首爾石鍋燒

營業中

休息中

今日又去「首爾石鍋燒」食飯。哩間韓國餐廳d野好好食，好arm我口味，而且地點十分就腳！今次叫做我最鍾意的《泡菜餃子烤肉豆腐鍋》，湯底我叫做「少辣」，跟飯。 哩個泡菜餃子係 my favourite。餃子主要係由豬肉，泡菜，粉絲做的。帶點辣，裡面豬肉又唔肥，餃子皮唔厚，味道剛剛好，好正。除左泡菜餃子外仲有烤肉（豬肉），豆腐，粟米，同粉絲！個豆腐好滑好重豆味😍。粉絲索曬個湯底真係好正！之後我仲畢左d湯係碗飯度，白飯索滿辣湯食又另有一番滋味！朋友叫左《海鮮烤肉豆腐鍋》。裡面鮮蝦同埋青口。朋友說d蝦係新鮮蝦肉質彈牙，青口的味道也不錯。還有滿滿的豆腐，粟米， 粉絲，烤肉，等等。湯底味道鮮甜，最後朋友佢食晒所有嘢連湯都飲埋！另外叫咗個小食《韓風一口雞》見好多台都有叫啲款小食。炸雞味道香脆，炸粉不厚，味道剛好，一口一炸雞，正合我心意！跟住食有飲品半價。凍檸茶都係$8。罐裝汽水或特飲都只是$9，物超所值！

-前菜小食有青瓜🥒，泡菜，芽菜同埋粉絲，青瓜真係好好食，超鍾意個醬汁，食落唔算辣，食唔停口😋，十分惹味！而泡菜幾香辣😆芽菜同埋粉絲都幾好食，開胃嘅小食😍-傳統石頭鍋飯🌟（$65）今次揀左烤肉作為配料，仲有蛋🍳，粟米🌽，蘿蔔絲，芽菜等等，加埋辣醬再攪拌，依個石頭鍋飯份量都好多☺️鍋底仲有飯焦😍好好食👍🏻-海鮮烤肉豆腐鍋😋配飯🍚（$70）依個有好多材料：豆腐，蝦🦐，青口，粉絲等等，材料十足，而湯底有小小辣😆愈食愈好食😍食完好飽肚，岩曬大食嘅朋友😋-韓風一口雞🐥（$39）依個炸雞好好食，係必食👍🏻👍🏻炸到好香，外脆皮薄，食落好脆口，肉質好滑，點埋個韓辣醬汁😘，味道一流，無得彈，十分惹味❤️-韓國炒粉絲😀 （$52)粉絲晶瑩剔透，好香麻油味，仲有好多白芝麻曬係炒絲上面，洋蔥，蔥花，蘿蔔絲等等一齊炒，味道都ok😀-凍韓國柚子蜜🍯（$9）柚子味好香😋食完炸雞飲柚子蜜可以無咁油膩👍🏻-凍韓國紅棗蜜 🍯（$9）紅棗加蜜糖☺️飲完好潤😍-

走進女人街(通菜街)會發現兩旁都會有不少食肆，但成日都被排擋遮蔽🙈而且人又多路很少，所以都急急離開~係時候放慢腳步🐾要學習 ‪#‎慢活‬ 的人生了-這店係我有一次晚飯時間發現人龍才留意到👀所以今次同爸爸專程來的-先來韓式前菜三款，最鍾意食佢個泡菜👅唔太酸帶點微辣<泡菜、粉絲、青瓜>< 海鮮烤肉豆腐鍋 > 🍵$70石鍋上枱時超滾🔥入面有數款(蝦、日式魚片、青口)配上烤肉、豆腐、粟米和粉絲，再跟一碗白飯，食落都算幾野味😝如果個湯再濃多少少就好了<女神雞翼> 🐔$30即點即炸又輸得去邊😁3隻雞翼配3款醬汁，食落非常香脆😋雞翼本身有醃過，醬汁只是增添層次<韓風一口雞> 🐔$39這個令我想起啤酒🍺都算外脆內嫩，肉汁鎖得唔錯<韓式燒牛肋骨> 🐮$80碟上會跟上生菜和蒜片，可以當配牛肋骨一起食，肉質都幾嫩腍🔥燒得幾好唔會太乾身另叫了凍柚子和凍柑桔 $18跟石鍋餐會有一杯半價

哈哈在我的挑釁下車爸爸終於跟我開了一場*韓戰*,點解咁講因為他不算愛吃韓國菜(韓式燒烤例外),這夜我使出混身解數才戰勝這一頓韓菜呢!!身在旺角見到這間首爾有石鍋燒食喎就佢啦^0^內在環境有點酒吧Feel,氣氛挺浪漫喎！甫坐下侍應生已送上一碟有三款的前菜，青瓜片，泡菜及韓式粉絲，味道很不錯喔。忽然想飲凍檸蜜配餐+$9(原價$18)，因為套餐可半價點餐飲好抵飲呀！{海鮮烤肉豆腐鍋}$76,熱辣辣的石鍋内濃湯沸騰好有氣勢耶!!材料著實豐富有青口,嗚門卷,大蝦,烤肉及嫩滑豆腐~湯頭帶輕輕辣度好惹味,材料亦交足功貨(可知海鮮最易出事呀!)最正係烏冬煙韌軟滑吃下口感很舒適沒有橡膠的感覺,而且份量很充裕很抵吃喔~小食{韓風一口雞}$39，估不到的好吃，炸雞件新鮮熱辣上檯炸得絕不油膩，內裡肉汁豐腴入口十分迷人呢~另一款係{泡菜炒豬頸肉}$50，因為我很迷泡菜的所以叫了這小食，泡菜爽身醃得香辣入味十分合我口味呢！而豬頸肉質地彈牙加上厚切吃下咬口很豐，整體嚟計是當晚最愛*^O^*最後的{喬麥冷麵}$62，內有青瓜絲，木魚絲，蟹

都有一段時間無黎呢間餐廳，今日落大雨，費事再搵餐廳，就入左黎呢間韓國餐廳食飯啦。坐低無耐之後店員就俾左D 小食我地啦，分別係青瓜同埋泡菜，兩樣小食都只係微辣，食落都幾開胃。海鮮烤肉豆腐鍋:海鮮烤肉豆腐鍋可以揀配飯或者烏冬，如果配烏冬既話就要加6蚊，都算幾多，可能係高級烏冬吧。個鍋既海鮮都幾多，有蝦有青口，仲有日式魚蛋，除左海鮮之外，仲有豆腐，粉絲同埋豬肉，至於湯底係泡菜湯，辣度係自己揀，我地揀左小辣，鍾意食辣既我覺得一D都唔辣，有機會真係想試中辣。炒韓國粉絲: 上次同朋友2個女仔叫左2個小食一個主菜之後發覺份量太多之後，今次都係叫一個主菜一個小食算啦。炒粉絲既材料其實只是用左好簡單既蘿蔔絲，冬菇，洋葱同埋黑木耳，但係食起來既層次真係幾豐富，無得頂啦。

突然間好想食韓國菜, 天氣唔好又唔想出尖咀排隊，於是喺openrice搵咗呢間旺角的首爾。雖然啲食評好兩極化，但始終有42個正評，多負平成倍，所以決定畀個機會佢。點知…愚人節，愚弄的竟然係自己!首先, 未開餐前去咗趟廁所，乾淨程度令我未食都飽，但當時無諗住後來會嬲到要寫呢篇食評, 所以無影相為證。不過眼不見為淨，我一路安慰自己一路同朋友吹水等開餐。上菜速度極快，心諗 “唔錯喎”, 點知一食就發覺賴嘢!韓國菜主食之前都會有啲涼拌小食，我去完廁所，四小碟已經上場。賣相一般, 味道一般，但事後檢討發現呢四小碟係已經係全餐飯最好味的!!!!網上好多人話呢個秘制粉絲豆腐窩好好味，但係一睇個賣相已經唔想食，十足冒白泡的地獄窩咁。水汪汪，食落無咩味…啲粉絲幼到咁, 一睇就知唔係韓國粉絲韓式燒牛肋骨，我食下食下見個fd挾住块牛肋骨望前望後，問佢做咩，佢話: “要研究下邊到咬得入” 可想而知韌到…傳統石頭窩飯，啲牛肉又 “鞋”又無咬口總之，呢間嘢我下次打死都唔幫襯!