DK1885 (已結業)

餐廳有別於一般越南餐廳，一入到去，裝潢就好似係西餐廳，而且樓底高，相當舒服。食物亦相當特別，不只是平日對越南餐的刻版印象， 今日，我就是來食越南海鮮的。對我來說，平時越南菜只有春卷，札肉等。 越式煮法配上海鮮，是第一次食。海防蟹肉湯金邊粉金邊粉常常吃到，但絆蟹肉就少見了。蟹肉鮮味，再加上配有大蝦等鮮味海鮮，為湯底及粉本身帶出層次。令湯底更是鮮甜。而且蟹肉份量多 。 可以做到每口都有蟹肉絲。 另配有豆卜，吸收湯精華。香辣香葉炒藍貝藍貝用越南香葉炒香。 越南配料雖味濃， 但不會搶走藍貝的鮮味。仍然做到香口，香辣，鮮味。 藍貝比一般蜆更大更厚，所以做到啖啖厚肉。這辣味會令人上癮！海防手工墨魚餅海防蟹肉湯金邊粉墨魚餅幾乎成舊都是墨魚粒。 像食緊墨魚一樣。香口又大件。而且比例理想。 沾上特製醬汁更是好食。 醬帶點酸味，令人開胃。 椰汁喇沙葉炒海螺又是一道海鮮餐。海螺鮮，用椰汁香味帶出鮮味。 椰汁香甜，喇沙葉香口。 海螺我寶係未係越南餐廳見過。海螺原來可以配椰汁🥥，有咁樣既效果，確實特別。而且螺好新鮮，肉大件。

DK1885前身係主打北越菜的北正宗，之前北正宗一直都喺新蒲崗，位置比較隔涉，而家DK1885喺灣仔開店就方便得多，見喺香港比較少見北越菜，一於試下。DK1885除左越南菜常見嘅牛油雞翼、米紙卷、越南河同撈檬之外，佢仲有好多唔同嘅菜式，價錢大部份都係幾十至百幾，價位正路。海防手工墨魚餅($108)墨魚餅好爽口彈牙，炸皮好薄，係屬於軟腍口感，所以食完都唔會覺得好熱氣。牛油雞翼($88)牛油雞翼隻隻都好大隻，上面鋪滿炸蒜粒，好香蒜蓉牛油味，雞翼炸到脆脆地好香口，不過食完見倒碟底都幾多油，如果用吸油紙墊底感覺會好啲。香辣香葉炒藍貝($168)藍貝用左好多香茅同辣椒去炒，所以香料味都幾重，食落唔會得死辣，係辣得有層次。藍貝雖然比較細隻，但勝在肉質嫩滑得黎完全唔會黏牙。北正宗牛肉湯河($98)牛肉湯河包括生熟牛肉、牛丸同牛肚，湯底係用牛骨煮成，味道清淡得黎帶點牛肉香。記得之前去河內旅行食湯河都會加辣椒同青檸，哩度亦有提供。河粉夠薄，不過如果再滑啲更好。生牛肉好菟好滑。熟牛肉比較厚身，軟腍得黎唔會太鞋。牛肚煮得好腍。左: 北越咸檸吉仔水($38)河內周街都有得飲吉仔水，酸酸甜甜好好飲，哩度加左咸檸

前排無意中發現原來灣仔區嘅橫街窄巷有唔少卧虎藏龍，今次就嚟到修頓球場隔離譚臣道嘅一間🇻🇳越南餐廳食晚飯。餐廳係小店格局，大約坐到廿幾人，裝修簡約，有種小清新嘅感覺。我仲發現小店係由一家人經營的，婆婆幫手做樓面、阿仔做廚房？同孫仔負責玩😂，好溫馨。另外，有唔少熟客嚟幫襯。依到嘅越菜唔止得Pho，種類及款式同平日唔太同，因為係主打北越菜，有好多款都比較少見。可能因為咁，小店定價唔算平，但有賣點嘛。餐廳嘅小食同海鮮望落非常吸引🤤！香草野菜燒牛柳沙律($88)🥗，燒牛柳好好食啊，有成5-6塊，燒得非常香口，而且肉嫩又夠厚，唔錯唔錯。沙律菜都新鮮，個汁應該係用上魚露，酸酸甜甜，好開胃。海防手工墨魚餅($108)🦑，我不嬲都鐘意食Q彈嘅口感，所以一定唔會放過墨魚餅。依到嘅墨魚餅超級彈牙，而且食得出一定唔係買返嚟，係手造；我更加係第一次食墨魚餅食到墨魚！雖然唔平，差唔多成$30塊，但真心推介，而且魚餅旁嘅醃蘿蔔絲都好好食。椰汁喇沙葉煮活蜆($148)🐚，本身呢道菜係配海螺的，但我哋驚螺食得無咁方便，就即管問下有無得轉蜆，點知又得喎yeah✌🏻。一睇個賣相就睇得出係用上椰汁🥥，而且仲有椰肉，個汁比較厚

係修頓球場附近經過見呢間餐廳。見到室外座位裝修得幾別緻，所以入去試下室內裝修得簡單但係有心思，而且座位寬敞舒服😊蓮藕心鮮蝦沙律蓮藕心好嫩、好爽脆，而且真係有拉絲㗎😂沙律菜好新鮮，而且夾雜住切絲嘅香葉，味道好fresh。大蝦唔係急凍蝦，又大隻又爽口彈牙👍🏻好好味！海防手工墨魚餅我本身好鐘意食墨色餅、墨魚滑，所以order左碟試試。口感好彈牙，墨魚肉嘅比例一定好高，無9成都有8成，如果唔係都唔會味道咁濃沃同咁彈牙🤤🤤🤤而且唔止彈牙咁簡單，當中仲夾雜左切粒嘅墨魚肉，令墨魚餅更有咬口！醬汁方面，除左點一齊上枱嘅特調魚露會好惹味外，原來點餐廳放枱面嘅特調辣椒醬，仲令味道更濃沃、惹味！椰汁喇沙葉煮海螺椰汁味好甜、好香濃。海螺好大粒、好多肉，肉質好彈牙！真係估唔到會同椰汁咁夾😂而且餐廳仲跟左碟油炸鬼，用黎點椰汁食，真係好惹味😋😋😋！北正宗牛肉湯河牛肉湯河除左牛肉外，仲有牛肚、牛丸、同牛腩。上菜時，店員好friendly 咁推介我食牛肉時可以夾住醃蒜片黎食，呢個係越北獨有食法！我覺得湯底好清香，牛肉片好香牛味。仲發現牛腩有別於平時，唔係炆到腍啤啤，而係實得黎又好有咬口。店員果然無介紹錯👍🏻配埋蒜片食真

平常香港吃到的越南菜大多是南越或港式越南口味！難道找到一家北正宗，當然要試一試小店位於譚臣道， 裝修別緻開揚先來一份香草野菜燒牛柳沙律，燒牛柳入口香濃，牛味豐富，口感嫩滑，清新之選海防手工墨魚餅彈牙有口感，而且墨魚味濃郁香茅魚露煮活蜆的大蜆十分鮮甜新鮮，咬下去很多汁，肉質嫩而不韌，又有湯喝海防蟹肉湯金邊粉，有魚餅，豆腐卜，蝦2隻及鮮蟹肉，湯底用蝦蟹分開熬製，又香又入味，金邊粉像意大利闊條麵般有咬口入鄉隨族，要了一個新鮮椰青，白色椰肉及清甜的椰水清新解渴試了店家推薦的越南雪奶啡，濃縮一杯正宗滴滴咖啡加煉奶再用冰溝稀，充滿奶香原來北越有那麼多美食，立刻有到海防市一遊的衝動

從早年九龍區的「北正宗」到今日灣仔的「DK1885」，餐廳已由快餐店風格變成甚有格調的小酒館，不變的是高水準的食材和出品。自從餐廳搬到灣仔區，多是中午經過，午市這裡主要提供快餐，而我卻心心念這裡的海鮮和小炒。是晚終於有機會晚上到此用餐，比起中午的繁忙喧鬧，入夜的譚臣道多了幾分輕鬆，讓人不禁想坐下來慢慢傾，慢慢食。蓮藕心鮮蝦沙律 $88坊間甚少見到的蓮藕苗，口感清脆，配上酸甜的醬汁，非常清新爽口。海防手工墨魚餅 $108越南直送墨魚餅，非常彈牙，亦混入不少墨魚粒，口感層次豐富，與香港本地較為多粉的魚餅完全不同。配上魚露或辣醬，香口不油膩。香茅魚露煮活蜆 $118用新鮮大蜆，無沙，加上湯底有魚露的鮮甜及些許酒味，配上適量香茅，不禁飲到精光。海防魚蝦蟹香葉蛋炒飯 $118只能用完美來形容這碟炒飯。夠鑊氣，飯粒炒的乾身、粒粒分明，用料上乘，份量十足，滿足了完美炒飯的所有條件，敢說就算五星級酒店的中菜廳也未必有此水準的出品，非常考驗廚師功夫。店員耐心介紹每一道菜的食材特色、烹飪方法以及搭配的醬料，非常有心。飲品方面有越南咖啡、越式特飲以及越南啤酒提供。值得一提的是，目前階段自己帶酒亦免收開瓶費，