夏娃 (已結業)

三人行，叫左： 1. 海鮮意粉配料份量多，有蝦、墨魚、帶子、青口；醬汁酸酸甜甜帶少少辣，幾開胃 2. 慢煮牛薯蓉同菜可多啲味道偏甜但都有慢煮果種腍度可惜當中有幾件較多筋 3. 炸雞太肚餓食左，冇影相，好食 4. 甜品我地叫左柚子芝士蛋糕銅鑼燒配雪糕味道正常價錢都算平但有個小插曲 我地今餐想慶祝生日，訂座時有講低，請鋪頭幫手上甜品果時寫happy birthday 芝士蛋糕黎先，冇寫我地以為下一道先啦點知銅鑼燒都冇寫🙈🙈失去驚喜希望下次可改進下 環境：枱同枱之間冇膠板

突然好想食德國豬手，又咁啱行經北角見到呢間餐廳，就入去一試。翻看餐牌既時候，見到有個2人晚餐set，有湯、沙律、德國豬手、帶子海鮮意粉、甜品及餐飲，成為$399，都算幾抵，所以唔算點諗野既情況下點了呢個set，貪心的我又想食腸仔，所以再單點一個。另外，男友叫咗生啤，話咁先至係食緊德國菜😝食到真係捧住個肚走！細食既朋友，呢個2人餐可以3個人食都絕對冇問題。如果係東區想食吓德國野，呢間都係可以一試的。

周日去左北角行街，我地就揀左呢間新開既餐廳食午餐～ 午餐選擇都有幾多，我同朋友就叫左2個lunch set一齊分享~ lunch set可以配湯或者沙律，我地就各要了湯同沙律～  餐湯係羅宋湯，配料幾多，不過湯較稀淡，味道都唔係太濃～  沙律用左芝麻醬，所以都幾開胃。 🍔菠蘿炸魚柳漢堡 (lunch配湯/沙律) $62 魚柳包比想像中吸引😍，呢個包唔似平時既魚柳包淨係得一塊，而係有兩塊炸魚柳，所以啖啖都食到魚柳同菠蘿👍🏻！ 菠蘿juicy，再加炸得香脆內嫩既魚柳，同惹味既千島醬，真係每一啖都好滿足🤭～～ 而且可以揀炸薯格/蕃薯條，個人覺得要點蕃薯條🍠，夠晒特別而且感覺健康啲😎～ 起初店員比錯左炸薯格我，好彩最後都另外炸番蕃薯條比我～ 海鮮意粉 (lunch配湯/沙律) $62 意粉汁幾特別，用左日式咖哩整，所以食落甜甜地，海鮮配料有魷魚翼同蜆肉，中規中矩☺️～  個人比較推薦食魚柳包的！😌😌 柚子芝士蛋糕 跟餐$28 芝士蛋糕軟身，蛋糕面上有柚子碎，食落清新不膩，可以一試❤️～～ Mango Lassi +$12 飲落都好清新，味道唔假～～ 餐牌