街坊Cafe (已結業)

旺角女人街兩旁的食市多不聲數，見到黎間cafe 經openrice 訂座有高達半價優惠， 咁扺食一於試下先。 海鮮龍蝦汁蟹籽蝦子麵 $108 細細份，海鮮足，龍蝦汁好濃厚，汁不會太多，剛好掛在蝦子麵上，食完剛好不會覺得漏。和牛豬仔包漢堡 $68 肉汁juicy， 充滿免冶牛肉味。凍好立克鮮奶咖啡(前) $42 戀愛大過天(後) $48 有玫瑰、士多啤梨、菠蘿，酸酸甜甜好醒胃蒜香牛油脆雞翼 $58 一般，炸過火， 蒜香味只留喺雞翼表面 抹茶吉士法國西多士伴雪糕 $68 濃郁抹茶 x 香滑吉士， 超好味yummy 但因為配西多士既關係， 個碟底好多油， 建議格一格油才上碟。

難得閒日中午可以抖下，拉左老媽子出旺角逛下，通菜街不嬲多平價餐廳，見到呢間門面幾靚，又玩啲中西合璧菜式就入左去。餐廳內外位於「女人街」之稱既通菜街，估唔到餐廳裝修幾有Feel，我覺得設計得唔錯，附合到佢餐廳名「街坊Cafe」。食物選擇十分之多選擇，14:30前來有Lunch Set有Tea Set亦有散叫，平時意粉食得多，呢到配河粉/蝦子麵，好特別。加上叫得自己做「街坊Cafe」，價錢都街坊價啲，鐵板最平$89都有交易。海鮮龍蝦汁蟹籽蝦子麵 $108西式海鮮龍蝦汁 x 中式蝦子麵，幾新穎既配搭，份量唔算多，男士食未必夠飽，岩細食既女士。海鮮有青口、魷魚、蝦，底部有少許龍蝦汁撈勻再食，龍蝦汁味道幾出，蝦子麵本身就咸咸地，整體咸口但咸道可接受，估唔到兩者夾得埋，唔講係蝦子麵，外表睇就如平時食開既西式海鮮寬條意粉。午市套餐—龍蝦汁海鮮意大利飯 $68午市套餐包碗仔翅／忌廉湯、熱飲同免加一，同埋價錢相宜好多，我就揀左個龍蝦汁海鮮意大利飯，後尾先發現其實同老媽子兩個人嗌既一模一樣咁制，只係佢果個係蝦子麵，我果個就係意大利飯，所以個base其實都一模一樣，但唔知係咪因為飯會索汁，以龍蝦汁煮令到意大

在旺角長大的我每逢來到這裡都有莫名的親切感，尤其是旺角的街頭小食，充滿童年回憶！現在這裡到處都是食肆，真的有些選擇困難，今晚經過這間cafe先被一個可愛廣告牌所吸引~ 雞蛋仔甜品，一定要試試呢！餐廳裝修色彩繽紛, 壁畫生動活潑, 增添不少情趣！食物種類豐富，先來一客"鮮蝦青蘋果沙律" (小) $68 ~ 爽肉大蝦配上酸甜青蘋果， 零舍醒胃，令人食慾大增。海鮮龍蝦汁蟹籽蝦子麵 $108 ~ 海鮮配料有青口，魚柳和蜆肉，份量十足。 蟹籽蝦子麵爽口微彈，口感順滑！街坊小食拼盤 $108 ~ 吉列蟹肉忌廉薯餅外脆得來內裡忌廉又滑溜可口; 水牛城雞翼香脆惹味; 炸薯格鬆化香口; 超值兼抵食！此店必試的吉士雞蛋仔伴雪糕 $68 , 揀了紫薯味， 雞蛋仔蛋味濃郁， 香滑雪糕散發迷人的紫薯甜香， 啖啖都充滿風味！今晚實在太飽了，下次先再來試抹茶吉士雞蛋仔伴雪糕吧！

前一排見網上好多人推薦旺角呢間港西式fusion餐廳， 特別有可以呃like嘅甜品， 一直好想嚟試，今日同朋友行開旺角， 經過女人街，決定一於入嚟食返餐豐富嘅。海鮮龍蝦汁蟹籽蝦子麵($108)本來以為蝦子麵係壽x牌嘅嗰種幼身麵條， 上碟先知道原來係粗麵，但爽口嘅麵條反而為整碟菜式增加口感，配合的濃濃龍蝦汁， 啖啖鮮味😍 仲有好多唔同種類嘅海鮮，包括青口、蜆、帶子、蝦仁等等，幾足料。 反而想麵嘅份量多啲，可以撈汁食。黑松露雜菌雜菜 ($88)依家咩菜式都要黑松露味 ，連雜菜都要加松露油，不得了😂 出街食嘢都係叫返碟菜好，我哋叫咗一煲，份量比想像中多不過88蚊一碟齋菜就... 大家有目共睹。山長水遠嚟到，梗係要試下呢度出名嘅甜品:吉士雞蛋仔！一上碟大家都不禁一同嘩咗一聲， 賣相好吸引，喺一大片吉士上鋪了一層可可粉， 覆蓋住成塊雞蛋仔，旁邊仲有一球雲呢拿雪糕。 值得一讚嘅係雞蛋仔新鮮出爐，外脆內軟，配合冰凍嘅吉士真係有冰火交融的口感， 唯一美中不足嘅係整個甜品沒有tirimisu 應有嘅酒味，唔睇餐牌都唔知係tirimisu 😂 不過當然甜品來說都係滿意嘅💕同幾個朋友食完嘢再行下女人街 ，感