二鍋頭 (嘉芙中心)

營業中

休息中

朋友告知，尖沙咀間「二鍋頭」有得打邊爐之餘仲有得食羊腩煲，咁正就梗係要試啦！店鋪位於嘉芙中心一樓，地下大大個招牌好易搵！睇餐牌，我們先加$88試食羊腩煲！嘩，羊腩煲熱辣上枱，迚羊肉易咬口唔黐牙，仲要冇羶味，連唔食羊嘅朋友都話好食！跟住再試埋秘製火焰牛尾煲，員工即場加酒點火，牛尾有陣陣酒香，牛尾軟骨很靭口，據聞有好多骨膠原好養顏呢！跟住到正餐火鍋啦！我們加錢揀了每日限量20鍋的滋補鷓鴣鍋，裡面有紅棗、杞子等多款材料熬煮幾個鐘完成！湯味香濃，真材實料無味精味，暖身又養生！火鍋料方面，首推安格斯牛，全部薄切，員工更細心話我知淥6秒就最好味！海鮮選擇都好多，可以逐隻落order，唔怕浪費！另外，自助區有多款蔬菜和肉丸，有些更係台灣進口，其他火鍋店好難搵！所以，如果胃口有限，就要主攻店主推介的食材！飲品任飲，基本的汽水果汁一應俱全！雪糕任食，而且味道好特別，有玄米茶味和焦糖餅乾味！最後埋單每人$384，唔可以話好平，但真係一餐好特別的火鍋！

一諗唔到食咩，任飲任食就會係同另一半嘅共同答案😂 愈來愈多餐廳唔止有火鍋任飲任食，就連雞煲都係，而且價錢相宜！環境餐廳環境寬敞，排煙亦做得幾好，唔會入到去好大煙。有好幾部大電視，適逢食晚餐果日仲係奧運期間，打住邊爐飲住啤酒可樂睇奧運好爽！餐牌二鍋頭惹味雞煲、火焰鴛鴦鴨煲或黑椒豬手煲3選1，之後火鍋亦可揀是否需要升級任食和牛/海鮮盤。雞煲/鴨煲、火鍋任飲任食2小時 $198起 揀左雞煲任食，我哋落單時無講辣度，相信係預設辣度，唔太辣，應該大部分朋友仔都食到，雞煲惹味，而且份量都多。自助區 火鍋食普通版，揀左沙嗲湯底，有好多蝦米仔，味道都幾濃又唔會太鹹。配料隨咗紙上面剔嘅款式之外，仲有自助區，拎菜類、菇類、丸類，食材都會不停refill，唔怕會有空缺嘅情況出現。亦有甜品區。配料 必點生猛海蝦，大家有時食任食火鍋會唔會都怕比啲質素好差嘅海鮮？真係純粹為食飽而唔係食質素，但呢到好令我欣賞嘅係海鮮都係新鮮！睇相都見到海蝦透徹見到有蟹膏，encore 左好幾次海蝦！仲有帆立貝、青口都係必點，點少得肥牛、羊肉片，肉類嘅質素都唔差，配沙嗲湯底都好夾，最尾就算飽都要食個沙嗲湯出前一叮！總括而言，傾偈睇波

第一次聽可以任添雞煲鴨煲 通常都係得是但一個 第一次試可以兩者都有哂 都幾過癮去到餐廳 見到門面都好整潔乾淨 每張檯都好闊落 方便哂大家聚會坐低慢慢食慢慢傾我地果日兩種煲都試左 味道我覺得都比出面濃郁 食落去d雞肉同鴨肉都煮得岩岩好 唔會話老同埋鞋口 真係好正其實食完兩個煲都已經半飽 不過都仲有好多好多火鍋配料等緊我地 一d基本既火鍋料都好齊全 會分門別類擺哂係d凍櫃到 任君選擇 而有一部分是要以點單形式去嗌 其中必嗌既就係佢地既白鱔片 真係食多幾番都回哂本我覺得呢一餐個cp值超高 任飲任食亦俾到一定既質素 大家想打邊爐既話 呢度不失為一個好地方