千両 (時代廣場)

營業中

休息中

千兩👅食物：❤❤❤的確好過元氣，但又唔算得係好好咁。值得一提，右上果隻係加拿大定北海道海膽，唔記得啦，但我覺得中間果款平時食開既好味啲。左下果個係鰻魚嚟，擺得幾靚，但舊飯好大舊。份量：❤❤❤右下個碟係二人前既餐嚟，我覺得份量一般，我唔加野應該唔夠食。環境：❤❤❤普通，正常。抵食：❤今日好多自家既日式店既，呢個價呢個質素，一般啦。服務：❤❤❤都幾好，有加下茶，見我哋叫左幾份野又無咩人就主動加多張枱比我哋驚唔夠擺。#千兩 #千兩壽司 #時代廣場

放工去銅鑼灣做瑜珈，雖然話上堂前2小時唔好食野，但我唔會理，只要唔食太飽唔咁油應該問題不大。今晚上堂的地方對面就係時代廣場，大把野好食，平時去金鐘上堂我多數會食Sxxxxxlxxx 的麵包，今次轉地方當然要食下其他野，就食下千両先。食壽司好處就係想食多定少由你話事，選擇又多，一個人快快趣食完又得，同朋友慢慢食傾下計亦得，得左。我係會員，可以用app 預先攞定飛，較啱時間，人未到，張枱已經等緊我了。地方一眼睇晒，有order 枱又有迴轉枱。識坐一定係坐迴轉枱但order 食物，事關我都唔知迴轉帶上的壽司轉左幾耐，好似好唔新鮮咁，而且可以自己加水，好方便架。落order 後5-10分鐘，食物就黎齊晒。每次必叫的有軟殼蟹手卷，同日式燉蛋。軟殼蟹上到枱仲熱辣辣，紫菜卜卜脆，加上一塊牛油果同生菜，正好中和了炸軟殼蟹的油膩，入面的沙律醬亦好惹味。大大件夠飽肚，一定要襯熱食。日式燉蛋滑滑又足料，入面有冬菇、蟹柳、蝦同白果。食完唔熱唔凍的壽司，食返呢碗燉蛋熱辣辣個胃即刻暖返晒，好味。亦叫了赤海蝦、海膽軍艦和左口魚裙邊。赤海蝦新鮮又彈牙。一客只得一件。左口魚裙邊肉質結實有油香。對海膽無乜研究，食落去有少

早幾日去左千両,見佢成日咁多人等位,以為好好食,點知大失所望炸軟殼蟹朋友極力推介,以為真係超好味,但實在有啲過譽上枱時熱辣辣,所以仲係好脆,炸粉唔厚,加埋少少檸檬汁減低熱氣感但冇咩味,食完就只有炸既感覺江戶前甜蛋甜蛋本來係我最鐘意食既野,去到日本必食,自然對佢要求高啲不過呢度既甜蛋味道極之普通,最大既敗筆係食到最尾有啲酸酸地未知係加入左青檸味定壽司醋既味,酸味完全同甜蛋格格不入牛油帶子壽司,甜蝦壽司牛油帶子感覺唔係太新鮮,食唔到任何帶子既味,只有牛油味牛油味係幾香,但搶哂啲帶子味,唔係太好食甜蝦壽司感覺亦唔算新鮮,冇咩鮮味牛油果軟殼蟹卷殼蟹卷都係脆脆既,牛油果上黑色既我完全食唔出係咩(應該話係冇味既)朋友話係黑松露,但我完全聞唔到同食唔到黑松露既味道整體黎味道講好普通海膽軍艦全晚既亮點,海膽好新鮮,唔腥紫菜脆脆地,一放入口海膽既鮮味已經充滿左成個口,再滲埋入啲飯度,真係好好食後記: 老實說當晚唔係太肚餓走去食,所以唔算食左好多野已經每人$200如果要再比同等價錢出黎食野,我絕對唔會再黎,情願拎啲錢食高質放題,感覺仲化算