影片
更多
2023-12-01
1526 瀏覽
潤 Rùn 灣仔 米芝蓮🌟🌟潤位於灣仔瑞吉酒店2樓，是一間粵菜點心的中菜餐廳，鄰近港鐵會展站，交通非常方便。 潤由星級名廚洪志光師傅半廚，於2020-2022新開張不久就榮獲米芝蓮🌟榮譽，更於2023榮昇米芝蓮🌟🌟榮譽，實力可想而知有幾勁。午市食個點心可能閒閒地預約等兩星期，聽店員講不少係回頭客生意，而且價錢唔算太高貴。 今次午餐時間來用餐，決定主要食點心😋。上餐前先上了茶、小食合桃及豆瓣醬。裝修及擺設是酒店水準，服務我會形容貼心但又要少少🤏大意。貼心係以顧客人數點心可以加減除返每件點心價錢，呢個服務非常之好，大意就係晌呢個服務開始店員可能一時唔記得咗無同我講到，因為我係一人挑戰，等我直至結帳時都一直懷疑緊menu上的件數好像同上桌件數有少少唔一樣，好似少左咁😅。不過都好多謝店員讓我肚子有空間去試多幾款🫶。 錦繡球黑椒和牛酥：呢個係一個藝術品，錦繡球是兩種麵條織出黎，食落入口酥脆，餡料是醬汁及少少黑椒味的和牛碎，有牛肉味有酥香味，整體是好吃，但對比同時上檯的龍蝦春卷，佢就有少少失色。 海苔龍蝦春卷：使用薄身的waffle脆皮做春卷外層，食落更脆口之餘又減少少油淰淰感覺，口感亦有
潤位於灣仔瑞吉酒店2樓，是一間粵菜點心的中菜餐廳，鄰近港鐵會展站，交通非常方便。
潤由星級名廚洪志光師傅半廚，於2020-2022新開張不久就榮獲米芝蓮🌟榮譽，更於2023榮昇米芝蓮🌟🌟榮譽，實力可想而知有幾勁。午市食個點心可能閒閒地預約等兩星期，聽店員講不少係回頭客生意，而且價錢唔算太高貴。
今次午餐時間來用餐，決定主要食點心😋。上餐前先上了茶、小食合桃及豆瓣醬。裝修及擺設是酒店水準，服務我會形容貼心但又要少少🤏大意。貼心係以顧客人數點心可以加減除返每件點心價錢，呢個服務非常之好，大意就係晌呢個服務開始店員可能一時唔記得咗無同我講到，因為我係一人挑戰，等我直至結帳時都一直懷疑緊menu上的件數好像同上桌件數有少少唔一樣，好似少左咁😅。不過都好多謝店員讓我肚子有空間去試多幾款🫶。
錦繡球黑椒和牛酥：
呢個係一個藝術品，錦繡球是兩種麵條織出黎，食落入口酥脆，餡料是醬汁及少少黑椒味的和牛碎，有牛肉味有酥香味，整體是好吃，但對比同時上檯的龍蝦春卷，佢就有少少失色。
海苔龍蝦春卷：
使用薄身的waffle脆皮做春卷外層，食落更脆口之餘又減少少油淰淰感覺，口感亦有少少雪糕脆筒。春卷內餡是海苔香的龍蝦膠，襯托出龍蝦味更濃味更香口。
娘惹香辣咸水角：
精緻的蘋果造型，但缺少了以往裝飾可食用的葉子墊底襯托，換了普通的青瓜🥒，對打卡來講有點可惜，口感煙韌餡料同普遍咸水角差唔多。
百花臘味荔芋脆多士(季節限定）：
一上檯佢個芋頭同臘味香味震驚了日我，非常香噴噴。食落外皮酥脆內餡是臘肉臘腸切粒，配上芋泥清香味。連伴碟的黑豆亦經過烘焙可以😌食用。
金腿蛋白龍蝦餃：
金華火腿同龍蝦味唔係好濃，食完飯龍蝦春卷食佢令佢失色唔少。
碧綠帶子餃：
我開頭以為食錯了，點解會有蝦味😯，佢用蝦、帶子、時令蔬菜製成。
酸菜鱈魚餃：
有酸有辣口感，內餡有魚肉..又有蝦肉味（是我壞了嗎😲），食落去會有一剎那的辛辣感之後有點回甘，真的幾好吃。
筍尖蝦餃：
蝦餃外型飽滿，用數隻蝦加嫰筍整成蝦膠，皮薄餡靚。
竹炭麻辣雞粒荔茸酥：
竹炭外皮非常酥脆，但竹炭味有點蓋過雞肉味。
臘味糯米包(季節限定）：
外型較大，味道同香氣同正常的臘味糯米包一樣。😅
最後還有杏仁曲奇及咖啡糕甜品各一件（免費），整餐點心幾好食，店員服務亦貼心，亦見洪師傅間中出黎謝票，整體感覺幾好，下次會再嚟試下小菜😈。
錦繡球黑椒和牛酥
31 瀏覽
0 讚好
0 留言
海苔龍蝦春卷
47 瀏覽
0 讚好
0 留言
娘惹香辣咸水角
30 瀏覽
0 讚好
0 留言
百花臘味荔芋脆多士
25 瀏覽
0 讚好
0 留言
金腿蛋白龍蝦餃
21 瀏覽
0 讚好
0 留言
碧綠帶子餃
28 瀏覽
0 讚好
0 留言
酸菜鱈魚餃
21 瀏覽
0 讚好
0 留言
筍尖蝦餃
24 瀏覽
0 讚好
0 留言
竹炭麻辣雞粒荔茸酥
21 瀏覽
0 讚好
0 留言
臘味糯米包
31 瀏覽
0 讚好
0 留言
張貼
