影片
更多
2021-10-13
391 瀏覽
講出嚟都有啲慚愧 ，一把年紀先來食人生第一次omakase 🥺仲要係同家姐食好期待呢一餐，呢間係細佬推介，選址加拿分道，但係我之前喺附近做左幾年野都冇發覺呢度有一間食omakase 嘅地方, 去到先知原來有啲隱蔽，隱藏咗喺一間食日本野嘅地方入面。一入到去呢我哋都有啲疑惑同我哋想像中有啲出入。因為早咗少少到，侍應叫我哋坐住等，準時就會帶我哋入去。終於真係好準時帶咗我哋入一間小房入面，格局同出邊完全唔同，等入去嘅時候已經揀咗食邊個餐，因為佢有個promotion, 兩位如果揀同一個set ($880) 第二位就半價，所以我哋就揀咗呢一個offer 個set 包左五款刺身、八件壽司🍣、松茸湯、海鮮茶壺蒸同埋甜品綠茶布甸每一款上枱之前都會介紹一下個名，有啲真係唔知🤔佢講完都唔記得😜（我有專登抄低㗎）事實上我真係唔專業，淨係識分好食唔好食，啱我食定唔啱我食。事先佢都有問我哋有咩唔食，我都完全忘記咗自己唔食內臟😅結果真係有一種我係麻麻地⋯⋯「白子」，我食咗一啖頂唔順就俾埋家姐食，好似有啲腥腥地，不過賣相好靚㗎剌身方面重有「彷彿魚」「太刀魚」「🤩蠔🦪」「赤貝」壽司就有「石活貝」「衣早目」「牡丹蝦蝦膏
好期待呢一餐，呢間係細佬推介，選址加拿分道，但係我之前喺附近做左幾年野都冇發覺呢度有一間食omakase 嘅地方, 去到先知原來有啲隱蔽，隱藏咗喺一間食日本野嘅地方入面。
一入到去呢我哋都有啲疑惑同我哋想像中有啲出入。因為早咗少少到，侍應叫我哋坐住等，準時就會帶我哋入去。
終於真係好準時帶咗我哋入一間小房入面，格局同出邊完全唔同，等入去嘅時候已經揀咗食邊個餐，因為佢有個promotion, 兩位如果揀同一個set ($880) 第二位就半價，所以我哋就揀咗呢一個offer
個set 包左五款刺身、八件壽司🍣、松茸湯、海鮮茶壺蒸同埋甜品綠茶布甸
每一款上枱之前都會介紹一下個名，有啲真係唔知🤔佢講完都唔記得😜（我有專登抄低㗎）
事實上我真係唔專業，淨係識分好食唔好食，啱我食定唔啱我食。事先佢都有問我哋有咩唔食，我都完全忘記咗自己唔食內臟😅結果真係有一種我係麻麻地⋯⋯「白子」，我食咗一啖頂唔順就俾埋家姐食，好似有啲腥腥地，不過賣相好靚㗎
剌身方面重有「彷彿魚」「太刀魚」「🤩蠔🦪」「赤貝」
壽司就有「石活貝」「衣早目」「牡丹蝦蝦膏」「疏子魚」「中拖羅」「海膽」⋯⋯重有「吞拿魚手卷」*有啲字可能唔係咁寫😜
甜品嘅綠茶布甸都唔錯喎，中間嗰粒黑豆再加啲金箔令到成件事又靚咗好多🤩
可能我哋真係唔識食啦，食唔出佢嘅海膽新唔新鮮。不過隔離枱有對couple , 應該洗得起錢嘅，佢食完佢哋嗰件海膽壽司之後就同師傅講唔係好新鮮，要求師傅自己試吓，但係我見兩個師傅試完之後嘅表情都好似好無奈咁，但係都預咗佢會另外整過俾佢地食（用另外一款貴價啲嘅海膽）咁當然我冇食過佢哋嗰款海膽唔方便俾意見，不過食呢種比較高檔嘅omakase , 食客既意見當然要接受啦。
當然如果食夜晚就會更加高檔次啦，有promotion都要七百幾蚊一個人實在很奢侈！ 唔知要等到幾時先有機會再食下一次呢？
其實上晝已經食咗個有質素嘅semi-buffet 早餐，隔咗幾個鐘又食啲咁高檔嘅嘢，所以我決定夜晚唔食飯啦，費事嘥咗呢兩餐，好回味
5 瀏覽
0 讚好
0 留言
甜品-綠茶布甸
4 瀏覽
0 讚好
0 留言
吞拿魚手卷
7 瀏覽
0 讚好
0 留言
海鮮茶碗蒸
2 瀏覽
0 讚好
0 留言
白子
10 瀏覽
0 讚好
0 留言
前菜（水雲、豆腐、玉子）
5 瀏覽
0 讚好
0 留言
張貼
