隨心 (已搬遷) 新店位置

出開鰂魚涌「隨心」地行一間新加坡餐廳，一坐低就嗌咗個招牌嘅隨心海南雞飯，貼心地已經去骨，雞肉非常嫩滑，個人最鍾意嘅甜豉油，蒜油同辣椒醬等我哋可以按個人口味調整，而且仲送埋有個湯添soup🍲小食就嗌咗個新加坡炒蘿蔔糕，份量比想像中大，而且非常惹味，蘿蔔糕外脆內嫩，味道十分豐富，有小小小小辣，我同個friend都食唔停口~另外仲叫咗個海南雞喇沙，湯底嘅味道非常濃郁，有好香嘅椰子味同咖哩味，亦都非常鮮甜，配料有豆芽同豆卜，米粉份量亦非常十足，食完之後成個人都暖曬🍜飲品方面我哋叫咗個檸檬薏米水同金桔檸檬，薏米水仲要係低糖版本，小小甜非常解渴，薏米煙煙靭靭咁，好似健康版嘅台式飲品咁XD，金桔檸檬嘅金桔味有少少重，亦都冇出面嗰啲咁甜，大推大推！🤤

🇭🇰 隨心·鰂魚涌啲餐廳好多都好早閂門 所以我哋有陣時太夜都會黎呢間 佢好多嘢食都好好食 今次我哋終於食到上次食唔到嘅海南雞😋·海南雞喇沙$80呢個我地第一次黎既時候賣曬 第二次黎終於食到😌佢個海南雞真係超滑 雞味好濃 而且佢係超貼心咁起曬骨 食得超方便😙😙之後佢個喇沙湯底都做得好好 惹味得黎唔會太搶 而且佢呢度個麵底係用米粉加瀨粉既 口感豐富D 我自己幾中意😎😎·📍鰂魚涌海光街12號地舖

下午茶2點開始，叫咗海南雞喇沙，麵底係瀨粉加米粉。伴菜有豆卜、芽菜同小棠菜。麵底份量適中，個菜就硬咗少少。海南雞無特別，正常，湯底係ok嘅，有椰香味，唔太杰，合格有餘。不過下午茶都要$58就有點⋯⋯

係香港真係難得搵到間好食嘅星馬菜，見依間都幾多推介，一於試下佢！一打開menu選擇都幾多，而且價錢都算幾平。黎之前已經諗住一定要食喇沙，款式都多。最後嗌左海南雞喇沙！海南雞好滑，喇沙麵底係米粉同瀨粉，配搭幾新穎！但口感幾好，一個爽口一個軟身。湯底夠哂濃，椰香味道重！正。另外仲叫左個新加坡肉骨茶，香港真係冇乜機會試到肉骨茶，入面有白胡椒、大蒜、冬瓜同白蘿蔔！胡椒味好勁！撈埋飯食應該會仲正。最後仲叫咗個黑蘿蔔糕，之前有個新加坡個朋友都有特登介紹依道菜俾我話係必試！用左黑甜醬油去炒，食落甜甜鹹鹹咁好得意，有別於普通炒蘿蔔糕，幾正！總括黎講依間都無令我失望，終於搵到地方食星馬菜！

前幾日接朋友放工，她表示想在鰂魚涌附近食一些星馬菜，想起暑假時與媽媽食過一間質素不錯的餐廳，就再黎重拾一番～——————————🔹黑蘿蔔糕 $48上次食完黑蘿蔔糕念念不忘，今次難得嚟到梗係再叫，果然真材實料，有好濃的黑醬油香味，醬汁掛滿每嚿蘿蔔糕表面，惹味非常～🔸新加坡炒貴刁 $78這個新加坡炒貴刁選用傳統正宗的「掺掺」，即是用河粉及油麵混合配搭，裏面有大大隻蝦、魷魚、魚片等，炒得很有鑊氣，朋友都讚冇介紹錯☺️🔹海南雞喇沙 $80上次媽媽就不太喜歡喇沙的味道，所以就沒有叫～ 今次朋友就想試下，配搭海南雞。這個喇沙非常濃郁，豆腐卜吸盡湯底的精華，一咬爆晒湯汁，還帶點椰香味，正！相反海南雞就有點失色，雞肉不算嫩滑，欠缺雞味，還有點兒凍，感覺切完後放了要一段時間～不過三種醬料甜酸辣，非常醒胃！

今晚突如其來想食新加坡菜，所以今晚就好隨心咁嚟到《隨心》啦，呢幅獅子噴水嘅畫像非常像真，好有獅城風味嚟到呢度梗係要試吓最有代表性嘅新加坡菜喇沙啦，隨心就加咗唔少椰汁椰汁，所以顏色會有點奶黃色麵就係由米粉同米線混合而成，所以口感會更加豐富海南雞雖然唔係雞脾位，但估唔到可以咁滑溜咁健康既我就更係要叫返碟菜啦，仲加埋豬頸肉一齊煮添最後仲叫左杯超級解渴又健康既薏米水，加埋檸檬一齊飲又幾清新，呢杯仲要係低糖架

幾星期前一訪隨心，對此家的喇沙念念不忘。近來都在上晚間課，不吃飽，怎能上課呢。再來，吃一碗喇沙。還是下午茶時段，價錢相對是打了八折。有輕量的喇沙，咖央多士，小食等。情有獨鍾的，海南雞喇沙。海南雞已去骨，再排列整齊呈上。雞肉不DRY不柴，處理得宜，夠滑嫩。雞皮能輕易脫掉，對吃雞不吃雞皮的人，的確很方便，不用糾結在剝雞皮上。吃雞，有四味：原味，咸味，薑味，辣味，從淡味入口，各有風味，個人還是喜愛原味的簡單。傳說中的，華，人，喇，沙。原來即是咖哩喇沙／亞摻喇沙。吃一頓飯，的確長知識了。很欣賞那藍花瓷碗，美觀優雅。可見餐廳也著重餐桌的細節。湯底椰奶味濃郁，不油膩，多呷幾口也不邪惡。幼身的米粉混合了通透的米線，口感更多元。一碗喇沙又怎能輕易滿足？多點了一份小食，煎墨魚餅。墨魚餅金黃誘人，彈牙鮮甜。熱生薑茶應該是熱生薑水才對，底部有幾片薑及蜜糖，記得要攪拌呢。

這天要到北角上課，所以來到這間“隨心”。Lunch set大概70-80元一個，價錢中規中矩。我點了一個海南鷄喇沙，配一杯檸檬茶。餐廳上菜好快，幾分鐘後已陸續上齊。喇沙湯底非常重椰香味，充滿咖喱香之餘又不怎麽辣；黃麵和米粉配搭得很好，口感軟硬適中；加上豆卜、芽菜和小棠菜，整體感覺不算油膩。至於海南鷄則分開上，鷄肉嫩滑，沒有肥膏，點上醬料一起吃味道很好；又可以浸到湯裏面吃，冷熱交融，吃起來令人停不住口。而且整體分量頗多，像我胃口比較大都吃不完，所以非常抵吃。唯一美中不足的是，侍應見你吃完就立刻催促交枱，同事說因爲這餐廳比較受上班族歡迎，而且平日最好1點前到，因爲一定很多人等位。果然，我們12：30到這裏時，人還不算多，吃完也才不過1點，走的時候看見外面已經大排長龍。

莫非在鰂魚涌上班的人和附近的居民對東南亞美食例如喇沙，海南雞特別情有獨鍾？何解越來越多這類餐廳選擇在鰂魚涌開業？雖然我們今晚來這間餐廳已經開咗一段時間，不過見到好多人幫襯咁都要試吓。餐廳頗大，樓底夠高，兩個相連舖位夠霸氣。餐牌圖片精美，食物都幾多選擇。點了喇沙，炒貴刁，胡椒魚和蘿蔔糕。我們叫的是海南雞喇沙，雞和湯是分開上，粉底選用米粉及瀨粉。海南雞是去骨的，肉質鮮嫩滑溜，有功架湯底味道夠香濃，雖然味道層次唔及其他幾家多，但絕對係上佳之作係馬來西亞旅遊時很喜歡吃炒粿條，係香港就叫炒貴刁，而且大多數餐廳只用河粉，這裏就選用「摻摻」，河粉加油麵去炒。個人頗喜歡兩款麵質一齊食，增加口感貴刁炒得香熱，醬汁唔會太多，不會食到成口都係油，蝦亦彈牙有咬口。胡椒魚係今晚的亮點估唔到這個酸菜胡椒魚比平時食既酸菜魚來得更好味酸菜再加少少胡椒粒調味係極佳嘅配合！魚是先煎後放湯，吃得鮮甜黑蘿蔔糕就跟新加坡食過的差不多，份量很多，醬汁非常惹味亦是一個濃味的小食。

平日在鰂魚涌吃午飯真的十分惱人😡大部分餐廳又貴又難吃又會被催促埋單，這家算是少數的良心食肆，沒有隨波逐流正因這樣，會比較多人排隊。只有午餐時間比較充裕才能光顧，要是有時間也絕對值得，跟朋友說說笑笑很快就過這次我點了招牌菜海南雞飯，午餐附送指定餐飲，今天是凍檸檬綠茶！海南鷄肉質細嫩、餐湯火喉十足、油飯香而不膩！真的物有所值！要是不想吃飯可以配喇沙，那麼兩種招牌菜也可同時享用！不想吃肉的話可以試試日本帆立貝喇沙，朋友說她會給予七分美中不足的是午餐即使總數超過四百元也未能以信用卡結帳，但明白午市套餐價錢已很優惠，這也不是大問題

今晚係太古行行下街突然好想食新加坡野，所以就隨心咁行左去太古坊個邊既”隨心”食飯。行到入店內就見到有幾幅新加坡merlion同馬拉既畫係牆上，幾靚幾得意睇到個menu, 諗起去新加坡旅行時係hawker centres既美食，就心思思有好多野都想食諗左一陣，最後叫左個 海南雞喇沙 同 新加坡炒貴刁。喇沙個麵同雞係分開上，麵有米粉同米線，上面既米粉吸哂d湯可以令你啖啖都食到湯既椰香，個人就覺得唔錯。海南雞肉同皮分明，味道不過不失。佢地既炒貴刁係menu上好似話係跟新加坡炒粿條做法，味道都似既，幾好食，但係就用左河粉，同係新加坡食既唔同。成餐飯，個人都覺得幾好，算係味道算係中上既新加坡餐廳，價錢正正常常。可以一試

這晚和媽媽、舅父舅母吃晚飯，走到家附近的海光街附近一眾上班族，海光街一帶變成了上班族覓食的好地方坐得舒服Lunch, tea set menu說到馬來西亞和新加坡菜，當然不少得美味又滋補的肉骨茶還有喇沙海南雞飯還有各式各樣具風味菜式。餐前小吃以帶肉的骨配合中藥煲成的湯，材料豐富，包括冬菇、玉竹、黨參、當歸、紅棗、甘草、胡椒粒等，藥材味較重，非常滋補材料豐富，淆成濃郁入味的馬來西亞肉骨茶新加坡肉骨茶以大量白胡椒入湯，胡椒香味濃郁，材料包括白胡椒、蒜頭、冬瓜、白蘿蔔，有驅寒消疲的食療功效。好足料的海鮮喇沙！有蝦、帆立貝、魚片、蟹柳、蛋、豆卜、芽菜，湯底香濃，椰香味也很重，好正海南雞份量豐富！肉質嫩滑！黑松露味道香濃整隻雞全翼和家人吃得開心的晚餐服務員非常友善

平時lunch周圍食,今次食到呢間馬拉食物-隨心。點了個海南雞喇沙,賣相好好,個湯不夠濃.海南雞夠滑仲有鴛鴦麵!!好食!!蝦麵比喇沙好吃,湯夠濃.如果喇沙都濃d就會更正.始中價錢都貴了點.今個星期套餐送凍綠茶,好得意個色不像平時的綠茶。