上面睇落都唔算好多嘢揀，食完之後我覺得係勝在出品質素高！起碼以後我想食烤魚或者乾鍋都會諗起佢😋🐟萬州烤魚 $𝟚𝟚𝟠✰【血旺肥腸烤魚 / 酸菜豆腐清花椒烤魚】兩種選擇。✰可以揀【唔辣 / 小辣 / 中辣 / 大辣】🌶️✰配菜有十幾款選擇，每款$𝟙𝟠/$𝟛𝟠。✰我哋食血旺肥腸烤魚，條魚都幾大條，夠厚身又少骨，魚皮炸香咗再煲滾食落入味好香口，魚肉亦都鮮嫩😋 真心推薦！🍲麻辣香鍋 $𝟛𝟚✰即係乾鍋，以辣椒、紅油、各種香料乾炒，有【川式香辣 / 秘製醬香】兩種選擇。✰可以揀【唔辣 / 小辣 / 中辣 / 大辣】🌶️✰配菜有十八款選擇，每款$𝟚𝟠/$𝟜𝟠，至少選擇𝟝款。✰我哋揀咗川式香辣味，配菜揀土豆片、蓮藕、豆腐乾、嫩牛肉、午餐肉。✰炒得夠乾身又香麻👍🏻🐓流沙香辣雞脆骨 $𝟙𝟚𝟠✰以類似辣子雞嘅做法辣炒雞軟骨，香脆入口餸酒一流👍🏻✰有𝟞粒好似炸墨丸嘅物體，咬落去原來係炸芝麻湯丸😍 炸完再辣炒味道好新穎幾好味😋🌶️乾煸四季豆 $𝟟𝟚✰炒得夠乾身夠火喉，唔會覺得油膩，四季豆幼嫩，脆度適中👍🏻🍞黃金小饅頭 $𝟜𝟠✰一

辣呢樣野，係追求快感，追求刺激，就好似榴槤、臭豆腐咁，好兩極，有D人未必會欣賞，會完全掂都唔掂，但有D人極度狂熱，鍾意既會情不自禁，難以抗拒。尤其對住川式麻辣，我真係無辦法控制。👇🏻📌招 牌 必 點 -▪️ 膠 原 脆 皮 豬 手 - $128 ▫️ 第一道菜必試人氣推介「膠原脆皮豬手」，聽staff講呢樣絕對係功夫菜之一，事關工序繁複，又要先蒸後炸再調味，極花時間。外層炸到脆卜卜，裡面肉質相當嫩滑，而且滿滿既骨膠原，真係好滿足，連埋d辣油真係過足口癮。📌蔬 菜 之 選 - ▪️ 大 碗 花 菜 - $82▫️ 要將辣汁發揮到極緻，點可能無返個「大碗花菜」呢？椰菜花吸收哂辣汁精華，份外濃香；而旁邊仲有D辣椒乾，加埋炸過既五花腩，送兩碗飯都仲得。📌地 方 江 湖 菜 - ▪️ 流 沙 香 辣 雞 脆 骨 - $128▫️ 以干鍋形式既「流沙香辣雞脆骨」亦有驚喜，用鐵鍋賣相一流，雞脆骨啖啖爽口，而且用花椒爆炒過，夠哂鑊氣；而亮點之一就係個炸湯圓，面頭湯圓皮經油炸過，口感煙煙韌韌，裡面係芝麻餡，一鹹一甜估唔到係咁咁夾，呢個一定要試！📌小 吃 甜 品 - ▪️ 熊 貓 冰 粉 - $32▫️ 最後甜品又幾盞鬼

呢間餐廳新開冇幾耐，主打四川菜，有香鍋、烤魚、水煮牛肉等選擇，午市仲有提供套餐，包白飯同嘢飲，幾抵食～▪️麻辣香鍋可以揀川式香辣，或者秘製醬香，揀咗後者，所以唔會話好辣。另外配菜至少要5款，最後揀咗嫩牛肉🐮、魚豆腐、茄子🍆、四季豆🫛、萵筍，全部都好入味▪️無骨口水雞🐔午市套餐都好大份，有好多件雞，而且無骨，食落啖啖肉▪️金湯酸菜魚🐟入面有好多魚塊，食落嫩滑。配料除咗酸菜，仲有芽菜、萵筍、寬粉等。而且酸辣度啱啱好，唔會過酸過辣▪️麻辣水煮魚🐟可以揀辣度，雖然揀咗少辣，但食落都充滿麻香。魚塊同樣嫩滑，配料有芽菜、萵筍、寬粉之外，仲有豬紅，都幾豐富▪️流沙香辣雞脆骨🐔雞脆骨好香脆，辣辣哋，幾惹味。另外原來流沙係指炸芝麻湯圓，一咬開啲芝麻餡就流出嚟，好特別▪️燒椒金色皮蛋🥚皮蛋冇腥味或者苦澀味，配埋面頭燒過嘅辣椒，幾夾▪️蔥油煎餅🫓煎餅煎到金黃色，外面脆脆哋，食落就好軟熟，而且蔥油味好香▪️手工紅糖糍粑糍粑煙煙韌韌，好有咬口，配埋黃豆粉同紅糖，甜度啱啱好▪️熊貓冰粉🥣造型可愛，面頭有一粒熊貓棉花糖，另外仲有花生、南瓜籽、提子乾等配搭冰粉，食落清涼，好適合解辣川火堂📍銅鑼灣駱克道401-403號榮華商業大廈地下B

#搞串個pantry最近身邊好多人都食川菜🌶️，水煮乜乜、烤魚🐟等等，睇到非常吸引流晒口水🤤！今次就搵咗間近#銅鑼灣 嘅一間新開川菜小館，試吓佢哋嘅四川菜啦😍。舖頭細細間，裝修非常簡潔新淨🤩，坐得非常舒服。今次我哋就嗌咗🟠金湯酸菜魚($218)、🟡流沙香辣雞脆骨($128)、🔴乾煸四季豆($72)。🐟金湯酸菜魚呢個酸菜魚嘅份量非常多🤤，真係好多，勁多嚿魚肉，夠四個人share！除咗有魚之外，仲有水晶粉、芽菜、萵筍🤩。我哋覺得酸菜魚一定要夠酸，而呢個酸菜魚就做到啦，個湯底酸味足夠，辣到剛剛好🌶️。魚嘅肉質食落好嫩滑，水晶粉承諾口感非常煙韌，萵筍爽脆鮮甜😝。🐔流沙香辣雞脆骨份量又係勁多！一大盤雞軟骨🐤加炸芝麻湯圓，仲有勁多乾辣椒🌶️！呢味餸真係非常惹味，雞軟骨炸到好脆口🔥，同時，芝麻湯圓又比到一種好軟糯嘅口感，好特別！同埋，食完辣嘢之後，再食一粒甜嘅芝麻湯圓，令到粒芝麻湯圓變到更好食更甜😋。🌱乾煸四季豆呢個四季豆辣度相對無咁辣，除咗有四季豆，入面仲有肉碎🐷。咸度同埋辣度都🤤適中，四季豆炒到剛剛好，食落去仲係juicy！有個令人驚喜🤩嘅位係，呢度嘅白飯煲得好好食，好夾啲辣嘢。食完啲辣嘢，再送一啖白

餐廳：川火堂地點：銅鑼灣駱克道菜式：川菜餐牌：有主打特色菜，涼菜，主廚推薦菜，家常江湖菜，地道小吃與主食，飲品。麻辣水煮魚 $228 另加一麻辣水煮魚大大碗，魚片連皮，非常滑溜無骨，正！配有爽脆鴨血，芽菜同蒿筍，口感倍加爽脆。寬粉好滑溜又煙韌，吸左辣油好惹味。調味料有辣椒，花椒，白芝麻粒同蔥花，叫左最低辣度，都好辣，辣到流鼻水。面頭加上芫荽。流沙香辣雞脆骨 $128 另加一雞脆骨炸得又香又脆，鹹香十足，居然配有大大粒黑芝麻餡湯丸，好驚喜，炸得好煙韌，味道甜中帶鹹。調味料有大量辣椒，花椒，白芝麻粒同蔥花，呢個辣度較溫和。仲加左花生米，炒完少少淋。大碗花菜 $82 另加一花椰菜同豬腩片一起炒，味道鹹度適中，伴有蔥段同蒜頭一起炒。小食免費小食係炸黃豆，好香口。白米飯 $10 另加一白米飯大大碗，辣野餸飯一流。汽水 $15 另加一汽水有零系可樂，忌廉梳打，雪碧等等。夠凍，仲有膠飲管。今餐食物幾好，兩大一小全部食飽。服務員態度殷勤。餐廳座位舒適，裝修唔錯。