Homeland (荃灣廣場)

營業中

休息中

星期五晚大約6:50到，見到裏面大量空枱。企咗門口一陣都冇人理，個戴眼鏡灰衫經理又好似見唔到咁。揮左一陣手，行過嚟話暫時未有位俾張飛等住先。等到7:10 ，有兩個Walk in，女侍應帶咗入去。我就問佢我張飛有位未，佢都係話未。我問點解佢哋Walk in唔使飛又入咗去？灰衫經理同女侍應對望，先知原來派咗飛。但係都冇即時安排座位，依然叫我等。等到大約7:25終於入得去，灰衫經理放低張單，話用QRcode 落就行左去，舉手想問吓嘢都係睇唔到。用QR code落咗個海鮮拼盤加豬仔骨薯條，海鮮拼盤味道正常，但唔好期望好好食，蒜蓉牛油加鹽咁。其他侍應上菜正常，放低食物有講係咩。但食完好鹹😨，要上comebuy 買杯嘢飲。終括係戴眼鏡灰衫態度要改善，不過呢間野都冇需要再encore，連加一$951。呢個價錢，同區有其他選擇。

🤡賓妹放早，熊妹放假，梗係出去搵食啦！呢排熊妹鍾意去‪荃灣行街‬，又可以近賓妹屋企，咁又去「荃灣廣場」搵食先。📌行下行下發現地庫一樓都有幾間餐廳，見《Homeland》裝修七彩繽紛，又食西餐，岩哂熊妹合味，就去試下。📌餐廳的裝修真係好色彩夢幻🎨，天花吊滿一束束五顏六色的乾花💐，有一幅A.I.啜着意粉的壁畫，櫈椅都用上各種七彩顏色的膠櫈，成間餐廳好似彩虹🌈，入到嚟感覺好artistic🤹🏻‍♀️，咁繽紛心情都愉快啲。📌《Homeland》原來呢排新推出咗海鮮拼盤Menu，係超級多嘢食，包是日餐湯、餐包、田圓沙律，小食四揀二，有粗直薯條、柚子蜜雞翼、蒜香焗田螺或者芝士焗西蘭花，到重點的100分鐘任食海鮮拼盤，仲有主食兩款包埋肉醬意粉同卡邦尼意粉，早鳥時間‪五點到六點‬同貓頭鷹時間八點到八點三，都係$279一位，黃金晚餐時段‪七點到八點‬就$298一位，另外加$38就可以任飲餐飲，真係好多嘢食。前菜餐前前菜餐湯🍵、餐包🍞、沙律🥗全部齊晒，餐湯係粟米忌廉湯，餐前飲個餐湯好暖胃，餐包係薄薄地一片的蒜蓉包，好脆口，蒜蓉味焗得好香，仲有田園沙律，食大餐前有啲菜疊下個胃，阻隔油份的吸收。小食餐前小食揀咗

之前喺大埔都食過Homeland,味道唔錯,間店又有特式😍~今日去荃灣廣場行街🛍,原來地庫都有間~仲有100分鐘任食海鮮餐添!個餐都幾豐富,有沙律同湯,然後可以揀兩款小食~我哋就揀咗柚子蜜雞翼同芝士焗西蘭花🥦~主食得兩款揀,卡邦尼意粉或者肉醬意粉🍝~所以我哋就揀晒兩款試下~我自己就比較喜歡卡邦尼~但肉醬意粉酸酸地無咁膩🍅~主角當然就係個海鮮盤啦🍲!個大赤蝦真係好巨型🦐,個頭又夠多膏~其餘仲有蝦,大蜆🦪,八爪魚仔🦑,翡翠螺等等~我哋揀咗BBQ汁,覺得濃咗少少🤏,可能忌廉汁會無咁蓋過海鮮嘅鮮味~呢個餐仲包埋嘢飲🍸,人均三百零蚊都幾抵食,我哋見隔離檯都有點😋~同埋呢度嘅裝修都好有心思,顏色勁繽紛🌈~天花仲吊咗好多乾花🌹,非常適合打卡~