奈良上釜 (已結業)

成日睇人地啲相已經想試好耐唔知係咪啲相太吸引今次食有少少失望 但係整體係唔錯嘅只係我期望太高 唔代表佢唔好食嘅我同朋友叫左鰻魚釜飯同海膽釜飯另外再叫左雜菜天婦羅盛合兩個釜飯都有茶碗蒸 前菜 漬物同麵豉湯個茶碗蒸好好食蛋好滑 料好足 有三文魚籽 蟹肉 蝦 仲有黑松露黑松露味好香至於兩個釜飯 一打開個蓋超級香但係令我有少少失望嘅原因係鰻魚嘅醬汁唔夠味 海膽唔夠新鮮但所有味道係好夾好味嘅仲可以食到飯焦添

終於去左試呢間釜飯喇 期待左好耐！喺OpenRice訂左位 去到等一陣就有位 好方便😆一坐低 我即刻叫左海膽釜飯！期待期待！睇住師傅成板海膽咁放落我個釜飯度！勁開心！好滿足！啲飯吸左啲湯 都好好味！啖啖飯都食倒海膽 超滿足！我已經諗定下次食咩喇，下次想試下個和牛釜飯！另外個fd就叫左蟹肉釜飯 都好好味！不過我都係鍾意海膽多啲😆連佢地杯茶都好好飲 總括而言 呢個價錢食倒咁多海膽既釜飯 係超值！好期待下次個和牛釜飯😊

銅鑼灣登龍街出名多食店，今日走到登龍街搵食，見到有間排長龍，和門口模型好大好得意。大鄉里的我未食過釜飯，老公就話請我食，釜飯和飯蓋模型開合噴出白煙實在吸引，所以就決定和老公排隊啦！當日星期六真的超多人，入到裡面，面積不大，坐位剛剛好，我們好彩坐了最入，一塊大玻璃，睇到廚師每個釜飯製作過程，原來釜飯就像煲仔飯，都係即煲，見到有啡色上湯，洗好珍珠米，逐個明火排排禁煮好清楚。飯出煙，師傅跟據客人點的材料加入飯面，再煮。 當日我們order了，海膽釜飯，和銀鱈魚釜飯。 店員就先出前菜，漬物，茶碗蒸。茶碗蒸真係好吸引，有蟹肉，有三文魚子，鮮蝦肉，日式魚片，黑松露醬，冬菇，蛋滑嘟嘟ICHIPAN !同好鮮味，是我食過最正最多料茶碗蒸 漬物空口食比較咸了些，爽口蘿蔔片同酸梅片，覺得等釜飯到才一起食比較適合， 日式麻醬豆腐，芝麻味香，酸酸地，豆腐滑，正常終於主角到了：銀鱈魚釜飯，有4大片厚厚地鱈魚，本菇，荷蘭豆，紅羅白，飯味道好鮮，吸收了魚味，很鮮甜，相信上湯應該係昆布/菇類的上湯。飯淡啡色，魚肉超滑，厚身好有海洋感覺! 完全覺得自己去了日本一樣。無香港重口味，以食材本質煮成，第1碗飯軟綿綿，第2碗開

三八婦女節，相約好幾位姊妹出來銅鑼灣飯聚！ 我們一行四人走到拉麵街之稱的登龍街！想坐得久又想有傾有講，不會選擇食到滾水淥腳的拉麵店！反而找了一間供應日式釜飯的小店 <奈良上釜>！登龍街可說是日式食肆競爭激烈的街道，單是拉麵店之多，相信這是鶴立雞群的一間吧！門面很搶眼兼特色！以黑紅色日本鳥居的設計，左邊有個自動開合兼不停噴白煙的巨型木釜飯碗裝飾！狀甚有趣！ 等候一會兒才安排入坐！小店內是實而不華的簡約和風裝潢！木色系的餐桌椅跟店子橙色天花板很襯色！ 恰巧！最近一集【馬家開飯】介紹這裡，因此得知原來這是香港最第一間釜飯專門店！ 選用日本茨城縣的米！雪白晶瑩，入口煙韌有彈性！怪不知跟食開的日本珍珠米有所不同！店員先送上餐牌及茶杯，茶杯上印有十二金釵圖案！有理無理姊妹們飲杯...茶！其實！這裡樓面缺乏人手， 勝在店員很勤快又有禮！值得一讚！主打：釜飯及蕎麥麵，餐牌上有各款釜飯套餐 (價位 $128~$288) 及蕎麥麵套餐 (價位 $108~$148) ！ 還有天婦羅及其他單品小食以供選擇！有姊妹想點期間限定蟹盛釜飯定食，怎料要預訂！我們不想四人都點釜飯，打算點一份蕎麥麵，怎料

某星期五晚上，窩夫與蝦子餅在銅鑼灣找地方吃晚飯，在登龍街看到了奈良上釜的鳥居，便決定一試。窩夫到達時店內剛好滿座，只好在門外排隊等位。幸好等位的時間不算太長，窩夫與蝦子餅被安排坐在最接近廚房的位置，可透過大玻璃見證著一個個釜飯的誕生。窩夫等位時看到門外這張海報，選好了期間限定的蟹盛($298)。蟹盛先上蟹腳和天婦羅，賣相非常精緻，可惜蟹肉鮮味欠奉。蟹盛的茶碗蒸有一隻蟹箝，味道較剛才的蟹腳和天婦羅鮮甜。打開釜飯的蓋子，裡面有一個蟹蓋。拿起蟹蓋，下面是蟹肉蟹膏蟹籽飯。將全部材料拌勻來吃，蟹膏成功提升了蟹肉的味道，一口飯裡有齊飯和飯焦，再加上粒粒蟹籽，口感豐富，是窩夫全晚最欣賞的食品。蝦子餅點了海膽釜飯($188)，漬物、沙律和茶碗蒸同樣賣相一流。沙律是木魚豆腐，豆腐充滿豆香，沙律汁的味道剛剛好。茶碗蒸的配料十分豐富，稍嫌蒸得不夠滑。味噌湯很好喝。海膽釜飯用的是加拿大海膽，海膽的份量不少而且大大塊，味道甘香，但少了海膽刺身的鮮甜味。