千両 (世紀廣場)

營業中

休息中

星期五晚放工同朋友想食日本嘢，但又懶得搵同懶得去其他地方，就近近地係中環食千両千両質素或多或少都係咁上下，見就腳就上左嚟食刺身拼盤($158)除左蝦係鮮甜之外，其他質素都一般般朋友至愛既辣味三文魚($22)依個中吞拿魚腩都麻麻地海膽軍艦($58)幾甜，無乜苦澀味鰻魚天婦羅卷($58)醬汁惹味，加埋蟹籽，幾好鵝肝壽司($76)都一般般，有少少苦白鱈魚鮫西京燒($98)油脂豐富，幾香鹿兒島薩麻揚拼盤($48)鐘意香口嘢既我好鐘意依個，每次都會嗌記得趁熱食海鮮燉蛋($30)雞蛋好嫩滑，海鮮料都唔少

都唔知幾多年無黎喇，好掛住您啊！撞啱秋刀祭，正呀！最衰今次 walk-in 無預先訂枱，只得 60分鐘食，好趕呢！多年無到訪，當然要細心閱讀一下 menu 啦！有刺生、壽司、串燒、鍋物、炸物、冷盤、沙律、等等，真係花多眼亂，樣樣都想試。包羅萬有，雖然我個胃好似有無限空間，但無底深潭都有滿既一刻麻，要考慮清楚先 order 喇。巧遇秋召祭點都要叫返款秋刀食吓，賀一賀佢 ﹗再由頭盤食起，刺生、壽司、湯、鍋物、炸物，正呀 ﹗Order 完望一望，坐旋轉壽司 bar 太窄喇喎，點夠放野食呀，又坐得唔舒服，見到有 order 枱即轉啦。安康魚肝豆腐，以前都只係齋食魚肝配醬油，依度菜伴滑豆腐、海膽、魚籽都係第一次。味道濃郁甘香而黏黏的魚肝撞上滑溜清甜豆腐，非常有feel！淋上淡醬油，味道異常地配合，多種口感同香味，涼涼的係齒舌間打滾，實在太美味！Good starting ﹗適逢秋刀祭梗係要食時令秋刀啦！先黎原條秋刀刺生，青年期既秋刀超級肥美！魚油澎湃鮮甜，質感滑溜彈牙有咬口！配上日本萬能蔥、薑蓉、鮮山葵蓉，鮮味提升到另一高峰！以前食過既秋刀刺生不提也罷，完全唔係依個境界呢！好味到不得了，感覺震撼

中環其實唔算好多食壽司的鋪頭，迴轉更加少之又少，今晚放工之後，無啦啦好想食海膽，之後就去左食喇！！火灸三文魚壽司 - 唔夠嫩滑不過冇計, 因為我唔係叫三文魚腩。火灸左口魚邊 - 唔錯, 入口即溶咁-=]辣味三文魚壽司 - 唔錯, 不過真係頗辣>3<海膽軍艦 - 正，好甜＾＾活帆立貝刺身 - 有點腥，質地我唔喜歡