千杯串居酒屋

營業中

休息中

今日嚟元朗見到呢間充滿日式裝潢嘅居酒屋 見到啲人喺餐廳室外bar枱啤緊好chill🍻室內裝修又好靚 淡淡黃光配埋微薰嘅格調 好有feel 又唔算太多人 就決定入去歎下😚見到餐牌好多選擇 有多款串燒、刺身、定食、拉麵、特式飲品、甜品 幾正！海之幸海鮮拼盤 $278一場嚟到梗係要試下佢嘅人氣串燒推介 拼盤有兩隻燒扇貝、燒原條火箭魷魚、燒虎蝦，同埋燒鮑魚 好豐富🤩一上枱已經聞到好重嘅蒜香味～兩隻燒扇貝大大粒又新鮮 好多蒜粒喺上面 肉質厚實細嫩👍🏻 燒原條火箭魷魚份量幾多 口感煙韌又彈牙 配埋燒汁幾惹味 唔會太咸👍🏻魷魚鬚好香脆🤤燒虎蝦好鮮甜 鮑魚爽口彈牙～ 滑蛋蒲燒鰻魚飯 $98 份量十足 好足料 好大條厚身鰻魚同好多滑蛋紫菜👍🏻 鰻魚細嫩肉滑 無泥腥味 配埋烤鰻醬汁好濃厚惹味 加上採用日本蛋夠軟滑香濃🤤 Sapporo 啤酒(大) $78嚟居酒屋啱晒配返杯啤酒🍻🤟原來依家3-6點前離座，生啤買一送一，主餐牌一律85折添！下次再嚟試下😋

黎到居酒屋唔一定飲酒，收工後簡簡單單食下燒物，同（唔多飲酒）朋友吹下水都係小確幸。點咗人氣推介嘅海之幸海鮮拼盤，好豐盛，有燒扇貝、原條火箭魷魚、虎蝦同鮑魚。扇貝好肥滿，好正嘅蒜香。原條火箭魷魚仲大過我隻手，燒汁甜甜地令人一口接一口。鮑魚爽口彈牙。主食都有唔同選擇，有拉麵、冷麵同丼飯。朋友話食完燒物，要過下冷河，食返冷食，就點咗和風魚生冷麵。三文魚、墨魚絲同蟹籽令冷麵口感豐富。我就點咗雞白湯火焰牛拖羅拉麵。雞白湯濃郁而不鹹。火焰牛拖羅半生熟，呈現誘人嘅粉紅色，如果想熟啲，可以浸落個湯度耐啲。火焰牛拖羅牛味濃。糖心蛋都十分合格。以果汁同抹茶代酒，Cheers！

元朗站📍千杯串居酒屋-雖然今個禮拜既Monday唔blue，不過Tuesday 都blue blue地，去食返串串燒平均下心理😂海之幸海鮮拼盤（$278）呢個海鮮拼盤有燒扇貝（2隻）、原條火箭魷魚🦑、鮑魚同虎蝦。扇貝重蒜夠重口味，大大粒😋火箭魷魚都幾多片，配埋照燒汁一流👍🏻磯燒鮑魚唔算好大隻，不過燒得好入味，幾有嚼勁。虎蝦大大隻，肉質彈牙。雞白湯火焰牛拖羅拉麵（$82）一上枱見到個兩片牛拖羅已經流晒口水！好嫩未熟得晒，5成左右，肉質鮮甜，重牛味。湯底相對上較清淡，不過幾清甜，仲有半隻溏心蛋😼食完都幾滿足。環境方面，餐廳裝修真係幾有日本居酒屋style，餐廳有室內、外既座位，如果天口涼d坐出面都幾好feel。淡淡黃光配上微薰既格調，同朋友黎飲返杯都係唔錯既選擇，可惜今日揸左車😹

元朗出晒名多好嘢食😋今日就嚟到元朗安寧路呢間充滿日式裝潢嘅千杯串居酒屋，我諗大部份香港人都同我一樣，難以忘懷日本嘅味道…今日咁忙都冇時間食嘢，個肚打晒鼓啦😂所以一口氣叫咗沙律、人氣海鮮拼盤、串燒、雞翼、拖羅飯、雞泡魚干…樣樣都係賣飛佛😚海之幸海鮮拼盤$278 🦑拼盤包括原條火箭魷魚，磯燒鮑魚，2隻扇貝，虎蝦，淨係聞下已覺香噴噴🤤扇貝新鮮又夠大隻，配搭醬汁更覺鮮甜鮑魚燒得夠乾身，口感煙韌又彈牙，咸度適中 魷魚好出色，魚身雪白漲卜卜，好新鮮，而且燒得剛剛好，唔會韌又保留到魷魚鮮味，讚👍🏻虎蝦肉質雪白爽脆，好想食多隻😂雞全翼（手羽先） $28/隻金黃色脆皮包住Juicy肉汁，仲要淋上厚厚蜜糖，真係好有驚喜呀😋其實原隻雞翼係好難燒得均勻，通常乾身個翼尖就乾晒，呢度保留到翼尖仍然係脆皮但唔會燶邊，技術一流👍🏻和牛串 $38 牛舌串$38和牛串有4塊，燒得好腍身，脂肪分佈平均，一咬就溶喺口🤤牛舌串有3塊， 好有牛味而且一啲都唔韌，啱晒配啤酒🍻雞泡魚干 $48🐡好香口而且燒得軟腍腍，陣陣炭燒香好惹味軟殼蟹沙律 $68🥗原隻軟殼蟹炸到金黃色，炸粉好脆而且蟹身好Juicy 又軟棉棉，配埋沙律食減低油膩感