Thirty First of May (已結業)

今晚去完荃灣廣場同布甸狗影相，就嚟咗附近開餐。經過見到呢間餐廳好似幾有feel，一於入去試吓！見到餐廳入面好多人都食海鮮拼盤個個set，我哋一於都食嗰個二人餐！先來一個前菜：輕煎吞拿魚拼沙律 呢個前菜色彩繽紛！番茄仔非常新鮮，輕煎嘅呑拿魚味道唔錯，配埋酸酸甜甜嘅Mango salsa，真係非常開胃！之後就到餐湯，可以揀蕃茄湯或者黑松露野菌忌廉湯。我地就揀左後者個湯好香濃好滑，飲到個碗照晒鏡啊呢度嘅餐包都唔好錯過，烘得香軟，揸埋配麵包嗰啲酸酸甜甜嘅沙律醬就啱啱好啦！跟住就到主角出場。二人份量嘅海鮮拼盤款式同埋數量都多，足足有六款海鮮啊！生蠔一人一隻，兩款唔同品種，我比較鍾意食大隻多肉肥美個款咪睇呢幾隻藍青口細細隻，味道非常鮮甜半隻開邊龍蝦有膏，又啖啖肉，好好食！之後嘅主食我哋揀咗西班牙海鮮飯。海鮮飯一上枱已經聞到香噴噴海鮮嘅份量都唔少，又有我至愛嘅藍青口個海鮮飯粒粒分明，其實吸收晒海鮮嘅味道，不過我哋就略嫌佢咸左小小～食完咁多樣嘢已經好飽，個餐仲包餐飲，飲埋杯熱咖啡，好飽好滿足

有時候想去啲浪漫嘅餐廳撐下枱腳，見到呢間餐廳開左唔係好耐又多人介紹，就試一試！一入到餐廳感覺好有格調，有點工業風，最吸睛嘅就係中間嘅月球燈，令成間餐廳更有情調。黎到咁靚嘅環境，當然要食好少少啦！我地就叫左個豪華海鮮拼盤二人餐，埋單每人都係$300左右，絕對抵食！海鮮拼盤每款海鮮都好大隻、又新鮮，生蠔&帶子刺身好Creamy，令人印象深刻之後嘅頭盤我地就揀左意式三文魚薄片，配埋檸檬辣根汁酸酸甜甜好開胃，亦可以清一清頭先海鮮拼盤嘅飽肚感然後就到黑松露野菌忌廉湯，配上有牛油蒜香味嘅麵包，味道好夾！最後就係西班牙海鮮飯，因為一開始嘅海鮮拼盤份量十足，好彩佢呢個西班牙飯份量兩個人食啱啱好，可以清哂碟而又唔會感覺飽到上心口。飯上面嘅海鮮一樣係好有鮮味，亦做到西班牙飯嘅味道。

豪華海鮮拼盤2人餐今日去左荃灣一間西餐廳，室內採用現代簡約風格，以暖木色為主，餐廳最大特色是有兩盞巨型ke月球燈飾，餐廳主打海鮮係料理。所以今日小弟就叫左個豪華海鮮拼盤2人餐。頭盤先有黑松露蘑菇忌廉湯。菇味濃，每啖都有磨菇口感，加上黑松露醬作點綴，非常美果，做頭盤一流!之後有蟹肉牛油果沙律，蟹肉鮮甜，牛油果口感滑膩，配上蔬菜，非常清爽。主菜有海鮮拼盤，有龍蝦，生蠔，蜆，海蝦，帶子，螺及青口，非常豐富，海鮮亦非常新鮮。最後哎左個燴飯，呢個燴飯表面鋪滿晒唔同的海鮮，材料同拼盤一樣咁豐富。另外佢將個飯底焗過，食落口唔似一般咁濕，但好香口好煙韌，非常嘢味。yummy yummy